Fréttir

Fréttamynd

Nýr kjarasamningur Vélstjórafélagsins, LÍÚ og SA

Vélstjórafélag Íslands, Landssamband íslenskra útvegsmanna og Samtök atvinnulífsins gerðu í dag nýjan kjarasamning um kjör vélstjóra á fiskiskipum. Kjarasamningurinn kemur í stað samnings aðilanna frá 2001 sem rennur út þann 31. desember 2005. Gildistími er til 31. maí 2008.

Innlent
Fréttamynd

Fimmtán gefa kost á sér

Prófkjör sjálfstæðismanna í Kópavogi vegna framboðslista flokksins við bæjarstjórnarkosningar á komandi vori, verður haldið 21. janúar næstkomandi. Fimmtán manns gefa kost á sér í prófkjörinu.

Innlent
Fréttamynd

Alþjóðahús afhendir verðlaun

Forseti Íslands Ólafur Ragnar Grímsson afhendir í dag kl. 15:30 í Alþjóðahúsinu, Jónu Hrönn Bolladóttur, Bjarna Karlssyni, Hope Knútsson, og Kramhúsinu viðurkenningu Alþjóðahúss fyrir lofsverða frammistöðu í málefnum innflytjenda á Íslandi.  Viðurkenningarnar eru veittar í þremur flokkum; einstaklingur af innlendum uppruna, einstaklingur af erlendum uppruna, og fyrirtæki eða stofnun.

Innlent
Fréttamynd

Tólf brennur í Reykjavík

Áramótabrennur í Reykjavík verða á 12 stöðum þessi áramót og eru flestar á sömu stöðum og verið hafa undanfarin ár. Þá verða sex brennur nágrannasveitarfélögunum. Breyting í ár er að forsvarsmenn Fylkisbrennunnar hafa fengið leyfi fyrir nýrri staðsetningu. Þá er ný brenna á Ártúnsholti.

Lífið
Fréttamynd

Nýtt útgáfufélag tekur við Vikudegi

Hildingur ehf. sem er dótturfélag KEA, Kristján Kristjánsson, Birgir Guðmundsson og Ásprent Stíll hafa stofnað útgáfufélag sem keypt hefur allar eignir Vikudags á Akureyri og mun félagið hefja rekstur blaðsins frá og með áramótum. Kristján verður ritstjóri blaðsins og framkvæmdastjóri útgáfunnar.

Innlent
Fréttamynd

Bréf í Dagsbrún rjúka upp

Hlutabréf í Dagsbrún hafa hækkað um rúmlega níu prósent í dag, eftir að tilkynnt var um breytingar í stjórn fyrirtækisins í morgun.

Innlent
Fréttamynd

BUGL fær 1,5 milljónir

Ein og hálf milljón króna söfnuðust á styrktartónleikum sem haldnir voru af Lýsingu dagana 29. og 30. nóvember í Grafarvogskirkju. Allur ágóðinn rennur óskiptur til Barna- og unglingageðdeildar Landspítalans.

Innlent
Fréttamynd

Borgarstjóri skipar nefnd með leikskólakennurum vegna kjaramála

Á fundi Steinunnar Valdísar Óskarsdóttir borgarstjóra í dag með Björgu Bjarnadóttur formanni og Þresti Brynjarssyni varaformanni Félags leikskólakennara vegna kjaramála leikskólakennara var ákveðið að fela hópi skipuðum fulltrúum Reykjavíkurborgar, Félags leikskólakennara, samráðs leikskólastjóra í Reykjavík auk fulltrúa frá Launanefnd sveitarfélaga að móta hugmyndir sem lagðar verði fyrir Launamálaráðstefnu sveitarfélaga sem haldin verður 20. janúar nk. Jafnframt beina aðilar þeim tilmælum til leikskólakennara, sem sagt hafa upp störfum eða hafa ákveðið að segja upp, að endurskoða hug sinn og gefa vinnuhópnum kost á takast á við þá stöðu sem uppi er.

Innlent
Fréttamynd

Ákvörðun LSH felld úr gildi

Héraðsdómur Reykjavíkur felldi í dag úr gildi ákvörðun Landspítala háskólasjúkrahúss um að stöðu Tómasar Zoega geðlæknis yrði breytt úr stöðu yfirlæknis á geðsviði í starf sérfræðilæknis. Þá var Landsspítalanum einnig gert að greiða Tómasi 950 þúsund krónur í málskostnað. Ákvörðunin var tekin í lok apríl á þeim forsendum að Tómas hefði neitað að samþykkja að hætta rekstri á eigin læknastofu. Hún hafði í för með sér launalækkun fyrir Tómas og eins minni ábyrgð. Hann ákvað þegar í stað að kæra ákvörðunina og krafðist ógildingar. Í dómnum frá í morgun segir að engin ástæða hafi verið til að víkja Tómasi úr starfi eða áminna hann, enda hafi hann í engu vanrækt skyldur sínar.

Innlent
Fréttamynd

Mikil hálka á Mosfellsheiði

Vegagerðin varar við mikilli hálku á Mosfellsheiði en þar er unnið að hálkuvörnum. Á Vesturlandi og vestfjörðum er hálka og hálkublettir og þá eru hálkublettir sömuleiðis víða á Norður- og Suðurlandi. Á Norðaustur- og Austurlandi er hálka, hálkublettir og snjóþekja en greiðfært er um Suðausturland.

Innlent
Fréttamynd

Starfsmenn Ísal/Alcan lýsa yfir andstyggð á starfsmannastefnu fyrirtækisins

Starfsmenn á aðalverkstæði Ísal/Alcan funduðu í morgun vegna þess að einum starfsmanni fyrirtækisins var sagt upp fyrirvaralaust. Starfsmaðurinn sem hefur unnið hjá fyrirtækinu í mörg ár var kallaður fyrirvaralaust til yfirmanns og tilkynnt um brottrekstur án skýringa að því er fram kemur í fréttatilkynningu frá fundinum.

Innlent
Fréttamynd

Heimildamynd um kjarnakonur

Kjarnakonur heitir heimildamynd eftir Gísla Sigurgeirsson, sem sýnd verður í Sjónvarpinu næstkomandi mánudag. Í myndinni er fjallað um hvunndagshetjurnar, Kristínu Ólafsdóttur og Jóhönnu Þóri Jónsdóttur. Þær bjuggu lengst af einar í gömlu húsi í Fjörunni á Akureyri. Kristín er nú látin, en Jóhanna verður 106 ára í febrúar og er elsti norðlendingurinn og þriðji elsti íslendingurinn.

Lífið
Fréttamynd

Ætti að stuðla að friði á vinnumarkaði

Geir H. Haarde utanríkisráðherra sagði að loknum fundi með formönnum stjórnarflokkanna í Ráðherrabústaðnum í hádeginu, að niðurstaða ríkisstjórnarinnar um að setja lög til að ógilda úrskurð Kjaradóms, ætti að stuðla að ró á vinnumarkaði.

Innlent
Fréttamynd

Stjórnarandstaðan ekki tilbúin að skipa fulltrúa í nefnd enn sem komið er

Stjórnarandstaðan er ekki tilbúin til að skipa fulltrúa í nefnd til að fara yfir úrskurð Kjaradóms, fyrr en Alþingi hefur fjallað um málið. Halldór Ásgrímsson forsætisráðherra segir að ríkisstjórnin muni engu að síður kalla til sérfróða aðila til að hefja könnun á þessum málum og formleg nefnd með fulltrúum stjórnarandstöðunnar verði svo skipuð eftir að Alþingi hefur afgreitt málið fyrir sitt leyti.

Innlent
Fréttamynd

Falsaðar beiðnir í umferð frá Og Vodafone

Upp hefur komist um falsaðar beiðnir frá Og Vodafone. Grunur leikur á að óprúttnir aðilar hafi þær undir höndum og nýti þær til þess að taka út vörur hjá birgjum fyrirtækisins. Málið hefur verið kært til lögreglu. Og Vodafone beinir þeim tilmælum til afgreiðslufólks að það sýni varúð þegar beiðnum frá fyrirtækinu er framvísað.

Innlent
Fréttamynd

Fiskafli hefur minnkað um 5% frá því í fyrra

Fiskafli hefur minnkað ár frá ári og er nær 5% minni á þessu ári en í fyrra. Rækjuafli hefur ekki verið minni í aldarfjórðung. Heildarafli ár er um 500 þúsund tonnum minni en hann var árið 2002 og hefur stigminnkað undanfarin ár. Verðgildi aflans hefur þó ekki dregist saman sem þessu nemur þar sem stöðugt er reynt að auka verðmæti þeirra tonna sem þó eru veidd.

Innlent
Fréttamynd

Eldur kviknaði í húsi á Kambsvegi

Slökkvilið Reykjavíkur var kallað út vegna elds í íbúðarhúsi á Kambsveg um klukkan hálf tólf. Íbúar hússins náðu að slökkva eldinn með slökkvitæki og koma sér út út húsinu áður en slökkviliðið kom á staðinn. Ekki hlaust af mikið tjón en reykræsta þurfti húsið.

Innlent
Fréttamynd

Sjálfstætt starfandi hjartalæknar hafa sagt upp samningi við TR

Sjálfstætt starfandi hjartalæknar hafa sagt upp samningi við Tryggingastofnun ríkisins og taka uppsagnirnar gildi frá og með 1. apríl 2006. Ástæða uppsagnanna er sögð vera sú að ekki náðist samkomulag um nauðsynlegar breytingar á gildandi samningi Læknafélags Reykjavíkur og heilbrigðis- og tryggingamálaráðuneytisins fyrir hönd Tryggingarstofnunar ríkisins, þrátt fyrir margra mánaða samningstilraunir.

Innlent
Fréttamynd

Íslandspóstur læsir póstkössum

Síðastliðin ár hefur Íslandspóstur læst póstkössum sem staðsettir eru utanhúss á höfðuborgarsvæðinu yfir áramót. Er þetta gert vegna ítrekaðra skemmda sem unnin eru á póstkössunum í kringum áramót.

Innlent
Fréttamynd

Halldór býður sig fram í 1. sæti framboðslista sjálfstæðismanna

Halldór Halldórsson, bæjarstjóri Ísafjarðarbæjar, hefur ákveðið að bjóða sig fram í 1. sæti framboðslista sjálfstæðismanna til sveitastjórnarkosninganna í vor. Halldór vonast eftir góðum stuðning og stefnir að ná góðum árangri flokksins í kosningunum í vor, hljóti hann umboð sem oddviti framboðslistans.

Innlent
Fréttamynd

Ari Edwald verður forstjóri 365

Gunnar Smári Egilsson hefur verið ráðinn forstjóri Dagsbrúnar en Eiríkur S. Jóhannsson fer til starfa hjá Baugi Group. Ari Edwald, framkvæmdastjóri Samtaka atvinnulífsins, hefur verið ráðinn forstjóri 365. Þetta var tilkynnt á starfsmannafundi fyrir stundu.

Viðskipti innlent
Fréttamynd

Oktavía sökuð um að hafa farið á bak við kjósendur sína

Formaður Samfylkingarinnar á Akureyri sakar Oktavíu Jóhannesdóttur um að hafa farið á bak við kjósendur sína með ákvörðun sinni um að ganga til liðs við Sjálfstæðisflokkinn. Hann segir ákvörðun hennar koma sér á óvart þó Oktavía hafi ekki mætt á bæjarmálafundi í nokkra mánuði. Samfylkingarmenn vilja hana úr bæjarstjórn.

Innlent

Mest lesið