Fimm bækur tilnefndar til Íslensku þýðingarverðlaunanna

Fimm bækur eru tilnefndar til Íslensku þýðingarverðlaunanna fyrir árið 2006, en það er Bandalag þýðenda og túlka sem tilnefndi bækurnar.

Þetta eru bækurnar Brekkan eftir Carl Frode Tiller í þýðingu Kristians Guttesens, Dætur hússins eftir Michéle Roberts í þýðingu Fríðu Bjarkar Ingvarsdóttur, Nostromo eftir Joseph Conrad í þýðingu Atla Magnússonar, Umskiptin eftir Franz Kafka í þýðingu Ástráðs Eysteinssonar og Eysteins Þorvaldssonar, og Wuthering Heights eftir Emily Brontë í þýðingu Silju Aðalsteinsdóttur.

Þriggja manna dómnefnd, skipuð verðlaunahafa síðasta árs Rúnari Helga Vignissyni, Gunnþórunni Guðmundsdóttur og Jórunni Sigurðardóttur, kveður upp lokadóm um hvaða bók hlýtur verðlaunin en þau verða afhent á degi bókarinnar þann 23. apríl á Gljúfrasteini.