Íþróttaveislan á Sýn heldur áfram alla helgina

Það er búið að vera mikið fjör á sjónvarpsstöðinni Sýn í dag og halda beinar útsendingar áfram langt fram á kvöld. Nú stendur Race of Champions sem hæst og klukkan 20:50 verður leikur Zaragoza og Valencia í spænska boltanum í beinni. Þá er rétt að minna á golfmót Tiger Woods í beinni klukkan 20 á Sýn Extra.

Fjörið heldur svo áfram í fyrramálið þegar sýnt verður frá Birgi Leifi og félögum á evrópsku mótaröðinni í golfi og þá verður sýnt frá heimsmeistarakeppni félagsliða í knattspyrnu. Á morgun verður svo þrír leikir í spænska boltanum, Tiger Woods mótið í golfi, risaslagur Celtic og Rangers í skoska boltanum og rúsínan í pylsuendanum er leikur Giants og Eagles í NFL deildinni. Það verður því mikið um dýrðir á Sýn um helgina eins og alltaf.