Styrkir fórnarlömb flóðbylgjunnar

Rótarýklúbburinn Reykjavík-Austurbær hefur ákveðið að styrkja fórnarlömb flóðbylgjunnar í Asíu og gefur fjóra báta ásamt veiðarfærum til fiskimannafjölskyldna í Andra Pradesh-héraði á Indlandi.  Það var á þessum slóðum sem þúsundir misstu aleigu sína í flóðbylgjunni og er gjöfin hluti af samstarfsverkefni rótarýhreyfingarinnar í Andra Pradesh og 65 rótarýklúbba í tíu löndum. Alls voru 180 bátar gefnir til íbúa svæðisins, ásamt veiðarfærum. Þetta ætti að koma íbúum svæðisins vel þar sem fiskveiðar eru meginatvinnugrein íbúanna og með einum báti er mögulegt að sjá tveimur fjölskyldum farborða.