Erlent

Góðar löggur

Níu af hverjum tíu kvörtunum um framferði breskra lögregluþjóna, sem bornar voru fram á síðasta ári voru tilefnislausar, að mati sjálfstæðrar rannsóknarnefndar sem fær slíkar kvartanir til meðferðar. Kvörtunum fjölgar þó sífellt, og eru lögregluþjónum þyrnir í augum.

Samkynhneigðir unnu sigur á færeyska lögþinginu

Færeyska lögþingið hefur samþykkt, með 17 atkvæðum gegn 13, að samkynhneigðir skuli njóta lagaverndar gegn háði og ofsóknum. Samskonar frumvarp var fellt með yfirgnæfandi meirihluta á síðasta ári.

Gagnrýnir fjölgun í öryggissveitum

Ismail Haniyeh, forsætisráðherra Palestínumanna, gagnrýndi í dag Mahmoud Abbas, forseta, fyrir að fjölga í liði öryggissveita á Gaza ströndinni. Hann sagði að rétta leiðin til þess að koma í veg fyrir ofbeldi væri að virða sigur Hamas í þingkosningunum, sem skiluðu þeim til valda.

Stefnir í stríð í Sómalíu

Allt stefnir í alvarleg stríðsátök í Sómalíu eftir að íslamskir skæruliðar umkringdu borgina Baidoa í suð-vestur Sómalíu í morgun. Þar hefur bráðabirgðastjórn landsins hreiðrað um sig. Stjórnvöld í Eþíópíu viðurkenna að þau hafa flutt hergögn til stjórnvalda síðustu daga auk þess sem liðsmenn í eþíópíska hernum eru sagðir bíða átekta, tilbúnir til átaka ef látið verði sverfa til stáls.

Leitar logandi ljósi að raðmorðingja

Breska lögreglan leitar nú logandi ljósi að raðmorðingja sem hefur myrt fimm vændiskonur nærri Ipswich á Englandi. Óttast er að ódæðismaðurinn fremji annað morð áður en lögregla hefur hendur í hári hans.

Að minnsta kosti 17 fallnir í árásum í Írak í morgun

Að minnsta kosti sautján hafa fallið í tveimur bílsprengjuárásum í Írak í morgun. Tíu létust og 25 særðust þegar bílsprengja sprakk í úthverfi sjía í Bagdad-borg í morgun nærri stað þar sem verkamenn koma saman og leita vinnu.

Lofar Bandaríkjamönnum persónuvernd á ný

Verðandi formaður laganefndar bandaríska þingsins lofaði í dag að berjast gegn því sem hann kallaði tilhneigingu Georges Bush til þess að fótum troða réttindi bandarískra þegna, í nafni baráttunnar gegn hryðjuverkum.

Draga ekki úr olíuframleiðslu

Olíuframleiðsluríkin í OPEC virðist ætla að verða við beiðni neysluþjóða um að draga ekki frekar úr olíuframleiðslu, í vetur, til þess að koma í veg fyrir verðhækkanir sem hefðu neikvæð áhrif á efnahagsþróun í heiminum.

Dómari myrtur á Gaza

Jólaskreytingar valda usla í Seattle

Flugvallaryfirvöld í bandarísku borginni Seattle tóku niður fjórtán jólatré á flugvallarsvæðinu, eftir að rabbíi í borginni fór fram á að risastórri sjö arma ljósastiku yrði bætt við hátíðaskreytingarnar.

Kyrrstæður bíll á lestarteinum olli lestarslysi í Ástralíu

Lögreglan í Ástralíu hefur handtekið vöruflutningabílstjóra sem sagður er hafa valdið lestarslysi þar í landi í gær. Vel á níunda tug farþega voru fluttir á sjúkrahús með minniháttar meiðsl eftir að lest, sem flytur farþega um vinsæla ferðamannastaði í óbyggðum Ástralíu, fór af sporinu er hún skall á vöruflutningabíl sem var kyrrstæður á lestarteinunum.

Bush hefur frestað að kynna nýja stefnu í Írak

George Bush, Bandaríkjaforseti, hefur frestað því að kynna nýja stefnu stjórnar sinnar í Írak þar til eftir áramót. Búist hafi verið við yfirlýsingu frá forsetanum fyrir jól en talsmaður forsetans segir hana ekki tilbúna og ekki að vænta fyrr en á nýju ári.

Eitt lítið skref fyrir Fugelsang, stórt skref fyrir Svía

Sænski geimfarinn Christer Fugelsang fór í sína fyrstu geimgöngu í gærkvöldi og nótt. Fugelsang og þrautreyndi Bandaríkjamaðurinn, Robert Curbeam, héldu áfram framkvæmdum utan á Alþjóðlegu geimstöðinni og tók ganga þeirra tæpar sjö klukkustundir.

Fyrrum einræðisherra Eþíópíu sakfelldur fyrir þjóðarmorð

Mengistu Haile Mariam, fyrrverandi einræðisherra í Eþíópíu, var í gær sakfelldur fyrir þjóðarmorð og önnur ódæði á sautján ára valdatíma sínum. Mengistu steypti Haile Selassie, keisara í Eþíópíu, árið 1974 í blóðugri byltingu og var síðan sjálfum komið frá völdum 1991.

Sögð hafa setið fáklædd fyrir hjá listmálara

Bretar eru afar uppteknir þessa dagana af mynd sem sögð er vera af forsætisráðherrafrúnni Cherie Blair í adamsklæðunum, en málverkið hefur ekki verið til sýnis í rúma tvo áratugi. Frú Blair er sögð hafa setið nakin fyrir hjá málaranum Euan Uglow á námsárum sínum, en hann lauk aldrei við málverkið.

Ræða aðildarundirbúning

Varnarmálaráðherrar sex landa á Balkanskaga settust á rökstóla í albönsku höfuðborginni Tirana í gær til að ræða tilraunir landa þeirra til að fá aðild að Atlantshafsbandalaginu.

Tvö lík finnast til viðbótar

Lögreglan í Suffolk í Bretlandi fann í gær lík tveggja kvenna til viðbótar þeim þrem sem fundist hafa í nágrenni Ipswich á undanförnum dögum. Konurnar störfuðu allar sem vændiskonur í Ipswich borg og voru allar myrtar.

Kjarnorkuummæli setja Olmert í vanda

Orð sem ísraelski forsætisráðherrann lét falla í þýsku sjónvarpsviðtali, þar sem hann virtist telja Ísrael sem kjarnorkuvígvætt land, hafa vakið hörð viðbrögð í Ísrael. Olmert reynir að bera í bætifláka, talar um mismæli og að ekkert hafi breyst.

Karzai ásakar Pakistana

Átta menn biðu bana er sjálfsmorðssprengjumaður sprengdi sig í loft upp við innganginn að skrifstofum héraðsstjóra Helmand-héraðs í sunnanverðu Afganistan í gær. Hamid Karzai forseti fordæmdi tilræðið og sakaði grannríkið Pakistan um að vera „forsprakka talíbana“.

Ísinn bráðnar örar en áður

Bandarískir vísindamenn telja að sumarísinn á norðurpólnum geti allur verið horfinn árið 2040. Hafísinn varð minnstur í ár í september og hefur hann einungis þrisvar áður mælst minni á síðustu 29 árum.

Hvít-Rússi heiðraður

Leiðtogi stjórnarandstöðu Hvíta-Rússlands, Alexander Milinkevits, tók í gær við mannréttindaverðlaunum Evrópusambandsins við hátíðlega athöfn í Frakklandi. Hlaut hann heiðurinn vegna baráttu sinnar fyrir lýðræði í heimalandi sínu.

Herða ber reglur um ökunám

Sífellt fleiri Danir á aldrinum 18 til 24 ára láta lífið á götum Danmerkur og í Politiken um helgina kölluðu sérfræðingar eftir því að ökunám þar í landi yrði hert til muna.

Glingrið truflar þráðlaust net

Jólaglingur getur haft svo mikil áhrif á þráðlaust net að styrkur þess minnkar um fjórðung. Þetta kemur fram í nýrri bandarískri rannsókn, sem fjallað er um á fréttavef danska blaðsins Berlingske Tidende.

Morðingi Hariris var ekki líbanskur

Rannsóknarlögreglumenn á vegum Sameinuðu þjóðanna telja sig hafa dregið upp nokkuð grófa mynd af sjálfsmorðssprengjumanni sem myrti Rafik Hariri í gífurlegri sprengingu, út frá einni tönn og 33 ofurlitlum, skaðbrunnum húðflipum. Rannsóknarnefndin segir hann hafa verið á þrítugsaldri og að hann hafi ekki verið líbanskur.

Ísraelar virða enn vopnahléð á Gaza

Ehud Olmert, forsætisráðherra Ísraels, sagði í kvöld að Ísraelar hefðu ekki í hyggju að svara fyrir sig þó að Palestínumenn hafi skotið um 20 eldflaugum frá Gaza eftir að vopnahlé komst á þar þann 26. nóvember. Vopnaðir hópar á Gaza segja nýlegar árásir Ísraelshers gegn skæruliðum á Vesturbakka Jórdanar brot á vopnahlénu, þó það sé einungis í gildi á Gaza.

Fuglesang á geimgöngu

Fyrsti Svíinn sem hefur komið út í geiminn er nú á leið í spásértúr í geimgalla á 28 þúsund kílómetra hraða á sporbaug um jörðu. Christer Fuglesang, fer í kvöld við annan mann út fyrir geimstöðina, til að halda áfram að byggja hana, sem er megintilgangur ferðar geimskutlunnar Discovery.

Annan gagnrýnir allsherjarþingið

Kofi Annan, framkvæmdastjóri Sameinuðu þjóðanna, gagnrýndi meðlimi allsherjarþings S.þ. í kvöld fyrir að bregðast ekki við vaxandi ofbeldi í átökum Ísraela og Palestínumanna. Hann flutti sitt síðasta ávarp um Miðausturlönd fyrir öryggisráðið í kvöld, þar sem hann lætur af störfum sem framkvæmdastjóri um áramótin.

Öflugur jarðskjálfti á miklu dýpi nærri Indónesíu

Öflugur neðansjávarjarðskjálfti hreyfði við norðausturhluta Indónesíu í kvöld en engin hætta er á flóðbylgju vegna þess hve djúpur sjórinn er þar sem skjálftinn á upptök sín. Skjálftinn mældist 6,5 á Richter-kvarðanum og átti upptök sín um 252 kílómetra norðaustur af eyjunni Sulawesi, á 237 kílómetra dýpi undir yfirborði sjávar og jarðskorpunnar.

Þrýstihópur um Lónsheiðargöng innan Samstöðu

Baráttuhópur um göng undir Lónsheiði í stað núverandi vegstæðis um Hvalnes- og Þvottárskriður hefur verið stofnaður undir verndarvæng regnhlífarsamtakanna Samstöðu, að sögn fréttavefjarins horn.is. Samtökin sameina marga þrýstihópa sem berjast fyrir bættu umferðaröryggi á landinu. Þau voru upphaflega stofnuð til að berjast fyrir tvöföldun Reykjanesbrautar.

Rabbíinn vildi ljósastiku í jólaskreytingarnar

Flugvallaryfirvöld í Seattle í Bandaríkjunum tóku niður 14 jólatré eftir að rabbíi í borginni fór fram á risastórri sjö arma ljósastiku yrði bætt við jólaskreytingarnar. Trén voru sett upp aftur í gær eftir að rabbíinn fullvissaði flugvallarstjórnina um að hann myndi ekki þröngva gyðinglegum áhrifum inn í jólaljósin með dómsúrskurði.