Fótbolti

Hann spilar, spilar ekki, spilar...

Morgun, 1.dagur: 2DF sjónvarpstöðin er að telja niður, 8 klukkustundir, og tæplega 40 mínútur í fyrsta leik. Þulurinn, kona á þrítugsaldrei, er í skærustu dragt sem ég hef nokkurn tíma séð, skærgræn, litur vonarinnar, hún er hress og kynnir efni í morgunþáttinn: Þýskir stuðningsmenn að læra brasilísk dansspor á sorglegu diskóteki. Mehr tempo? spyr maður sem sennilega er endurskoðandi, si, claro, svarar kennarinn.
Hér í Munchen hafa allir fótboltaraftar verið dregnir á flot, 9.júní, leikdagur, og Þjóðverjar þurfa að sanna sig strax, 10 fréttir: Ballack ætlar að spila á eftir, eftir allt saman, meiddur eða ekki meiddur, hann ætlar að vera með og heimenn stórhrifnir, hann hefur orð á sér fyrir að vera sérhlífinn og latur, og þess vegna finnst öllum þetta vera sterk opnun, svartur færir kóngspeð fram um tvo reiti! Miroslav Klose á afmæli í dag, 28 ára og vill sannarlega halda uppá daginn með einu marki eða tveimur.
Roger Waters er í Berlín, með bassann og hljómsveit, Dark side of the moon flutt í gær með kór og öllu, vonandi að það verði ekki fyrirsagnir morgundagsins í þýsku blöðunum, ef Þjóðverjar klúðra sínum málum á eftir. Algjör synd hvað Waters getur lítið sungið núorðið, einsog gamall senter sem hefur verið færður í bakvörðinn


HM 2006 í Þýskalandi

Mest lesið


Fleiri fréttir

Sjá meira


×

Mest lesið