Hollendingar hvað?

Fyrsta leik dagsins var að ljúka, hitakóf í Leipzig greinilega, og eftir að hafa horft á Hollendinga í um 30 mínútur, hugsaði ég; þeir eru komnir aftur, snillingarnir, lipurt fótboltalið og allt að gerast, Serbarnir líka frískir, í síðasta sinn sameinað landslið þeirra og Svarfjalllands, en, en. Í seinni hálfleik mátti sjá langar leiðir að þetta yrði eitt núll, ekkert umfram það.

Serbarnir voru hálfvolgir í seinni hálfleik, en aldrei sérlega hættulegir og því miður, þegar hægri bakvörðurinn fær gult spjald fyrir að tefja, þá er hart í ári, alger óþarfi, Hollendingar eiga að gera það sem þeir gera best, sækja, sækja, sækja, og spila. Robben auðvitað sér kapituli, flinkur, fljótur og allt það, mætti spila boltanum aðeins meira er það ekki? Leikur er samt sigur fyrir Van Basten þjálfari, þrjú stig í húsi, varnarsigur a la England, en í svona hörðum slag, er allt vel þegið, bið samt alla góða vætti að gefa Hollendingum meira líf í næsta leik, Marco Van Basten, þú sem ert á himnum...