Rífa hús við Borgartún 17

Þessa dagana er unnið við að rífa niður hús sem stendur við Borgartún 17 en til stendur að tvöfalda höfuðstöðvar Kaupþings banka. Í húsinu voru verkfræði- og arkitektaskrifstofur og í fyrstu stóð til að gera brú á milli hússins og núverandi höfuðstöðva. Húsið sem er 27 ára þykir hins vegar barn síns tíma en lofthæðin þykir ekki næg fyrir tilhlýðilegt loftræstikerfi. Niðurrifið hófst í síðustu viku og að því loknu verður strax hafist handa við nýju bygginguna. Neðanjarðar verða tvær hæðir fyrir bílageymslur en fjórar hæðir verða ofanjarðar.