Seldu dýrt og fengu ný bréf síðar 25. nóvember 2011 07:00 Finnur Árnason, forstjóri Haga, og Guðmundur Marteinsson, framkvæmdastjóri Bónuss, sem fengu nýverið 0,8% hlut í félaginu án endurgjalds, seldu hluti sem þeir áttu í því á árunum 2008 og 2009 fyrir hundruð milljóna króna. Kaupandinn að bréfunum sem þeir áttu áður voru Hagar sjálfir. Þetta kemur fram í árs- og árshlutareikningum Haga. Selt fyrir milljarðJóhanna WaagfjörðHagar keyptu 3,74% hlut í sjálfum sér í þremur atrennum á árunum 2008 og 2009. Seljendurnir voru þrír lykilstarfsmenn: Finnur Árnason, forstjóri Haga, Guðmundur Marteinsson, framkvæmdastjóri Bónuss og Jóhanna Waagfjörð, þáverandi fjármálastjóri Haga. Fyrst voru keypt bréf af starfsmönnunum þremur 6. júlí og 6. september 2008. Samtals greiddu Hagar starfsmönnunum þremur 712,7 milljónir króna fyrir hlutina. Miðað við það var viðskiptagengið 25,01 króna á hlut. Í október 2009 keyptu Hagar síðan 1,4% hlut af starfsmönnunum þremur. Fyrir hann greiddi félagið 315 milljónir króna. Viðskiptagengið var 18,53 krónur á hlut. Alls greiddu Hagar því 1.027,7 milljónir króna fyrir samanlagt 3,74% hlut í sjálfu sér. Hinn 19. október 2009, í sama mánuði og seinni kaupin áttu sér stað, leysti Arion banki til sín 95,7% hlut í Högum vegna skulda fyrri eigenda hans. Önnur útistandandi bréf voru annars vegar þau sem Hagar áttu sjálfir eftir að hafa keypt af eigendunum og 0,5% hlutir sem enn eru í eigu Finns, Jóhönnu og Guðmundar, samkvæmt upplýsingum frá Arion banka. Vert er að taka fram að samkomulag lá fyrir milli Haga og starfsmannanna þriggja um kaup á umræddum hlutabréfum áður en Arion banki leysti félagið til sín. Arion gefur hlutafé og peningaGuðmundur MarteinssonÍ febrúar 2010 var gert samkomulag við Jóhannes Jónsson, þáverandi stjórnarformann Haga, og helstu stjórnendur félagsins um forkaupsrétt á 15% hlut í því til að tryggja áframhaldandi starfskrafta þeirra á næstu árum. Í ágúst sama ár var síðan gert annað samkomulag við Jóhannes um að hann hyrfi frá félaginu. Eftir stóð samkomulag sem tryggði fimm lykilstjórnendum Haga forkaupsrétt að 5% hlut með afslætti. Auk þess var skaðleysisákvæði í samkomulaginu sem tiltók að Arion banki myndi greiða skatta þeirra vegna kaupanna. Í tengslum við ákvörðun um sölu á 20-30% hlut í Högum í gegnum Kauphöll í nóvember 2011 var samið upp á nýtt við lykilstjórnendurna fimm. Nú var ákveðið að tveir þeirra, Finnur Árnason og Guðmundur Marteinsson, myndu fá 0,4% hlut hvor án endurgjalds og þeir Gunnar Ingi Sigurðsson, framkvæmdastjóri Hagkaupa, Kjartan Már Friðriksson, framkvæmdastjóri Banana, og Lárus Óskarsson, framkvæmdastjóri Aðfanga, 0,2% hlut hver. Samtals fengu stjórnendurnir fimm því 1,4% hlut í Högum frá Arion banka, miðað við gengið 10. Virði þessa hlutar, miðað við það gengi, er 170 milljónir króna. Hefur þegar hækkaðÚtboðsgengi á hlutum í Högum þegar þeir verða seldir fagfjárfestum og almenningi í byrjun desember er 11-13,5. Samkvæmt því verðbili er virði hlutar stjórnendanna fimm strax orðið 187-229,5 milljónir króna. Auk þess fengu þeir peningagreiðslu upp á 170 milljónir króna til að standa skil af skattgreiðslum vegna samkomulagsins. Alls samdi því Eignabjarg, dótturfélag Arion banka, við stjórnendurna fimm um 340 milljónir króna. Samkvæmt síðasta birta árshlutareikningi Haga, bindur samkomulagið þá til að starfa áfram hjá Högum fram til 31. júlí 2012. Jóhanna Waagfjörð hætti sem fjármálastjóri Haga í mars 2010. Mest lesið Loksins, mathöllin og fleiri staðir fá nýja rekstraraðila Viðskipti innlent „Við erum að bæta við atvinnustoð í samfélaginu“ Viðskipti innlent Sjómönnum sagt upp: Skipulagsbreytingar vegna veiðigjalda Viðskipti innlent Kristján og Leó kaupa Landsbankahúsið á tæpa þrjá milljarða Viðskipti innlent „Ekki mistök“ að brauð með engu kostaði tvö þúsund krónur Neytendur Gáfust upp á Facebook og opna verslun fyrir notaðar íþróttavörur Viðskipti innlent Sunna ráðin nýr viðskiptastjóri Regus á Akureyri Viðskipti innlent Opnuðu loks Hygge eftir 245 daga bið Viðskipti innlent Slæm vinnustaðamenning: Minni afköst, verri frammistaða, fleiri fjarvistir Atvinnulíf Erlendir farþegar á bak við 81 prósent tekna Icelandair Viðskipti innlent Fleiri fréttir Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Vaka stýrir Collab Hagnaður Arion flaug fram úr væntingum Fjárfestar í sjávarútvegi fari að líta annað Hvenær er skynsamlegt að taka út viðbótalífeyrissparnað? Stígur til hliðar vegna „ólíkrar sýnar“ á breytingar Sjá meira
Finnur Árnason, forstjóri Haga, og Guðmundur Marteinsson, framkvæmdastjóri Bónuss, sem fengu nýverið 0,8% hlut í félaginu án endurgjalds, seldu hluti sem þeir áttu í því á árunum 2008 og 2009 fyrir hundruð milljóna króna. Kaupandinn að bréfunum sem þeir áttu áður voru Hagar sjálfir. Þetta kemur fram í árs- og árshlutareikningum Haga. Selt fyrir milljarðJóhanna WaagfjörðHagar keyptu 3,74% hlut í sjálfum sér í þremur atrennum á árunum 2008 og 2009. Seljendurnir voru þrír lykilstarfsmenn: Finnur Árnason, forstjóri Haga, Guðmundur Marteinsson, framkvæmdastjóri Bónuss og Jóhanna Waagfjörð, þáverandi fjármálastjóri Haga. Fyrst voru keypt bréf af starfsmönnunum þremur 6. júlí og 6. september 2008. Samtals greiddu Hagar starfsmönnunum þremur 712,7 milljónir króna fyrir hlutina. Miðað við það var viðskiptagengið 25,01 króna á hlut. Í október 2009 keyptu Hagar síðan 1,4% hlut af starfsmönnunum þremur. Fyrir hann greiddi félagið 315 milljónir króna. Viðskiptagengið var 18,53 krónur á hlut. Alls greiddu Hagar því 1.027,7 milljónir króna fyrir samanlagt 3,74% hlut í sjálfu sér. Hinn 19. október 2009, í sama mánuði og seinni kaupin áttu sér stað, leysti Arion banki til sín 95,7% hlut í Högum vegna skulda fyrri eigenda hans. Önnur útistandandi bréf voru annars vegar þau sem Hagar áttu sjálfir eftir að hafa keypt af eigendunum og 0,5% hlutir sem enn eru í eigu Finns, Jóhönnu og Guðmundar, samkvæmt upplýsingum frá Arion banka. Vert er að taka fram að samkomulag lá fyrir milli Haga og starfsmannanna þriggja um kaup á umræddum hlutabréfum áður en Arion banki leysti félagið til sín. Arion gefur hlutafé og peningaGuðmundur MarteinssonÍ febrúar 2010 var gert samkomulag við Jóhannes Jónsson, þáverandi stjórnarformann Haga, og helstu stjórnendur félagsins um forkaupsrétt á 15% hlut í því til að tryggja áframhaldandi starfskrafta þeirra á næstu árum. Í ágúst sama ár var síðan gert annað samkomulag við Jóhannes um að hann hyrfi frá félaginu. Eftir stóð samkomulag sem tryggði fimm lykilstjórnendum Haga forkaupsrétt að 5% hlut með afslætti. Auk þess var skaðleysisákvæði í samkomulaginu sem tiltók að Arion banki myndi greiða skatta þeirra vegna kaupanna. Í tengslum við ákvörðun um sölu á 20-30% hlut í Högum í gegnum Kauphöll í nóvember 2011 var samið upp á nýtt við lykilstjórnendurna fimm. Nú var ákveðið að tveir þeirra, Finnur Árnason og Guðmundur Marteinsson, myndu fá 0,4% hlut hvor án endurgjalds og þeir Gunnar Ingi Sigurðsson, framkvæmdastjóri Hagkaupa, Kjartan Már Friðriksson, framkvæmdastjóri Banana, og Lárus Óskarsson, framkvæmdastjóri Aðfanga, 0,2% hlut hver. Samtals fengu stjórnendurnir fimm því 1,4% hlut í Högum frá Arion banka, miðað við gengið 10. Virði þessa hlutar, miðað við það gengi, er 170 milljónir króna. Hefur þegar hækkaðÚtboðsgengi á hlutum í Högum þegar þeir verða seldir fagfjárfestum og almenningi í byrjun desember er 11-13,5. Samkvæmt því verðbili er virði hlutar stjórnendanna fimm strax orðið 187-229,5 milljónir króna. Auk þess fengu þeir peningagreiðslu upp á 170 milljónir króna til að standa skil af skattgreiðslum vegna samkomulagsins. Alls samdi því Eignabjarg, dótturfélag Arion banka, við stjórnendurna fimm um 340 milljónir króna. Samkvæmt síðasta birta árshlutareikningi Haga, bindur samkomulagið þá til að starfa áfram hjá Högum fram til 31. júlí 2012. Jóhanna Waagfjörð hætti sem fjármálastjóri Haga í mars 2010.
Mest lesið Loksins, mathöllin og fleiri staðir fá nýja rekstraraðila Viðskipti innlent „Við erum að bæta við atvinnustoð í samfélaginu“ Viðskipti innlent Sjómönnum sagt upp: Skipulagsbreytingar vegna veiðigjalda Viðskipti innlent Kristján og Leó kaupa Landsbankahúsið á tæpa þrjá milljarða Viðskipti innlent „Ekki mistök“ að brauð með engu kostaði tvö þúsund krónur Neytendur Gáfust upp á Facebook og opna verslun fyrir notaðar íþróttavörur Viðskipti innlent Sunna ráðin nýr viðskiptastjóri Regus á Akureyri Viðskipti innlent Opnuðu loks Hygge eftir 245 daga bið Viðskipti innlent Slæm vinnustaðamenning: Minni afköst, verri frammistaða, fleiri fjarvistir Atvinnulíf Erlendir farþegar á bak við 81 prósent tekna Icelandair Viðskipti innlent Fleiri fréttir Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Vaka stýrir Collab Hagnaður Arion flaug fram úr væntingum Fjárfestar í sjávarútvegi fari að líta annað Hvenær er skynsamlegt að taka út viðbótalífeyrissparnað? Stígur til hliðar vegna „ólíkrar sýnar“ á breytingar Sjá meira
Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun