Háir hælar og Viagra til Indónesíu

Vesturlandabúar hafa verið duglegir að safna hjálpargögnum fyrir fórnarlömb flóðbylgjunnar í Indlandshafi. Þó hafa gjafirnar komið að misjöfnu gagni og í raun ótrúlegustu hlutir sem hafa verið sendir til fólks sem á um sárt að binda. Á meðal þess sem komið hefur upp úr kössunum er háhælaðir skór, matvæli sem eru komin fram yfir síðasta söludag, Viagra-töflur, vetrartjöld og svo mætti lengi telja. Hjálparstarfsmenn eru ekkert sérlega hrifnir af þessu því það tekur dýrmætan tíma að flokka og henda öllu því drasli sem sent hefur verið.