Sala miða eykst með komu Guðjóns

Greinilegt að stuðningsmenn Notts County hafa tröllatrú á Guðjóni Þórðarsyni, nýráðnum knattspyrnustjóra liðsins. Sala á ársmiðum á heimaleiki liðsins tók kipp við komu Guðjóns og jukust um 15% á einni viku. Alls hafa 1600 ársmiðar selst sem er talsverð aukning frá sama tíma ársins í fyrra en liðið hefur nú átt erfitt uppdráttar fjögur tímabil í röð. Patrick Nelson, framkvæmdastjóri félagsins, var sjálfur í sölubásnum um liðna helgi en þá lauk því tímabili sem ársmiðarnir voru seldir með sérstökum afslætti. „Ég ræddi við stuðningsmenn okkar sem virtust mjög spenntir yfir ráðningu Guðjóns," sagði hann við staðarblað í Nottingham. „Ég efast ekki um að þessar góðu sölutölur eru Guðjóni að þakka.