Varð vitni að misnotkuninni

Yngri bróðir Gavins Arvizo, sem Michael Jackson er sakaður um að hafa misnotað, segist tvisvar hafa séð popparann strjúka eldri bróður sínum meðan hann lá sjálfur sofandi í rúmi Jacksons á búgarði hans, Neverland. "Ég sá aðra höndina á Michael ofan í nærbuxum Gavins og hina höndina hafði hann ofan í sínum eigin buxum," sagði Star Arvizo við réttarhöldin í fyrradag. Hann segir einnig að Jackson hafi sýnt þeim klámsíður á netinu, gefið þeim áfengi, sofið með þeim í rúminu, verið nakinn fyrir framan þá og orðið æstur kynferðislega. "Við vorum að horfa á kvikmynd og þá kom Michael til okkar nakinn," sagði yngri bróðirinn. "Okkur fannst þetta ógeðslegt. Hann sat á rúminu og sagði að þetta væri mjög eðlilegt." Eftir það fór Jackson úr herberginu. Verjendur Jacksons reyndu að gera framburð Star og systur hans, Davellin, ótrúverðugan í málflutningnum á mánudaginn. Þeir telja að Arvizo-fjölskyldan sé að ljúga upp sökum á hendur Jackson í ágóðaskyni. Yngri bróðir Gavins Arvizo, sem Michael Jackson er sakaður um að hafa misnotað, segist tvisvar hafa séð popparann strjúka eldri bróður sínum meðan hann lá sjálfur sofandi í rúmi Jacksons á búgarði hans, Neverland. "Ég sá aðra höndina á Michael ofan í nærbuxum Gavins og hina höndina hafði hann ofan í sínum eigin buxum," sagði Star Arvizo við réttarhöldin í fyrradag. Hann segir einnig að Jackson hafi sýnt þeim klámsíður á netinu, gefið þeim áfengi, sofið með þeim í rúminu, verið nakinn fyrir framan þá og orðið æstur kynferðislega. "Við vorum að horfa á kvikmynd og þá kom Michael til okkar nakinn," sagði yngri bróðirinn. "Okkur fannst þetta ógeðslegt. Hann sat á rúminu og sagði að þetta væri mjög eðlilegt." Eftir það fór Jackson úr herberginu. Verjendur Jacksons reyndu að gera framburð Star og systur hans, Davellin, ótrúverðugan í málflutningnum á mánudaginn. Þeir telja að Arvizo-fjölskyldan sé að ljúga upp sökum á hendur Jackson í ágóðaskyni.