Liggja enn þungt haldin

Kona og karl liggja enn þungt haldin á gjörgæsludeild Landsspítalans eftir mjög harðan árekstur tveggja bíla á Suðurlandsvegi á móts við Kotströnd um klukkan fjögur í gærdag. Þeim er báðum haldið sofandi. Þau voru í sama bílnum, en þrennt úr hinum bílnum meiddist óverulega. Þá slasaðist kona þegar bíll, sem hún var í, valt út af þjóðveginum í Noðurárdal um klukan hálf sjö í gærkvöldi. Hún var flutt með sjúkrabíl á slysadeild Landsspítalans, en er ekki lífshættulega slösuð. Tveir aðrir, sem voru í bílnum, sluppu nær ómeiddir. Annars gekk umferðin almennt vel á þjóðvegum landsins í gær þrátt fyrir mikinn fjölda bíla og drefiðist hún alveg fram á kvöld. Um kvöldmatarleitið voru flestir aðkomumenn farnir frá Akureyri og þar urðu engin óhöpp. Fjölmargir ökumenn óskuðu eftir því við lögregluna þar að fá að blása til að ganga úr skugga um að þeir væru orðnir hæfir til aksturs og þurftu nokkrir að bíða þar til þeir stóðust mælingu.