Oftast óvitar að verki

Aðfaranótt laugardags var slökkvilið höfuðborgarsvæðisins kallað út vegna sinuelds við Rauðavatn. Vel gekk að slökkva eldinn og engin slys urðu af honum. Þurrt veður sunnan- og suðvestanlands undanfarið eykur sinubrunahættu og biður Kristján Einarsson, slökkviliðsstjóri Brunavarna Árnessýslu, fólk að fara varlega með eld og hafa varann á. "Það eru aðallega krakkar að fikta með eld sem valda sinubruna," segir hann. "Ég vil bara biðja foreldra um að brýna þetta fyrir börnunum sínum og fela eldspýtustokka," bætti hann við.