Rumsfeld undirritar öll bréf

Donald Rumsfeld, varnarmálaráðherra Bandaríkjanna, mun hér eftir undirrita öll samúðarbréf sem send eru ættingjum fallinna hermanna. Rumsfeld og varnarmálaráðuneytið hafa verið gagnrýnd undanfarið fyrir það virðingarleysi sem sýnt er þeim Bandaríkjamönnum sem eiga um einna sárast að binda vegna Íraksstríðsins, með því að senda nánast algjörlega staðlað samúðarbréf með tölvuskrifaðri undirskrift ráðherrans. Talsmaður varnarmálaráðuneytisins segir slíkt hafa verið gert í mörgum tilvika svo bréfin myndu komast til skila sem allra fyrst. Rúmlega eitt þúsund bandarískir hermenn hafa fallið frá því Íraksstríðið hófst í mars á síðasta ári.