Fór í fússi

Heimsókn tyrkneska forsætisráðherrans Recep Erdogans til Danmerkur hlaut snubbóttan endi í gær. Hann var ósáttur við að fréttamenn sjónvarpsstöðvar Kúrda í Danmörku væru á fréttamannafundi sem til stóð að báðir forsætisráðherrarnir héldu við lok heimsóknarinnar. Því kom Anders Fogh Rasmussen einn fram á fundinum.

Fréttamannafundarins hafði verið beðið með eftirvæntingu eftir að hann lét hörð orð falla í garð gestgjafa síns í gærmorgun vegna þess að, Fogh, vildi ekki aðhafast neitt vegna birtingar á teikningum af Múhameð spámanni í dagblaðinu Jyllandsposten. Að sið múslima er bannað að birta myndir af spámanninum.