Í hart við skattinn

Bandalag háskólamanna lagði fram stjórnsýslukæru í síðustu viku vegna ákvörðunar skattstórans í Reykjavík í máli eins geislafræðings Landspítalans. Ákvörðunin hefur þau áhrif að skattur er tekinn af ökustyrk mannsins þar sem hann ekur meira en tvö þúsund kílómetra á ári á eigin bifreið til að komast á og af vinnustað í útköllum. "Það er einfalt réttlætismál að þurfa ekki að greiða tekjuskatt af útlögðum kostnaði aðeins vegna þess að þú býrð aðeins lengra frá vinnustaðnum en eitthvað tvöþúsund kílómetra takmark frá skattinum nær til," segir Katrín Sigurðardóttir formaður Félags geislafræðinga.