Keane leggur skóna á hilluna

Roy Keane hefur ákveðið að leggja skóna á hilluna en hann hefur átt í erfiðleikum með að hrista af sér meiðsli á mjöðm sem hafa verið að hrjá hann á undanförnu tímabili.

Hinn eiturharði írski miðvallarleikmaður sem gerði garðinn frægan með Man. Utd. hefur átt geysilega farsælan feril og unnið allt sem hægt er að vinna með Man. Utd. en það var á meðan allt var í góðu á milli hans og Sir Alex Fergussonar stjóra United.

Keane taldi best að leggja skóna á hilluna eftir að skurðlæknir hans og læknir Celtic liðsins ráðlögðu honum það.

Keane sem að vann titilinn með Celtic á tímabilinu sem var að ljúka finnst erfitt að þurfa að yfirgefa liðið sem hann elskar og hann hefði óskað þess að geta spilað lengur með Celtic. Hann kvaddi stuðningsmenn liðsins á heimasíðu félagsins með því að segja að þeir hefðu verið frábærir og að draumur hans um að leika með Celtic hefði verið uppfylltur og hann væri ánægður með það.