Útör leyniþjónustumannsins í Róm

Útför ítalska leyniþjónustumannsins Nicola Calipari, sem féll í árás bandarískra hermanna á bíl sem flutti ítölsku blaðakonuna Júlíönu Sgrena úr haldi mannræningja á föstudag og út á flugvöll, fór fram í Róm á Ítalíu í morgun.  Mikill mannfjöldi var samankominn á götum Rómar þegar kistu Caliparis var ekið til útfararinnar. Í kirkjunni var Silvio Berlusconi, forsætisráðherra Ítalíu, á meðal syrgjenda. Hans bíður erfitt hlutskipti að lægja reiðiöldur ítölsku þjóðarinnar vegna þessa atviks en mikil andstaða er á meðal þjóðarinnar við veru ítalskra hermanna í Írak. Berlusconi hefur lýst því yfir í ítölskum fjölmiðlum að stuðningur ítalskra stjórnvalda við Bandaríkjamenn sé óhaggaður þrátt fyrir atvikið, en ríkisstjórnin hefur engu að síður krafist þess að hinir seku verði dregnir til ábyrgðar.