Raúl ánægður með sitt hlutskipti

Raúl, leikmaður Real Madrid og fyrirliði Spánverja á HM, segist vera mjög ánægður með stöðuna sem að Luis Aragones, þjálfari spænska liðsins, ætlar að láta hann leika í á HM.

Raúl sem að er nýstiginn upp úr erfiðum hnémeiðslum mun spila framarlega á miðjunni hjá Spænska landsliðinu á HM, rétt fyrir aftan þá Fernando Torres og David Villa sem byrja væntanlega frammi. "Mér líður vel í þessari stöðu, hef mikið frelsi og get skapað mörk með sendingum mínum. Við erum með 2 fljóta leikmenn frammi og með mig rétt fyrir aftan þá held ég að við verðum hættulegir." sagði Raúl.