Alcan lánar Norðuráli súrál

Alcan á Íslandi lánar Norðuráli 10.000 tonn af súráli, að sögn Hrannars Péturssonar, upplýsingafulltrúa Alcan. "Þetta er aðalhráefnið sem álver vinna með. Það yrði algjört neyðarástand ef aðeins væri eitt álver í landinu og þetta vantaði. Súrálið átti að koma beint til okkar með skipi en í staðinn fer skipið fyrst í Norðurál með tíu þúsund tonn. Þegar þeirra skip kemur skila þeir svo tonnunum aftur." Ragnar Guðmundsson, framkvæmdastjóri fjármálasviðs Norðuráls, vildi þó ekkert kannast við súrálsskortinn eða að Norðurál fengi súrál frá Alcan.