Athugasemdir við stækkun álvers

Bæjarstjórn Hafnarfjarðar hefur gert athugasemdir við umhverfismat vegna fyrirhugaðrar stækkunar álversins í Straumsvík um helming. Deiliskipulag fyrir svæðið liggur ekki fyrir og bæjarstjórnin fellst ekki á að mengun aukist við stækkunina.

Lúðvík Geirsson bæjarstjóri segir varðandi mengunina, að nú þegar sé til tækni til að koma í veg fyrir aukna mengun, en það sé spurning um kostnað. Álfyrirtækið vilji hinsvegar fá að stækka svonefnt þynningarsvæði, eða svæði þar sem takmarkaðarar mengunar má verða vart. Á slíkum svæðum má ekki vera íbúabyggð, er þar mega hinsvegar vera iðnaðarhverfi og útivistarsvæði. Núverandi mengunarsvæði álversins nær til dæmis inn á syðstu brautir gollvallarins á Hvaleyrarholti og í iðnaðarhverfið austan Reykjanessbrautarinnar. Það virðast því mörg vandasöm mál óleyst við bæjarfélagið þótt opinber fyrirtæki seu þegar farin að ræða við álfyrirtækið um hugsanlega orkusölu til stækkunarinnar.