Wenger hrósar van Persie

Arsene Wenger hrósaði sóknarmanni sínum Robin van Persie eftir að varamaðurinn skoraði mark á móti Newcastle í 2-0 sigri Arsenal í gær, en sagðist viss um að Newcastle liðið ætti eftir að verða sterkt í vetur. "Robin átti fína innkomu í leikinn og það var gríðarlega mikilvægt fyrir sjálfstraustið hjá honum að skora strax í fyrsta leik," sagði Wenger, eins sem kunnugt er hefur hinn ungi Hollendingur ekki átt sjö dagana sæla í einkalífinu í sumar. "Robin getur skorað fyrir utan og innan teig og ég held að hann eigi eftir að reynast okkur mikilvægur í vetur. Ég hef engar áhyggjur af framhaldinu fyrir hönd Newcastle þó þeir hafi tapað þessum leik. Þeir eiga eftir að vinna marga leiki á útivelli í vetur. Þeir eru með sterka miðju, halda knettinum vel og vinna vel," sagði Wenger.