Fjölmennt mót í Laugardalslaug

720 keppendur frá 28 sundfélögum taka þátt í Gullmóti KR sem fram fer í Laugardalslaug um helgina. Í gærkvöldi fór fram keppni í 50 metra flugsundi og var keppt með útsláttarfyrirkomulagi. Örn Arnarsson sigraði Hjört Má Reynisson í úrslitum í karlaflokki, en Örn synti á 52,02 sekúndum eða einum hundraðasta frá Íslandsmeti Hjartar. Mette Jakobsen frá Danmörku sigraði í 50 metra flugsundi kvenna, sigraði Petru Jankovitz frá Króatíu í úrslitum. Tvö unglingamet hafa verið sett á mótinu. Auður Sif Jónsdóttir bætti stúlknametið í 800 metra skriðsundi og Erla Dögg Haraldsdóttir í 50 metra bringusundi.