Minningardagskrá á Flateyri

Flateyringar heima og heiman hyggjast minnast þess 26 október næstkomandi að tíu ár eru liðinn frá snjóflóðunum mannskæðu á þorpið við Önundarfjörð. Mun skipulögð dagskrá fara fram allan daginn auk þess sem sérstök minningardagskrá mun fara fram að kvöldi dags í íþróttahúsi staðarins. Þar mun heimamenn í bland við landsþekkta tónlistarmenn flytja tónlist sem meðal annars var samin sérstaklega fyrir og um atburðina fyrir tíu árum. Vigdís Finnbogadóttir, fyrrverandi forseti, mun ávarpa gesti auk séra Stínu Gísladóttur sóknarprests áður en gestum verður boðið til kaffisamsætis í boði Ísafjarðarbæjar. Auk minningarstundarinnar mun fara fram sýningum á mannlífsmyndum Páls Önundarsonar sem sýna mun myndir af mannlífi á Flateyri síðasta áratuginn. Flateyringar vonast til þess að með þessu nái þeir að koma á framfæri þakklæti til allra þeirra sem lögð hönd á plóg við björgunarstörf eða landsöfnunina Samhugur í verki. Til stendur að bjóða flugmiða vestur á sérstökum afsláttarkjörum í tilefni minningarstundarinnar sem haldinn er af Minningarsjóði Flateyrar og standa vonir til að sem flestir geri sér ferð vestur á Flateyri