Viðskipti innlent

Seðlabankinn lækkar dráttarvexti

Seðlabankinn lækkar dráttarvexti sem gilda fyrir næsta mánuð að því er segir í tilkynningu á heimasíðu bankans.

Viðskipti innlent 23.6.2009 19:37

Gengi bréfa Atlantic Petroleum féll um níu prósent í dag

Gengi hlutabréfa í færeyska olíuleitarfélaginu féll um 09,28 prósent á annars rauðum degi í Kauphöllinni í dag. Á hæla þess fylgdi gengi bréfa Bakkavarar, sem fór niður um 7,75 prósent. Þá lækkaði gengi bréfa Marel Food Systems um 1,69 prósent og Össurar um 0,45 prósent.

Viðskipti innlent 23.6.2009 18:21

Seðlabankastjóri: Draga þarf úr óvissu um ríkisskuldir

Svein Harald Öygard seðlabankastjóri segir að almennt séð virðist stjórn bankans að aðilar á alþjóðavettvangi líti þannig á að mikilvægt sé að draga úr óvissu í sambandi við umfang og kjör ríkisskulda. Á hann þar m.a. við Icesave málið.

Viðskipti innlent 23.6.2009 16:30

Byr og HR í samstarf um fjármálalæsi

Byr sparisjóður og Stofnun um fjármálalæsi við Háskólann í Reykjavík hafa gert með sér samstarfssamning sem miðar að því að efla fjármálalæsi Íslendinga. Byr verður aðalstyrktaraðili stofnunarinnar en á hennar vegum verða stundaðar rannsóknir og efnt til námskeiða sem miða að bættu fjármálalæsi þjóðarinnar.

Viðskipti innlent 23.6.2009 16:14

Fitch segir lánshæfiseinkunn háða niðurstöðu í Icesave

Paul Rawkins, framkvæmdastjóri hjá matsfyirtækinu Fitch Rating í London segir að ný lánshæfiseinkunn fyrir ríkissjóð Íslands sé m.a. háð því að niðurstaða fáist í Icesavemálinu og að endurreisn bankanna komi til framkvæmda.

Viðskipti innlent 23.6.2009 16:02

Endurskoðunarákvæði Icesave hagstæð Íslendingum

Jakob Möller hrl. segir að ákvæði um endurskoðun samningsins, verði endurgreiðsla íslenska ríkinu um megn, séu mjög hagfelld lántakanum:. Um þetta segir Jakob: ,,Fullyrða má, að ákvæði þessi séu lántaka mjög í hag, og eru ella a.m.k. nánast óþekkt í lánasamningum, og ákvæðin að auki hagfelldari en gengur og gerist í viðskiptasamningum.”

Viðskipti innlent 23.6.2009 15:43

Vefsíðan iceslave opnuð

Í ljósi þeirrar umræðu sem hefur verið í samfélaginu vegna samnings íslenskra stjórnvalda og tryggingarsjóðs innistæðueigendanna hefur verið sett á stofn vefsíðan www.iceslave.is þar sem Íslendingar geta séð heildarstöðu Icesave skuldar þjóðarinnar.

Viðskipti innlent 23.6.2009 14:13

Síminn gerir samning um þriðja sæstrenginn

Síminn hefur nú gert samning við Greenland Connect um sæstreng til Kanada. Síminn er eina íslenska fjarskiptafyrirtækið sem er með samninga um þrjá sæstrengi til og frá Íslandi og eykur þetta öryggi og bætir þjónustu enda er um fimmfalda aukningu á bandbreidd til Ameríku að ræða.

Viðskipti innlent 23.6.2009 13:57

Nauðungarsamningur Teymis staðfestur

Héraðsdómur Reykjavíkur hefur í dag staðfest nauðasamning Teymis hf. sem samþykktur var með öllum greiddum atkvæðum hinn 4. júní sl.

Viðskipti innlent 23.6.2009 13:36

Nýja Kaupþing fellir niður uppgreiðslugjöld

Uppgreiðslugjöld á íbúðalánum verða afnumin um óákveðinn tíma hjá Nýja Kaupþingi frá og með fyrsta júlí. Fram að þessu hefur uppgreiðslugjald verið 2% af fjárhæð innborgunar.

Viðskipti innlent 23.6.2009 13:31

Kaupmáttur launa ekki verið minni síðan 2003

Kaupmáttur launa hefur ekki verið jafn lítill síðan í lok árs 2003. Reikna má með því að kaupmáttur eigi enn eftir að rýrna á komandi mánuðum.

Viðskipti innlent 23.6.2009 11:55

Icelandair nær efstu sætum í neytendaskýrslu

Óhætt er að segja að Icelandair sé sigurvegari nýrrar Neytendaskýrslu AEA, Sambands evrópskra flugfélaga. Í skýrslunni er kynnt frammistaða ervrópskra flugfélaga á síðasta vetri í fjórum mikilvægum þjónustuflokkum fyrir neytendur, þ.e. í fullnustu fluga, í stundvísi á styttri flugleiðum, í stundvísi á lengri flugleiðum og skilvísi farangurs.

Viðskipti innlent 23.6.2009 11:42

Engin viðskipti í kauphöllinni en krónan styrkist

Enn hafa engin viðskipti orðið með hlutabréf í kauphöllinni, nú þegar klukkan tifar inn á tólfta tímann. Hinsvegar nema viðskipti með skuldabréf tæplega 4,5 milljörðum kr.

Viðskipti innlent 23.6.2009 11:16

Lánshæfiseinkunn Íslands á pari við mörg Austur-Evrópulönd

Lánshæfiseinkunnir Íslands sem um árabil voru fyrsta flokks og á pari með lánshæfiseinkunnum nágrannaríkja okkar í V-Evrópu hafa nú aldrei verið lægri. Núna erum við hinsvegar í sama flokki og nýmarkaðsríki A-Evrópu en mörg þeirra ramba nú á brún óviðunandi áhættu eftir að hafa horft upp á lánshæfiseinkunnir sínar hríðfalla samhliða því að fjármálakreppan hefur grafið sig dýpra.

Viðskipti innlent 23.6.2009 11:00

Íslandssjóðir auka gagnsæi og upplýsingagjöf

Íslandssjóðir, rekstrarfélag verðbréfasjóða Íslandsbanka, hefur birt samantekt á verklagi félagsins á nýjum vef sínum, www.islandssjodir.is. Þar koma fram þeir ferlar sem fylgt er við fjárfestingar hjá Íslandssjóðum, upplýsingagjöf, áhættustýringu og siðareglur félagsins. Á vefnum er einnig að finna reglur Íslandssjóða um hagsmunaárekstra.

Viðskipti innlent 23.6.2009 10:41

Mats Josefsson setti engin skilyrði

Mats Josefsson efnahagsráðgjafi ríkisstjórnarinnar setti engin skilyrði fyrir áframhaldandi vinnu sinni fyrir íslensk stjórnvöld. Þetta kemur fram í svari forsætisráðherra við fyrirspurn Eyglóar Harðardóttur þingmanns Framsóknarflokksins um málið.

Viðskipti innlent 23.6.2009 09:52

Launavísitala hækkaði um 0,2% frá fyrri mánuði

Launavísitala í maí 2009 er 356,0 stig og hækkaði um 0,2% frá fyrri mánuði. Síðastliðna tólf mánuði hefur launavísitalan hækkað um 4,1%.

Viðskipti innlent 23.6.2009 09:01

SI segir verktakastarfsemi landsins að blæða út

Samtök iðnaðarins (SI) segja í nýrri ályktun að verktakastarfsemi landsins sé að blæða úr. Niðurskurður í vegagerð sé reiðarslag. SI skora á ríkisstjórnina að taka ákvörðun sína um 12 milljarða niðurskurð til samgöngumála til endurmats.

Viðskipti innlent 23.6.2009 08:53

Eftirlaunasjóði atvinnuflugmanna skilað

Fjármálaráðuneytið hefur skilað Eftirlaunasjóði félags íslenskra atvinnuflugmanna (EFÍA) aftur í hendur stjórnar sjóðsins samkvæmt tilkynningu frá Félagi íslenskra atvinnuflugmanna.

Viðskipti innlent 22.6.2009 19:54

Útlánasafn Landsbankans rýrnaði um 19,5% milli verðmata - ekki 24%

Heildarútlánasafn Landsbankans rýrnaði um 19,5% frá því í febrúar þegar síðasta verðmat á eignum bankans fór fram en ekki 24,2% eins og Vísir greindi frá í gær. Beðist er velvirðingar á þessum mistökum.

Viðskipti innlent 22.6.2009 17:05

Kröfuhafar hafa tekið yfir Askar Capital

Kröfuhafar Askar Capital hafa nú tekið yfir félagið. Þetta kemur fram í tilkynningu um aðalfund félagsins sem haldinn var fyrir helgina.

Viðskipti innlent 22.6.2009 16:15

Skilanefnd Landsbankans mat eignir, ekki CIPFA

Samkvæmt skýrslu frá breska endurskoðunarfyrirtækinu Chartered Institute of Public Finance & Accounting, CIPFA, frá því í maí kemur fram að það sé mat Skilanefndar Landsbankans en ekki CIPFA að um 90% eigna Landsbankans endurheimtist.

Viðskipti innlent 22.6.2009 16:11

Gengi bréfa Eimskips hækkaði mest í dag

Gengi hlutabréfa Eimskipafélagsins hækkaði langmest á hlutabréfamarkaði í dag, eða um 42,86 prósent. Ein viðskipti upp á tæpar 32.600 krónur standa á bak við viðskiptin.

Viðskipti innlent 22.6.2009 15:32

Þrjú félög endurflokkuð sem lítil í kauphöllinni

Þrjú félög hafa verið endurflokkuð sem lítil í kauphöllinni en voru áður flokkuð sem meðalstór. Þetta eru Bakkavör, Eimskip og Icelandair Group.

Viðskipti innlent 22.6.2009 14:16

Landsbankinn: Eignasafnið rýrnar um 95 milljarða

Eignasafn Landsbanks hefur rýrnað um 95 milljarða frá fyrra mati sem gert var í febrúar. Talið er að um 115 milljarðar muni lenda á Íslenska ríkinu vegna Icesave samkomulagsins þegar það verður gert upp.

Viðskipti innlent 22.6.2009 12:11

Segir verðbólguna aukast í endurskoðaðri spá

Greining Íslandsbanka gerir ráð fyrir að vísitala neysluverðs hækki um 0,9% frá fyrri mánuði og að verðbólgan fari upp í 11,7% og hækkar lítillega en nú er hún 11,6%. Hagstofan birtir vísitöluna fyrir júnímánuð á miðvikudaginn kemur.

Viðskipti innlent 22.6.2009 11:16

Fyrsta sjálfvirka heimilisbókhaldið á Íslandi

Landsbankinn hefur opnað aðgang að sjálfvirku Heimilisbókhaldi í Einkabankanum sem veitir viðskiptavinum bankans mjög góða yfirsýn yfir fjármál heimilisins. Þessi sjálfvirka lausn er sú fyrsta sinnar tegundar á Íslandi.

Viðskipti innlent 22.6.2009 11:08

Skuldabréf Frjálsa sett á Athugunarlista

Skuldabréf útgefið af Frjáls Fjárfestingarbankanum hf. hefur verið fært á Athugunarlista kauphallarinnar.

Viðskipti innlent 22.6.2009 10:54

Ástandið á fasteignamarkaðinum viðvarandi næstu misserin

Greining Íslandsbanka segir að útlit sé fyrir að ástandið á fasteignamarkaðinum verði viðvarandi næstu misserin þar sem byggingarkostnaður mun hækka, verð íbúðarhúsnæðis lækka og draga mun úr nýfjárfestingum.

Viðskipti innlent 22.6.2009 10:42

Rólegur mánudagsmorgun á hlutabréfamarkaði

Gengi hlutabréfa Eimskipafélagsins hækkaði um 42,86 prósent í fyrstu viðskiptum dagsins á hlutabréfamarkaðinu. Ein viðskipti upp á rúmar 32 þúsund krónur standa á bak við viðskiptin.

Viðskipti innlent 22.6.2009 10:14