Ölvaðir jeppaþjófar

Lögreglan á höfuðborgarsvæðinu handtók í morgun karl og konu fyrir að hafa tekið jeppabifreið ófrjásri hendi. Þau voru bæði nokkuð ölvuð þegar þau voru handtekin.

Það var um níuleytið í morgun að lögreglunni á höfuðborgarsvæðinu barst tilkynning um að jeppa hefði verið stolið í Breiðholtinu. Lögreglan hóf þegar í stað eftirgrennslan og stuttu síðar sást til bílsins á Sæbraut á vesturleið.

Lögreglan stöðvaði ferð bílsins og handtók konu og karl sem voru um borð. Að sögn lögreglu sat konan við stýrið en bæði voru nokkuð ölvuð. Þau gista nú fangageymslu lögreglunnar.