Eru Írar betur settir en Íslendingar?

Það var bókstaflega allt í steik hjá Írum eftir hrunið því írska þingið setti lög um að írska ríkið ábyrgðist skuldir alls bankakerfisins. Írar fóru semsagt allt aðra leið en Íslendingar því bankarnir voru þjóðnýttir að fullu. Lucinda Creighton, Evrópumálaráðherra Íra, er yngsti ráðherrann í ríkisstjórn Írlands, aðeins 31 árs.

Hún segir að það hafi reynst rétt hjá Írum að ábyrgjast skuldir bankakerfisins þar í landi. Þá segir hún ekki hægt að svara því hvort Íslendingar hefðu getað sett neyðarlög hefðu þeir haft evru því aðstæður hér hefðu líklega verið allt aðrar.

Þorbjörn Þórðarson, fréttamaður, ræddi við Creighton í dag og spurði hana út í evruna og gjaldmiðlamálin en skuldir Íra eru 107 prósent af vergri landsframleiðslu en hér á landi er hlutfallið 67 prósent. Þá er atvinnuleysi meira á Írlandi, það hefur verið í kringum 15 prósent en hér á landi er atvinnuleysið 6-7 prósent.

Martin Wolf, leiðarahöfundur Financial Times, hefur sagt tölfræðilegan samanburð staðfestingu á því að Íslendingar hafi farið miklu betur út úr kreppunni er Írar.

Creighton hefur aðra sögu að segja. Hún þróunina á Írlandi afar jákvæða. Ekki megi gleyma því að traust fjárfesta á landinu sé mjög mikið, ólíkt Íslandi.

Ísland er fast í viðjum gjaldeyrishafta og erlenda fjárfestingu vantar en Írar búa ekki við slíkt. Hægt er að horfa á viðtalið Creighton með því að smella á hlekkinn hér fyrir ofan.