8000 manns flúðu Betu

Yfir átta þúsund manns flúðu heimili sín í Hondúras í gær vegna fellibylsins Betu sem reið þar yfir með mikilli úrkomu og roki. Fellibylurinn mælist nú sem fellibylur af annarri gráðu á kvarða Saffír-Simpson um stærð fellibylja. Sterkir vindar hafa fellt tré, skilti og rafmagnsstaura og er nú ekkert rafmagn í yfir eitt hundrað hverfum víðs vegar um landið. Vindstyrkur fellibylsins fór upp í 175 km/klst í verstu hviðunum, að sögn fellibyljamiðstöðvarinnar í Miami. Flóð hafa eyðilagt stóran hluta af hrísgrjóna- og kornökrum en Beta er þráttándi fellibylurinn á svæðinu í ár.