Sport
Villa hækkar tilboð sitt í Baros
Forráðamenn Aston Villa hafa nú í hyggju að hækka kauptilboð sitt í sóknarmanninn Milan Baros hjá Liverpool. Villa gerði á dögunu tilboð upp á sex milljónir punda í tékkneska leikmanninn, en Liverpool vill fá sjö milljónir fyrir hann. Nú er Villa sagt vera að undirbúa lokatilboð upp á 6,5 milljónir punda og mikið má vera ef Liverpool gengur ekki að því, enda þröngt á þingi í byrjunarliði Liverpool þegar kemur að framherjum.
