Leita að báti fullum af rotnandi líkum

Yfirvöld á Grænhöfðaeyjum leita nú að báti fullum af rotnandi líkum sem tilkynnt var um að ræki stjórnlaust á hafi úti. Það var skipstjóri á bátnum Matiota sem tilkynnti yfirvöldum um bátinn en að hans sögn voru í það minnsta tólf lík af afrískum karlmönnum um borð. Lyktin af rotnandi líkunum hefði hins vegar verið svo sterk að hann treysti sér ekki til að fara um borð til að kanna hvort fleiri lík væri þar að finna. Grunur leikur á að ætlun skipverja hafi verið að flýja til Kanaríeyja en hundruð Afríkubúa deyja árlega á flótta sínum til Evrópu