Innlent

Harður árekstur í Húnavatnssýslu

Harður árekstur varð í Húnavatnssýslu á Þjóðvegi eitt á móts við bæinn Vatnshorn rétt fyrir klukkan eitt. Einn hlaut beinbrot en aðrir slösuðust minniháttar.

Innlent 13.10.2005 19:29

Kúabændur fari yfir skipulagið

Landsamband Kúabænda hvetur kúabændur til að fara yfir framleiðsluskipulag búa sinna þar sem framleiða þarf meiri mjólk. Samkvæmt bráðabirgðauppgjöri afurðastöðva var mjólkurframleiðslan í júní 9,9 milljónir lítra en í júní í fyrra var hún 10,1 milljón lítra.

Innlent 13.10.2005 19:29

Námskeið í uppeldi á Suðurnesjum

Fjögur sveitarfélög á Reykjanesi hafa, fyrst allra í heimi, boðið upp á námskeið í barnauppeldi og árangurinn hefur ekki látið á sér standa. Sem dæmi má nefna að sú mikla aukning sem orðið hefur á notkun rítalíns á landinu, hefur ekki orðið á því svæði.

Innlent 13.10.2005 19:29

Árni segist aldrei hafa sagt ósatt

Árni Magnússon félagsmálaráðherra segist aldrei hafa sagt Alþingi ósatt. Hann segir Íbúðalánasjóð ekki fara út fyrir lánaheimildir sínar og að sjóðurinn sé ekki að lána eftir tveimur leiðum, beint til lántakenda og til lántakenda í gegnum banka og sparisjóði.

Innlent 13.10.2005 19:29

800 milljóna lækkun á veltu

Þrátt fyrir að vísitala fasteignaverðs íbúðarhúsnæðis á höfuðborgarsvæðinu haldi áfram að hækka þá er farið að draga úr veltunni og kaupsamningum fer fækkandi. Veltan í nýliðinni viku var liðlega 4,2 milljarðar króna og hefur því lækkað um 300 milljónir síðan í apríl og um 800 milljónir síðan í desember.

Viðskipti innlent 13.10.2005 19:29

Harður árekstur tveggja vörubíla

Vörubílstjóri var fluttur með sjúkrabifreið til Reykjavíkur eftir mjög harðan árekstur tveggja vörubifreiða og fólksbíls við Vatnshorn í Húnaþingi vestra eftir hádegi í gær. Annar vörubílstjórinn slasaðist minna og tveir sem í fólksbílnum voru sluppu nær ómeiddir.

Innlent 13.10.2005 19:29

Ráðinn deildarforseti á Bifröst

Bernhard Þór Bernhardsson hefur verið ráðinn deildarforseti viðskiptadeildar Viðskiptaháskólans á Bifröst. Hann hefur þegar tekið til starfa en Magnús Árni Magnússon, fráfarandi forseti viðskiptadeildar, er nýráðinn deildarforseti félagsvísinda- og hagfræðideildar skólans. Átta sóttu um stöðuna.

Innlent 13.10.2005 19:29

2,9% hagvöxtur á fyrsta fjórðungi

Hagvöxtur mældist 2,9% að raunvirði á fyrsta fjórðungi ársins að því er fram kemur í hálffimm fréttum KB banka. Bankinn segir minni vöxt landsframleiðslu ekki hægt að rekja til minni eftirspurnar því þjóðarútgjöld uxu alls um 11% að raunvirði.

Viðskipti innlent 13.10.2005 19:29

Grípur ekki til aðgerða

Fjármálaeftirlitið ætlar ekki að grípa til aðgerða vegna sölu Íslandsbanka á tæplega 67 prósenta hlut í Sjóvá til eins af stjórnarmönnum bankans.

Viðskipti innlent 13.10.2005 19:29

Lána einungis fyrir brunabótamati

Nú er orðið mun erfiðara að kaupa gamlar íbúðir en verið hefur þar sem bankarnir eru almennt hættir að lána nema sem nemur brunabótamati. Það getur hins vegar verið svo langt undir markaðsverði að bilið getur orðið óbrúanlegt fyrir kaupandann. 

Viðskipti innlent 13.10.2005 19:29

Fékk mánuð fyrir að aka á stúlku

Tæplega tvítugur piltur var dæmdur í mánaðarfangelsi fyrir að aka niður 15 ára gamla stúlku við Bíldudal um miðjan júlí í fyrra með þeim afleiðingum að hún lést.

Innlent 13.10.2005 19:29

Fréttablaðið bætir sig á landsvísu

Lestur Fréttablaðsins eykst á milli fjölmiðlakannanna Gallups meðan dregur úr lestri Morgunblaðsins og DV. Blaðið kemur nýtt inn með 44 % lestur á höfuðborgarsvæðinu. Sjónvarpsþátturinn Út og suður með Gísla Einarssyni er langvinsælastur.

Innlent 13.10.2005 19:29

Koizumi ræddi hvalveiðimál

Halldór Ásgrímsson átti í gær fund með Junichiro Koizumi, starfsbróður sínum í Japan. Samstarf ríkjanna í hvalveiðimálum bar á góma að frumkvæði Koizumi og samkvæmt frétt Associated Press mun Halldór hafa sagt við Koizumi að ef Íslendingar hæfu atvinnuveiðar á hval myndu finnast leiðir til að starfa með Japönum.

Innlent 13.10.2005 19:29

Skipun að ofan um áframhald

Viðræðunefnd flokkanna sem að Reykjavíkurlistanum standa hefur fengið skipun að ofan um að hætta karpi í fjölmiðlum. Forysta flokkanna í borginni vill áframhaldandi samstarf. Nefndin boðaði í gær breytt vinnulag og "farsæla" niðurstöðu í framhaldinu.

Innlent 13.10.2005 19:29

Ríkisendurskoðun svarar Helga

Ríkisendurskoðandi sendi formanni fjárlaganefndar í gær bréf þar sem hann svarar í rauninni spurningum sem Helgi beindi í síðustu viku til formannsins. Þar áréttar ríkisendurskoðandi að hann hafi alls ekki verið að fjalla um hækkun á markaðsvirði hlutabréfa þegar hann sagði í minnisblaði sínu að enginn söluhagnaður hefði orðið hjá Skinney-Þinganesi við sölu á bréfum sínum í Hesteyri.

Innlent 13.10.2005 19:29

Tveimur skotum færra en forsetinn

Davíð Oddsson utanríkisráðherra fór í opinbera heimsókn í rússneska herskipið Levsjenkó aðmírál í dag. Sautján fallbyssuskotum var hleypt af, Davíð til heiðurs. Hann ræddi við skipstjórnendur, skoðaði fleyið og fræddist um Íslandsheimsóknina. Ólafur Ragnar Grímsson, forseti Íslands, fer um borð á morgun og verður þá nítján heiðursskotum hleypt af.

Innlent 13.10.2005 19:29

Rændi lyfjum vopnaður hnífi

Ungur maður vopnaður hnífi réðst inn í verslun Lyf og heilsu í Domus Medica við Eiríksgötu í hádeginu í gær. Maðurinn var með klút fyrir andlitinu er hann hljóp inn í búðina, ógnaði starfsfólki með hnífnum og stökk yfir búðarborðið þar sem hann rótaði í lyfjaskúffum. Maðurinn hafði lyf á brott með sér en ekki er talið að um verulegt magn hafi verið að ræða.

Innlent 13.10.2005 19:29

Rúta vó salt á vegkanti

Skelfing greip um sig í hópi þrjátíu erlendra ferðamanna sem voru um borð í rútu sem var rétt farin út af veginum á Steingrímsfjarðarheiði í gær. Vegkantur gaf sig og fór rútan hálf út af veginum og vó þar salt.

Innlent 13.10.2005 19:29

Kynferðisbrotadómi áfrýjað

Ríkissaksóknari hefur áfrýjað til Hæstaréttar máli þar sem Héraðsdómur Norðurlands vestra sýknaði mann af kynferðisbroti gegn 10 ára gamalli systurdóttur hans.

Innlent 13.10.2005 19:29

Vanbúin á leið inn í Þórsmörk

Lögreglan á Hvolsvelli hafði í gær afskipti af þýskri konu með barn sem ætlaði á puttanum inn í Þórsmörk vanbúin til slíkra ferða.

Innlent 13.10.2005 19:29

Erlendum ferðamanni bjargað

Björgunarsveitir fundu erlendan ferðamann á Langjökli í gærkvöld en hann treysti sér ekki til að ganga lengra vegna eymsla í baki og hafði sett neyðarsendi í gang. Þyrla Landhelgisgæslunnar nam sendinguna og fór á staðinn til að reyna að miða út staðsetningu. 

Innlent 13.10.2005 19:29

Breskir fjölmiðlar um Baugsmálið

Breskir fjölmiðlar virðast ganga út frá þeirri staðreynd að hefndarhugur og pólitísk óvild hafi verið kveikjan að rannsókn efnahagsbrotadeildar ríkislögreglustjóra á hendur Baugsmönnum. Mikið hefur verið fjallað um málið að undanförnu í Bretlandi og hafa margir blaðamenn líkt viðskiptaháttum Íslands við Rússland.

Innlent 13.10.2005 19:29

Fannst á Langjökli

Þýski ferðamaðurinn sem leitað var á Langjökli á laugardag fannst á hábungi jökulsins tuttugu mínútur í tíu í fyrrakvöld. Hann fann til eymsla í baki og fennt hafði yfir tjald hans og annan búnað og sendi því út neyðarboð.

Innlent 13.10.2005 19:29

Engin þörf á fjölgun

Steinunn Valdís Óskarsdóttir borgarstjóri gefur lítið fyrir ummæli Arnar Sigurðssonar, talsmanns Höfuðborgarsamtakanna, um að flokkarnir sem standa að R-lista ættu að slíta að samstarfi sínu og frekar beita sér fyrir að fjölga borgarfulltrúum svo skipting þeirra endurspegli betur vilja almennings.

Innlent 13.10.2005 19:29

42 skot í Reykjavíkurhöfn

Rússneski tundurspillirinn Admiral Levtsjenko kom til Reykjavíkur um hádegisbilið í gær í tilefni af því að 60 ár eru liðin frá lokum síðari heimsstyrjaldarinnar. Tundurspillirinn skaut 21 púðurskoti til heiðurs íslensku þjóðinni við komuna til hafnar og varðskipið Týr, sem lá við landfestar í Reykjavíkurhöfn, svaraði í sömu mynt.

Innlent 13.10.2005 19:29

Ráðherra fer með rangt mál

Formaður efnahags og viðskiptanefndar segir félagsmálaráðherra hafa farið með rangt mál um lánastarfsemi Íbúðalánasjóðs á þinginu í mars. Hann segir ráðherrann annaðhvort ekki vita betur, eða að veruleikinn sé allur annar en komið hafi fram í umræðum síðustu daga. Nema ráðherrann hafi vísvitandi sagt þinginu ósatt en það sé mjög alvarlegt mál.

Innlent 13.10.2005 19:29

Þjófar gómaðir í Grafarvogi

Tveir menn ruddust inn í Lyfju Austurveri og reyndu að komast á brott með lyf en hurfu á brott tómhentir.  Fóru því næst í Dómínós Pizza í Spönginni, vopnaði hnífi sem þeir eru þó ekki taldir hafa ógnað með.  Þaðan komust þeir undan með eitthvað af fé en náðust fljótlega í Brekkuhúsum í Grafarvogi.  Þessa stundina er verið að flytja þá niður á lögreglustöð til yfirheyrslu.

Innlent 13.10.2005 19:29

Rússneskt herskip í heimsókn

Vináttuheimsókn tveggja rússneskra herskipa hefst í Reykjavík í dag. Stórt kafbátavarnaskip, Admirall Levchencko kemur til hafnar í Reykjavík um hádegi og klukkan eitt verður 21 fallbyssuskoti skotið frá borði skipsins í virðingarskyni við Íslands, móttökulandið. Íslenskum almenningi verður boðið að skoða skipið á þriðjudag og miðvikudag.

Innlent 13.10.2005 19:29

Rændu apótek og pítsustað

"Auðvitað var okkur brugðið enda alveg fáránlegt að ræna pítsustað á þessum tíma," segir Ingólfur Kristinsson, starfsmaður á Domino´s pítsustaðnum í Spönginni í Reykjavík, þar sem vopnaður maður framdi rán í gær.

Innlent 13.10.2005 19:29

Birmingham rýmd

Tuttugu þúsund manns voru flutt úr miðborg Birmingham á Englandi í nótt eftir að öryggisviðvörun var gefin þar, aðeins þremur dögum eftir að fimmtíu manns voru ráðin af dögum í hryðjuverkaárásum í Lundúnum.

Innlent 13.10.2005 19:29