Viðskipti innlent

Lítilsháttar lækkun á verðbólgunni

Verðbólgan lækkaði lítilsháttar milli mánaða eða úr 5,3% og í 5,2%. Síðastliðna tólf mánuði hefur vísitala neysluverðs hækkað um 5,2% og vísitalan án húsnæðis um 4,7%.

Dráttarvextir hækka um 0,25 prósentur

Grunnur dráttarvaxta hækkaði um 0,25 prósentur við síðustu stýrivaxtaákvörðun Seðlabankans Íslands í byrjun nóvember. Dráttarvextir hækka því að sama skapi um 0,25 prósentur frá og með 1. desember nk. og verða 11,75%.

Seldu dýrt og fengu ný bréf síðar

Finnur Árnason, forstjóri Haga, og Guðmundur Marteinsson, framkvæmdastjóri Bónuss, sem fengu nýverið 0,8% hlut í félaginu án endurgjalds, seldu hluti sem þeir áttu í því á árunum 2008 og 2009 fyrir hundruð milljóna króna. Kaupandinn að bréfunum sem þeir áttu áður voru Hagar sjálfir. Þetta kemur fram í árs- og árshlutareikningum Haga.

Um 160 milljarðar með litla ávöxtun

Um hundrað og sextíu milljarðar króna, í eigu íslensku lífeyrissjóðanna, eru nú inn á innlánsreikningum með lítilli sem engri ávöxtun. Framkvæmdastjóri Landssamtaka lífeyrissjóðanna segir stöðuna áhyggjuefni.

Rekstrarhagnaður N1 nam 6 milljörðum

Hagnaður N1 á fyrstu níu mánuðum ársins nam 6 milljörðum króna. Rekstrartekjur félagsins á tímabilinu námu 42,2 milljörðum króna og jukust um 17% frá árinu áður.

Lánin verða felld niður

Íslandsbanki ætlar á næstu dögum að fella niður lán stofnfjáreigenda í Byr Sparisjóði og Sparisjóði Norðlendinga. Bankinn mun á næstu dögum tilkynna einstökum lántakendum um þetta.

Hvetur Íslendinga til að ryksuga ekki upp allar erlendar verslanir

Það virðist ekki vera hægt að gera stjórnmálamönnum grein fyrir þeim skaða sem vörugjöld gera verslun í landinu, segir Margrét Kristmannsdóttir, formaður Samtaka verslunar og þjónustu. Í samtali við Reykjavík síðdegis í dag ræddi Margrét hvernig stuðla mætti að því að Íslendingar versluðu sem mest innanlands.

Unnið að því að minnka vægi verðtryggingarinnar

Unnið verður að þverpólitískri áætlun um minnkað vægi verðtryggingar á íslenskum fjármálamarkaði. Bókun þessa efnis var samþykkt á fundi efnahags- og viðskiptanefndar Alþingis í dag. Áætlunin verður lögð fram sem þingmál og stefnt er að því að nefndin leggi málið fram fyrir 15. febrúar næstkomandi.

S&P hækkar lánshæfismat á Landsvirkjun

Matsfyrirtækið Standard & Poor's hefur breytt horfum á lánshæfismati Landsvirkjunar úr neikvæðum í stöðugar. Mat fyrirtækisins á lánshæfiseinkunn Landsvirkjunar, BB, helst óbreytt. Tilkynning Standard & Poor's kemur í kjölfar samskonar breytingar sem fyrirtækið hefur gert fyrir lánshæfismat ríkissjóðs og var tilkynnt í gær.

Skatturinn á eftir fyrirtækjum sex ár aftur tímann

Ríkisskattstjóri hefur sent bréf til fjölda fyrirtækja vegna samsköttunar við skuldsettar yfirtökur sex ár aftur í tímann. Fjöldi fyrirtækja eiga yfir höfði sér endurálagningu skatta og fjárhæðirnar gætu hlaupið á milljörðum króna.

Vísar því á bug að World Class hafi verið keypt fyrir slikk

Sigurður G. Guðjónsson, hæstaréttarlögmaður, segir af og frá að kaupverð Lauga ehf., sem er í eigu Björns Leifssonar og Hafdísar Jónsdóttur, á rekstri World Class af félagi sem var í þeirra eigu hafi aðeins verið 3 prósent af verðmati dómkvaddra matsmanna.

Gríðarleg aukning flugfarþega

Gert er ráð fyrir að tæplega 2,3 milljónir farþega fari um Keflavíkurflugvöll á næsta ári, en í fyrra voru um 1,9 milljónir farþega sem fóru um völlinn. Forsenda fyrir aukningu farþeganna er bæði að þau flugfélög sem þegar hafa flogið boða aukningu auk þess sem ný flugfélög hafa boðað komu sína á nokkrum flugleiðum milli Keflavíkurflugvallar og Evrópu.

Samtök iðnaðarins gagnrýna kolefnisskatt harðlega

Samtök iðnaðarins gagnrýna harðlega áform stjórnvalda um að leggja á kolefnisskatt samkvæmt ályktun sem samtökin samþykktu.

Atvinnulífið gríðarlega svartsýnt

Yfirgnæfandi meirihluti stjórnenda fyrirtækja telja aðstæður í atvinnulífinu vera slæmar samkvæmt nýrri könnun Capacent meðal stærstu fyrirtækja landsins fyrir Samtök atvinnulífsins og Seðlabankann og birtist á vef samtakanna.

Greiddu 3 prósent af raunvirði World Class

Dómkvaddur matsmaður sem var fenginn til að meta verðmæti World Class metur reksturinn á átta hundruð til eitt þúsund milljónir króna en Björn Leifsson og kona hans seldu sjálfum sér fyrirtækið á tuttugu og fimm milljónir.

Tæp 90 prósent eigna Framtakssjóðs á markað innan 3 ára

Framtakssjóður Íslands áformar að tæplega 90% núverandi eignasafns sjóðsins verði skráð á hlutabréfamarkað innan þriggja ára samkvæmt tilkynningu frá Framtakssjóði Íslands.

WOW Air flýgur til tólf staða í Evrópu

Lággjaldaflugfélagið WOW Air hóf sölu farmiða í gær en fyrstu flug félagsins verða 1. júní 2012.

Vogunarsjóðir með hlut í Existu

Sameining Íslandsbanka og Byrs samþykkt

Alþingi hefur samþykkt sölu á hlut ríkisins í Byr hf. til Íslandsbanka og allri samningagerð er nú lokið. Með því er ljóst að Íslandsbanki og Byr munu sameinast, en áður höfðu Fjármálaeftirlit, Samkeppniseftirlitið og Eftirlitsstofnun EFTA veitt samþykki sitt fyrir kaupunum. Íslandsbanki kaupir 11,8% hlut íslenska ríkisins og 88,2% hlut skilanefndar Byrs á 6,6 milljarða króna.

Gera ráð fyrir 2,6% hagvexti á þessu ári

Gert er ráð fyrir að landsframleiðsla aukist um 2,6% á þessu ári og 2,4% 2012, samkvæmt nýrri þjóðhagsspá Hagstofu Íslands. Vöxt landsframleiðslu má rekja til aukinnar einkaneyslu og fjárfestingar.

Fjöldi gjaldþrota tvöfaldast milli ára í október

Í október síðastliðnum voru 190 fyrirtæki tekin til gjaldþrotaskipta samanborið við 96 fyrirtæki í október í fyrra. Fjöldinn hefur því nær tvöfaldast milli ára í október.

Óraunhæft að afnema gjaldeyrishöftin á tveimur árum

Óraunhæft er að telja að hægt sé að afnema gjaldeyrishöftin á næstu tveimur árum eins og stjórnvöld stefna að. Ferlið muni taka mun lengri tíma.

Eiga hlut sem er 170 milljóna króna virði

Stjórnendur Haga fengu ekki hlut frá Arion banka í Högum upp á ríflega 300 milljónir, eins og greint var frá í fréttum Stöðvar 2 í kvöld, heldur nemur hluturinn samtals um 170 milljónum. Til viðbótar við þennan 170 milljóna hlut fengu stjórnendurnir hins vegar peningagreiðslu upp á 170 milljónir til viðbótar, og þurfa þeir að standa skil á skatti af heildarvirði þessa samkomulags, virði ríflega 340 milljóna, samkvæmt upplýsingum frá Haraldi Guðna Eiðssyni, hjá samskiptasviði Arion banka.

Segir Íra geta hjálpað Íslendingum í erfiðustu köflunum

Komið yrði fram við Íslendinga eins og jafningja í Evrópusambandinu og íslenska ríkið yrði leiðandi þjóð í sjávarútvegsmálum í sambandinu. Þetta segir Evrópumálaráðherra Írlands. Þá muni forsæti Íra í sambandinu árið 2013 aðstoða við að ljúka viðræðum um erfiðustu kaflana eins og sjávarútveg.

Lykilstjórnendur Haga fengu 300 milljóna króna hlut í fyrirtækinu

Lykilstjórnendur Haga sömdu um að fá að eignast hlut í fyrirtækinu sem er virði yfir 300 milljóna króna. Þeir þurfa ekki að greiða fyrir hlutinn, né heldur standa straum af skattgreiðslum, samkvæmt samkomulagi við bankann.

Eru Írar betur settir en Íslendingar?

Það var bókstaflega allt í steik hjá Írum eftir hrunið því írska þingið setti lög um að írska ríkið ábyrgðist skuldir alls bankakerfisins. Írar fóru semsagt allt aðra leið en Íslendingar því bankarnir voru þjóðnýttir að fullu. Lucinda Creighton, Evrópumálaráðherra Íra, er yngsti ráðherrann í ríkisstjórn Írlands, aðeins 31 árs. Hún segir að það hafi reynst rétt hjá Írum að ábyrgjast skuldir bankakerfisins þar í landi. Þá segir hún ekki hægt að svara því hvort Íslendingar hefðu getað sett neyðarlög hefðu þeir haft evru því aðstæður hér hefðu líklega verið allt aðrar.

S&P hækkar lánshæfismats ríkissjóðs

Matsfyrirtækið Standars & Poor's breytti í dag horfum á lánshæfismati ríkissjóðs í stöðugar úr neikvæðum þar sem hagvöxtur hefur tekið við sér á ný. BBB-/A-3 lánshæfiseinkunnir staðfestar. Þetta kemur fram í tilkynningu frá Seðlabanka Íslands.

WOW ætlar að fljúga til tólf áfangastaða

Lággjaldafélagið WOW Air mun hefja flug til og frá Íslandi um mánaðarmótin maí-júní næstkomandi. Sala á miðum er þegar hafin á vef félagsins.

Fá að kaupa í Högum á genginu 11-13,5

Almenningi og fagfjárfestum gefst tækifæri á að kaupa í 20-30% af útgefnum hlutum í Högum hf á genginu 11-13,5 krónur á hlut. Þetta kemur fram í fréttatilkynningu sem Arion banki sendi frá sér í dag. Hluturinn er í eigu Eignarbjargs, sem er dótturfélag Arion banka.

ESA hefur formlega rannsókn á ríkisaðstoð við fjárfestingabanka

Eftirlitsstofnun EFTA (ESA) ákvað í dag að hefja formlega rannsókn á ríkisaðstoð í tengslum við lánveitingar til fjárfestingarbankanna Saga, VBS og Askar Capital. Þetta er staðfest með tilkynningu á vefsíðu ESA í dag.