ESB boðar nýtt umferðarkerfi

Evrópusambandið hyggst koma upp nýju samhæfðu flugumferðarstjórnarkerfi í aðildarríkjunum til að bregðast við þeirri stórauknu flugumferð sem spáð er í álfunni á næstu árum. Gert er ráð fyrir að umferðin um helstu flugleiðir í Evrópu muni tvöfaldast á næstu 15 árum.

Á blaðamannafundi í Brussel á fimmtudag var hið nýja kerfi kynnt, en það hefur fengið heitið Sesar. Helstu markmiðin með innleiðingu kerfisins er að gera flugumferð öruggari, draga úr mengun og gera flugumferðarstjórn auðveldari.