Fluguveiði gegn námsleiða

Námsleiði hrjáir ekki lengur nemendur í grunnskólanum í bænum Wem í Shrop-skíri á Englandi. Eftir að fluguveiði var gerð að skyldugrein, hlakka þeir til hvers skóladags. Grunnskólinn í bænum Wem í Shrop-skíri er þar með fyrstur ríkisskóla í Englandi til að setja fluguveiði inn í námsskrána. Það eru nemendur á aldrinum ellefu til þrettán ára sem fá að sækja fluguveiðitíma, en kennarar telja að veiðinámið hafi jákvæð áhrif á krakkana og hjálpi þeim að þróa með sér eldmóð og ákafa. Lynne Edwards kennari segir nemendur ekki þurfa að vera akademíska í hugsun eða fljóta að hlaupa. Sumum sem fái ekki mikið út úr kennslustundunum finnist þetta skemmtilegt og þegar þeir snúi aftur í kennslustofuna hvetji þetta þá til dáða. Nemendur láta vel af tímunum en segja veiðina fremur litla. Það sé þó gott að vera úti í náttúrunni og mun skemmtilegra en að hanga inni í kennslustofu.