Sökk undan ströndum Sómalíu

Einn Íslendingur og tveir Norðmenn eru í haldi í Sómalíu, þar sem borgarastyrjöld og vargöld geisa, eftir að bátur þeirra sökk úti fyrir ströndum landsins á miðvikudag í síðustu viku. Ekki er vitað hver Íslendingurinn er en mennirnir hafa ítrekað þurft að mæta fyrir rétt. Öll áhöfnin, fimmtán manns, bjargaðist. Skipbrotsmenn voru fluttir til Sómalíu og hafa Ekki er vitað hver Íslendingurinn er en mennirnir hafa ítrekað þurft að mæta fyrir rétt.Íslendingurinn og Norðmennirnir ekki enn fengið að halda heimleiðis, en aðrir úr áhöfninni voru heimamenn. Sendiherra Norðmanna í Eþíópíu er að vinna að lausn mannanna, að sögn norska útvarpsins, og norskur útgerðarmaður skipsins sem sökk hefur það eftir mönnunum að vel fari um þá þrátt fyrir ástandið í landinu. Skipið, sem hét Marie, var á humarveiðum en það var í eigu Ervik Havfiske sem er stærsta línuútgerðarfélag í Noregi. Ekki er vitað hver Íslendingurinn er en Morgunblaðið hefur það eftir talsmanni útgerðarinnar að hann sé búsettur í Brasilíu. Norska útvarpið segir að mennirnir hafi ítrekað þurft að mæta fyrir rétt eða sjórétt en annar Norðmannanna var skipstjóri og hinn vélstjóri.