Erlent

Spilling í Írak kostar landið milljarða á ári

Spilling innan íröksku ríkisstjórnarinnar kostar landið milljarða dollara ári og hluti fjárins rennur til andófsmanna í landinu. Þetta segir Stuart Bowen, bandarískur erindreki sem hefur eftirlit með uppbyggingu í landinu.

Erlent

Norsk vegabréf eftirsótt hjá fölsurum

Vegabréfafalsarar eru sólgnir í norsk vegabréf, að því er fréttavefur Aftenposten greinir frá. Þar segir að Interpol hafi fengið tilkynningar um 130 þúsund norsk vegabréf sem hafa horfið. Haft er eftir yfirmanni hjá lögreglunni í Noregi að stolin norsk vegabréf séu vinsæl erlendis. Margir noti vegabréfin til að komast inn í Noreg og þaðan séu þeim allir vegir færir um Schengen-svæðið.

Erlent

Órangútönum bjargað úr skógareldum

Tugir órangútana sem eru í útrýmingarhættu hafa þurft að flýja náttúruleg heimkynni sín í frumskógum á Borneó-eyju í Indónesíu vegna elda sem bændur kveikja til að hreinsa land fyrir akra. Þykkan reyk leggur yfir frumskógana og er fáum dýrum vært þar. Dýraverndunarsamtök björguðu nokkrum þeirra og huguðu að þeim vegna reykeitrunar og brunasára.

Erlent

Eitt barn og einn hundur - kjarnafjölskyldan í Kína

Ekki nóg með að Kínverjar megi einungis eiga eitt barn, nú mega íbúar Peking ekki eiga fleiri en einn hund. Borgaryfirvöld kenna vaxandi vinsældum gæludýrahalds um snaraukna tíðni hundaæðis og saka hundaeigendur um leti við að láta bólusetja dýrin. Þar að auki verður ólöglegt að viðra hundinn á ýmsum opinberum stöðum og verða eigendur sem brjóta reglurnar sóttir til saka.

Erlent

Búist við fjölmennum minningargöngum í Palestínu í dag

Hundruð Palestínumanna gengu í gegnum borgina Hebron á vesturbakka Jórdanar í gær til að mótmæla árásum Ísraela á sofandi borgara í bænum Beit Hanoun í gærmorgun, þar sem 18 manns létust. Þeir brenndu ísraelska fánann og hrópuðu slagorð gegn Ísraelsríki. Búist er við fjölmennum göngum í dag til minningar um þá sem létust.

Erlent

Demókratar með meirihluta í öldungadeildinni

Demókratar hljóta mjög líklega meirihluta í öldungadeild bandaríska þingsins þar sem talningu er nú nánast lokið í Virginíufylki og demókratinn Webb heldur óbreyttu forskoti, þó naumt sé. Munurinn er langt innan við eitt prósent, sem eru skekkjumörkin sem leyfa þeim sem tapar að krefjast endurtalningar. Rúm 7000 atkvæði eru hins vegar munur sem ólíklegt þykir að snúist við með endurtalningu.

Erlent

Arftaki Rumsfelds

Aðeins nokkrum tímum eftir að Donald Rumsfeld sagði af sér embætti sem varnarmálaráðherra Bandaríkjanna útnefndi Bush forseti eftirmann hans í embættið. Sá heitir Robert Gates og er fyrrverandi framkvæmdastjóri bandarísku leyniþjónustunnar CIA.

Erlent

Íhuga kosti við að vinna saman

Sameinuðu þjóðirnar íhuga að blanda saman sveitum Sameinuðu þjóðanna í Darfur-héraði og sveitum Afríkusambandsins. Friðargæsluliðar Sameinuðu þjóðanna í Darfur-héraði í Súdan hafa mætt mikilli andstöðu. Sveitir Afríkusambandsins hafa takmarkað fjármagn og eru illa útbúnar. Sameinaðar sveitir gætu nýtt styrkleika beggja og náð þannig betri árangri.

Erlent

Ungir fjölmenntu á kjörstaði

Fjöldi ungra Bandaríkjamanna sem mætti á kjörstaði í gær hefur ekki verið meiri í tuttugu ár. Í kringum 24% kosningabærra Bandaríkjamanna undir þrítugu kaus í þingkosningunum í gær. Talið er að þróun mála í Írak hafi ýtt á hópinn að kjósa og tryggja Demókrötum meirihluta á þingi.

Erlent

Komast leiðar sinnar með stolið norskt vegabréf

Norðmenn eru uggandi yfir þeirri þróun að sífellt fleiri séu stöðvaðir við vegabréfaeftirlit með falsað norskt vegabréf. Fréttavefur Aftenposten í Noregi greinir frá því að hjá Interpol séu tilkynningar um 130.000 norsk vegabréf sem er saknað. Alls eru 12 milljón stolin vegabréf á skrá hjá Interpol. Haft er eftir yfirmanni hjá lögreglunni í Noregi að stolin norsk vegabréf séu vinsæl erlendis.

Erlent

Vatíkanið fordæmir Gleðigöngu samkynhneigðra

Vatíkanið hefur fordæmt Gleðigöngu samkynhneigðra sem halda á í Jerúsalem í Ísrael á föstudaginn kemur. Vatíkanið telur gönguna særandi í garð trúaðra og hvetur yfirvöld í Ísrael til að koma í veg fyrir gönguna.

Erlent

Demókratar hafa tryggt sér Montana

Demókrataflokkurinn hefur tryggt sér öldunadeildarþingsæti í Montana en ekki er talin þörf á endurtalningu þar eins og líklegt var talið fyrr í dag. Þar með hafa Demókratar bætt við sig fimm öldungadeildarþingsætum og vantar aðeins eitt þingsæti til að ná völdum í Öldungadeildinni.

Erlent

Donald Rumsfeld sagði af sér

Donald Rumsfeld varnarmálaráðherra Bandaríkjanna hefur sagt af sér. Við starfi hans tekur Robert Gates fyrrverandi yfirmaður CIA. Afsögnin er tilraun Bush forseta til að sætta ólík sjónarmið um utanríkisstefnu Bandaríkjanna eftir ósigur repúblikana í þingkosningunum í gær. Bandaríkjaforseti tilkynnti þetta í sjónvarpsávarpi nú fyrir skömmu.

Erlent

Viðbrögð Bush við niðurstöðum kosninganna

Demókratar unnu stórsigur í þingkosningunum í Bandaríkjunum í gær. Flokkurinn náði aftur meirihluta í fulltrúadeild eftir tólf ára eyðimerkurgöngu. Svo gæti farið að flokkurinn nái einnig meirihluta í öldungadeild en eftir er að telja á ný í tveimur fylkjum. Útlit er fyrir að tvö síðustu ár George Bush, Bandaríkjaforseta, í embætti verði honum erfið. Hann flytur sjónvarpsávarp kl. 18 að íslenskum tíma sem verður sent út beint á visir.is

Erlent

Sjáðu Napólí og deyðu

Lögreglan í Napólí, á Ítalíu, handtók í dag þrjátíu og, tvo menn, í fyrstu stóraðgerð sinni til þess að binda enda á morðöldu sem gengið hefur yfir borgina undanfarna mánuði.

Erlent

Skothríð í Danmörku

Danska lögreglan hefur beitt skotvopnum sínum mun oftar á þessu ári, en undanfarin ár. Það sem af er árinu hefur verið hleypt af níutíu skotum.

Erlent

Evrópusambandið setur Tyrkjum úrslitakosti

Evrópusambandið hefur gefið Tyrkjum frest fram í miðjan desember til þess að opna hafnir sínar fyrir skipum frá Kýpur, eða taka þeim afleiðingum sem áframhaldandi hafnbann hefði á aðildarumsókn landsins.

Erlent

Segir Bandaríkjastjórn áfram stefna að öryggi í Írak

Zalmey Khalilzad, sendiherra Bandaríkjanna í Írak, fullvissaði í dag írakska stjórnmálamenn um að George Bush Bandaríkjaforseti stefndi áfram að því að tryggja öryggi í Írak og að hann myndi vinna með demókrötum að því markmiði. Þessi orð lét hann falla í kjölfar sigurs demókrata í kosningum til fulltrúadeildar Bandaríkjaþings í gær, en kosningarnar þóttu um margt mælikvarði á stuðning Bandaríkjamanna við aðgerðirnar í Írak.

Erlent

Þrennt hálshöggvið í Saudi-Arabíu

Þrír Pakistanar, voru teknir af lífi í Saudi-Arabíu, í dag, fyrir smygl á fíkniefnum. Þetta voru tvær konur og einn karlmaður. Þau voru hálshöggvin á almannafæri.

Erlent

Plastpokar bannaðir

Zanzibar hefur bannað plastpoka, til þess að vernda umhverfið. Háar sektir, og jafnvel fangelsi, liggur við því að framleiða, flytja inn eða selja plastpoka.

Erlent

Rússar tvöfalda verð á gasi til Georgíu

Forsætisráðherra Georgíu sakaði Rússa í dag um pólitíska kúgun, vegna ákvörðunar um að meira en tvöfalda verð á gasi sem Rússar selja til landsins. Slík hækkun myndi leggja efnahag Georgíu í rúst.

Erlent

Michael Jackson snýr aftur á sviðið

Michael Jackson mun snúa aftur og flytja lög af albúminu "Thriller" á tónlistarhátíð í Lundúnum um miðjan þennan mánuð. Jackson mun þar taka við viðurkenningu fyrir að hafa selt meira en eitthundrað milljón plötur á ferli sínum.

Erlent

Erfiður róður framundan hjá Bush

Landslagið í bandarískum stjórnmálum er breytt eftir niðurstöður þingkosninga þar í gær. Stjórnmálaskýrendur í Bandaríkjunum segja ljóst að Bandaríkjaforseta muni reynast erfitt að koma stefnumálum sínum í gegnum þingið og staða hans verði allt önnur en síðustu sex árin.

Erlent

Hvað svo?

Demókratar eru komnir með sannfærandi meirihluta í fulltrúadeild bandaríska þingsins og þó ekki sé enn útséð með öldungadeildina er staðan verulega bætt þar. Eftir áratug af gremju út í stjórn Bush og repúblikana gefst nú tækifæri til hefnda en ýmislegt bendir til að fyrirskipun dagsins sé önnur. Slagurinn fyrir forsetakosningarnar 2008 er formlega hafinn.

Erlent

Afkoma Pliva batnar milli ára

Króatíska lyfjafyrirtækið Pliva skilaði 67,4 milljónum bandaríkjadölum í hagnað á fyrstu níu mánuðum ársins. Þetta svarar til 4,6 milljarða íslenskra króna sem er talsverður viðsnúningur frá afkomu síðasta árs þegar fyrirtækið tapaði 34,1 milljón dal eða rúmlega 2,3 milljörðum króna.

Erlent

Hænuskóli í Hyderabad í Pakistan

Pakistanskir embættismenn fundu bara kjúklinga í grunnskóla í borginni Hyderabad en engin börn. Draugaskólar svokallaðir eru algengt vandamál í Pakistan, þar sem fólk segist reka grunnskóla til þess að fá fjárstyrk frá ríkinu en stundar í raun einhverja gróðavænlegri starfsemi. Samkvæmt yfirliti fræðsluráðs borgarinnar voru 59 börn skráð í skólann.

Erlent

Mest lesið