Innlent

Fréttamynd

Erill hjá sjúkraflutningamönnum

Mikill erill var hjá sjúkraflutningamönnum slökkviliðsins á höfuðborgarsvæðinu um helgina og um tíma dugðu ekki fjórir bílar á vakt til að anna flutningsþörfinni. Útköll voru um tvöfalt fleiri en á venjulegum virkum dögum.

Innlent
Fréttamynd

25 í framboði hjá D-lista

Framboðsfrestur í prófkjöri Sjálfstæðisflokksins í Reykjavík rann út klukkan 17 síðastliðinn föstudag. Þrír af núverandi borgarfulltrúum flokksins bjóða sig ekki fram að þessu sinni, þau Björn Bjarnason, Guðrún Ebba Ólafsdóttir og Guðlaugur Þór Þórðarson.

Innlent
Fréttamynd

Ljúka ekki verkum sem hafin voru

Slippstöðin á Akureyri var úrskurðuð gjaldþrota í morgun. Skiptastjóri þrotabúsins óskaði ekki eftir því að starfsmennirnir lykju þeim verkum sem hafin voru.

Innlent
Fréttamynd

Misnotkun á ávanalyfjum vandamál

Misnotkun á ávanabindandi lyfjum er vandamál að sögn aðstoðarlandlæknis. Hann segir að lítið hafi verið fylgst með lyfjanotkun Íslendinga hingað til en vitað er til þess að allt að tíu læknar hafi ávísað ávanabindandi lyfjum til eins og sama aðila. Aðstoðarlandlæknir segir þó að með nýju kerfi sé nú hægt að fylgjast betur með sjúklingum og læknum.

Innlent
Fréttamynd

Vilja efla lýðheilsu

Á aðalfundi sínum sen fram fór dagana 30. september til 2. október samþykkti Læknafélag Íslands ályktanir sem auka eiga lífslíkur og heilbrigði þjóðarinnar og benti félagið á að lykilatriði væri hollara mataræði og aukin hreyfing. Í ályktun þeirra segir m.a. að barátta við langvinna sjúkdóma einkenni heilbrigðisþjónustu velmegunarþjóða þar sem fáir áhættuþættir hafa mest áhrif á sjúkdóma og dánartíðni.

Innlent
Fréttamynd

Atlantsolía leitar réttar síns

Skeljungur segir Atlantsolíu hafa brotið lög með auglýsingaskilti þar sem lofað var tveggja króna afslætti. Hugi Hreiðarsson, markaðsstjóri Atlantsolíu segir þetta alrangt og segir fyritækið ætla að leita réttar síns vegna málsins. Hann segir einnig að Skeljungsmenn þoli illa samkeppni.

Innlent
Fréttamynd

Veiðibann á kanínur

Dýraverndunarsambandið vill að umhverfisráðuneytið afturkalli skotveiðileyfi á kanínur í Vestmannaeyjum sem veitt hafa verið um árabil. Félagar úr skotveiðifélaginu í Eyjum hafa stundað veiðarnar, einkum til að verja lundavarp eftir því sem fréttastofan kemst næst.

Innlent
Fréttamynd

Una sækist eftir efsta sætinu

Una María Óskarsdóttir sækist eftir fyrsta sæti á lista Framsóknarflokksins í Kópavogi fyrir komandi bæjarstjórnarkosningar. Una María er varabæjarfulltrúi og formaður Íþrótta- og tómstundaráðs auk þess að vera varaformaður Freyju, félags framsóknarkvenna í Kópavogi. Una María segist leggja áherslu á að efla almenna velferð og bæta innra og ytra starf í íþrótta-, skóla- og uppeldismálum.

Innlent
Fréttamynd

Meint brot ekki fyrnd

Meint brot einstaklinga í tengslum við Lífeyrissjóð Austurlands, sem varða almenn hegningarlög, eru ekki fyrnd, þótt meint brot stjórnarmanna, framkvæmdastjóra og endurskoðanda sem varða við lög um skyldutryggingu lífeyrisréttinda og starfsemi lífeyrissjóða séu fyrnd.

Innlent
Fréttamynd

Gripinn við innbrot í Lyfju

Brotist var inn í apótek Lyfju á Laugaveginum í nótt og fór þjófavarnakerfi í gang. Tveir öryggisverðir sem voru í grennd héldu þegar á vettvang og gripu þjófinn þegar hann var að skríða út um glugga sem hann hafði brotið.

Innlent
Fréttamynd

Útgjöld tveggja ráðuneyta lækka

Útgjöld ríkissjóðs aukast hlutfallslega mest hjá dóms- og kirkjumálaráðuneyti og fjármálaráðuneyti samkvæmt fjárlagafrumvarpi næsta árs. Útgjöld hvors ráðuneytis um sig aukast um ellefu prósent. Útgjöld umhverfisráðuneytis dragast hins vegar saman um þrjú prósent og útgjöld forsætisráðuneytis um eitt prósent.

Innlent
Fréttamynd

Stjórnarstefnan ógn við samninga

Röng stjórnarstefna hefur leitt til þess að verðbólga er tvöfalt hærri en gert var ráð fyrir þegar kjarasamningar voru undirritaðir. Það er því röng stjórnarstefna sem gerir að verkum að kjarasamningum kann að verða sagt upp um áramót, segir í harðorðri ályktun frá stjórn stéttarfélagsins Eflingar.

Innlent
Fréttamynd

Markmiðið að lækka lyfjaverð

Lyfjaverð í heildsölu á Íslandi nálgast nú meðalverð á Norðurlöndunum en fyrir ári náðist tímamótasamkomulag á milli lyfjahóps Félags Íslenskra stórkaupmanna fyrir hönd frumlyfjaframleiðenda og Heilbrigðis- og tryggingamálaráðuneytisins.  

Innlent
Fréttamynd

Gefjun KE vélarvana í Húnaflóa

Vélarbilun varð í bátnum Gefjunni KE-9 í utanverðum Húnaflóa á milli klukkan tíu og ellefu í gærkvöld. Tveir menn voru um borð og sakaði þá ekki. Björgunarbáturinn Húnabjörg frá Skagaströnd fór að Gefjuninni og kom með hana að landi, í togi, rétt fyrir klukkan fimm í morgun.

Innlent
Fréttamynd

Helmingur andvígur framboði

Aðeins 28 prósent þeirra sem tóku þátt í nýlegum Þjóðarpúlsi, skoðanakönnunar á vegum Gallup, eru hlynntir framboði Íslands til setu í Öryggisráði Sameinuðu þjóðanna. Rúmur helmingur þjóðarinnar eða 53 prósent eru andvíg framboðinu.

Innlent
Fréttamynd

Réttindalaus og ölvaður

Sautján ára piltur velti jeppabifreið á veginum norðan Breiðabakka í Vestmannaeyjum og er bifreiðin talin ónýt en pilturinn slapp lítið meiddur líkt og jafnaldri hans sem var með í för.

Innlent
Fréttamynd

Erill hjá lögreglu í nótt

Jeppabifreið hafnaði utan vegar á sunnanverði Heimaey seint í gærkvöld. Tveir piltar sem voru í bílnum voru fluttir á heilbrigðisstofnun Vestamannaeyja þar sem þeir eru enn. Þeir eru þó ekki sagðir alvarlega slasaðir. Ökumaður bifreiðarinnar er réttindalaus sökum aldurs.

Innlent
Fréttamynd

Fengu ekki að segja nei

Þingmenn Frjálslynda flokksins reyndu án árangurs að þrýsta á nei-hnappinn þegar Sólveig Pétursdóttir var kosin forseti Alþingis við þingsetningu í gær. Magnús Þór Hafsteinsson segir atkvæðagreiðsluna skrípaleik.

Innlent
Fréttamynd

Brýtur Styrmir eigin reglur?

Össur Skarphéðinsson, þingmaður, sakar ritstjóra Morgunblaðsins, Styrmi Gunnarsson, um að brjóta eigin reglur þegar kemur að birtingu á upplýsingum úr einkabréfum fólks. Þingmaðurinn kallar eftir skýringum. Össur Skarphéðinsson þingmaður var gestur í þættinum Silfur Egils sem hóf göngu sína á nýjan leik á Stöð2 í dag, þar sem talið barst að tölvupóstsendingum og fjölmiðlum.

Innlent
Fréttamynd

Hvolfdi inná bensínstöð

Ökumaður sem var á leið suður eftir Reykjanesbraut missti stjórn á bifreið sinni rétt norðan við Smáralind um klukkan fimm í gær með þeim afleiðingum að hún valt yfir vegkant og hafnaði á toppnum inná bensínstöð sem þar er.

Innlent
Fréttamynd

Síldarvertíðin hafin

Síldarvertíðin er hafin. Fjölveiðiskipið Beitir frá Neskaupstað landaði um 200 tonnum af síld í Neskaupstað í dag.

Innlent
Fréttamynd

Fólskuleg líkamsárás í Garðabæ

"Ég held að honum líði bara eins og hægt er að búast við eftir þessa atburði," segir Guðrún Árný Arnardóttir, móðir Einars Ágústs Magnússonar, átján ára drengs sem varð fyrir fólskulegri líkamsárás í samkvæmi í húsi við Bæjargil í Garðabæ í fyrrinótt.

Innlent
Fréttamynd

Tengsl foreldra og barna í hættu

Það tekur sýslumann Reykjavíkur níu mánuði að meðaltali að fella úrskurð í umgengnismáli, og dóms- og kirkjumálaráðuneytið tekur sér enn rýmri tíma til þess sama. Þetta kemur fram í kandidatsritgerð Helga Áss Grétarssonar, sem hann varði við lagadeild Háskóla Íslands á föstudag. Helgi skoðaði 302 umgengnismál hjá sýslumanninum í Reykjavík og 41 mál á sama tímabili hjá ráðuneytinu á árunum 2002 til 2003.

Innlent
Fréttamynd

Hrottaleg líkamsárás

Átján ára piltur liggur alvarlega slasaður á Landspítalanum eftir hrottalega líkamsárás í Garðabæ í nótt. Áverkarnir gefa til kynna að árásarmennirnir hafi verið með stóran hníf eða sveðju.

Innlent
Fréttamynd

Einfaldari teikning

Leiðarkerfi strætisvagna hefur tekið á sig mynd neðanjarðarlestarkerfis á teikningu landfræðings. Hann segir teikningarnar miklu einfaldari og skiljanlegri en það kerfi sem notast er við núna. Forsvarsmenn Strætós og borgarstjóri eru þó ekki sannfærðir um það.

Innlent
Fréttamynd

Undrast ákvörðun forsætisnefndar

"Okkur þykir það afar undarlegt að forsætisnefnd Alþingis skuli ekki hafa fundið einn einasta sagnfræðing til að vinna þetta verk," segir Guðni Thorlacius Jóhannesson, formaður Sagnfræðingafélags Íslands, um þá ákvörðun nefndarinnar að fela Þorsteini Pálssyni umsjón með ritun sögu þingræðis á Íslandi.

Innlent
Fréttamynd

Ekkert lát á vanda í rækjuvinnslu

"Fyrir einu og hálfu ári voru átján rækjuframleiðendur hér á landi en nú eru þeir eitthvað um tíu," segir Pétur Bjarnason, framkvæmdastjóri Fiskifélags Íslands. "Þetta hefur verið erfitt lengi og ég sé ekki fram á að ástandið eigi eftir að batna neitt á næstunni svo það er við því að búast að fleiri hætti," bætir hann við.

Innlent
Fréttamynd

Nei takkinn gerður óvirkur fyrir kjör þingforseta

Magnús Þór Hafsteinsson, þingmaður Frjálslynda flokksins, gerir kosningu forseta Alþingis við þingsetningu í gær að umtalsefni á heimasíðu sinni. Magnús kallar atkvæðagreiðsluna skrípaleik. Við atkvæðagreiðlsuna, hafði NEI takkinn verið gerður óvirkur hjá þingmönnum, þannig að bara var hægt að velja JÁ, eða takkann sem gefur til kynna að þingmaður greiði ekki atkvæði, heldur sitji hjá. Þannig hafi ekki komið fram við kosninguna hve margir voru hreinlega og alfarið á móti því að Sólveig Pétursdóttir yrði forseti.

Innlent
Fréttamynd

Ráðist á tvo menn með hnífi

Tveir menn voru fluttir á slysadeild í nótt, eftir að ráðist var á þá með stórum hnífi eða sveðju í Garðabæ. Að sögn vakthafandi læknis á slysadeild er annar þeirra alvarlega slasaður, höfuðkúpubrotinn, með stórt sár á höfði og sár á höndum. 

Innlent
Fréttamynd

Trú á endurreisn Slippstöðvarinnar

Birkir Jón Jónsson, þingmaður Framsóknarmanna og formaður iðnaðarnefndar Alþingis, hefur fulla trú á því að Slippstöðin á Akureyri, sem þurfti að sækja um greiðslustöðvun á dögunum, verði endurreist á sama stað.

Innlent

Mest lesið