Aron með tvö í lokaleik tímabilsins

Aron Jóhannsson skoraði frábært mark fyrir AZ Alkmaar í stórsigri á Excelsior í hollensku úrvalsdeildinni í dag, en Aron skoraði tvö mörk í leiknum.

Aron kom Alkmaar yfir með laglegri bakfallspyrnu eftir fimm mínútna leik og Steven Berghuis tvöfaldaði forystu Alkmaar mínútu síðar.

Staðan á 35. mínútu var orðin 3-0 eftir að Markus Henriksen hafi bætt við marki, en Jeffrey Gouweleeuw, varnarmaður Alkmaar, varð fyrir því óláni að skora sjálfsmark. Staðan 1-3, AZ í vil í hálfleik.

Aron bætti við öðru marki sínu og fjórða marki AZ rúmum hálftíma fyrir leikslok og þar við sat. 4-1 sigur AZ staðreynd.

AZ endar í þriðja sætinu með 62 stig og er á leið í Evrópudeildina, en Excelsior er í fimmtánda sætinu.

Kolbeinn Sigþórsson var ekki í leikmannahóp Ajax sem gerði 1-1 jafntefli við FC Dordrecht. Ajax endar í öðru sætinu, fjórtán stigum á eftir Ajax.