Mætti sköll­ótt til baka að­eins fimm dögum eftir lyfja­með­ferð

Herrem er ein sigursælasta handboltakona sögunnar og lykilkona í landsliði Þóris Hergeirssonar í fimmtán ár. Hún er núna 38 ára gömul og kvaddi norska landsliðið á sama tíma og Þórir eftir að hafa unnið ellefu gullverðlaun og sautján verðlaun á stórmótum.

Herrem fór í aðgerð þar sem meinið var fjarlægt. Við tók síðan erfið krabbameinsmeðferð.

Á þriðjudaginn í síðustu viku lauk Herrem lyfjameðferðinni sinni og aðeins fimm dögum síðar var hún komin aftur inn á handboltavöllinn með liði sínu Sola HK. Hún skoraði fjögur mörk í leiknum sem Sola vann einmitt með fjórum mörkum.

Hún missti allt hárið í lyfjameðferðinni en lét það ekki stoppa sig heldur mætti sköllótt inn á handboltavöllinn.

Það er óhætt að segja að hetjuleg barátta hennar og þrautseigja hafi vakið mikla athygli í Noregi.

Það er staðreynd að æfingar hjálpa sjúklingum í krabbameinsmeðferð og Herrem gerði sér því gott með því að halda sér áfram í æfingu.

Það er samt ekkert grín að gera það í miðri lyfjameðferð sem er einn eitt dæmið um hinn gríðarlega andlega styrk sem Herrem býr yfir.

Baráttan er ekki búin því að Herrem á eftir tólf vikur af meðferð þótt að lyfjameðferðin sjálf sé að baki.

Herrem skoraði á árunum 2006 til 2024 samtals 951 mark í 332 landsleikjum.