Fréttir

Fréttamynd

Telur íkvekju ekki óhugsandi

Tvær rosknar konur komust naumlega út úr húsi þegar eldur kviknaði í fjölbýlishúsi við Vesturgötu í nótt. Önnur kvenanna Ragnhildur Árnadóttir segir ekki lokum fyrir það skotið að einhver hafi kveikt í íbúðinni hennar en þar blossaði eldurinn upp.

Innlent
Fréttamynd

Sviftivindar tíðir yfir fjöllum

Flugvél á leið frá Akureyri til Reykjavíkur lenti í miklum sviftivindum yfir Esjunni fyrr í vikunni. Farþegum var að vonum brugðið en þeim var boðin áfallahjálp og einn farþegi þáði námskeið fyrir flughrædda í boði Flugfélags Íslands.

Innlent
Fréttamynd

Erlendum ferðamönnum fjölgar

Erlendum ferðamönnum fjölgaði um 5,4% fyrstu fjóra mánuði ársins, samkvæmt talningum Ferðamálastofu sem fara fram í Flugstöð Leifs Eiríkssonar.

Innlent
Fréttamynd

Skothríð heyrðist í þinghúsinu í Washington

Skothríð heyrðist í eða við þinghúsið í Washington í Bandaríkjunum fyrir stundu. Byggingunni hefur verið lokað og enginn fær að fara inn í eða út. Ekki liggja fyrir nánari fregnir af þessu á þessari stundu en við munum að sjálfsögðu greina frá þeim um leið og þær berast.

Erlent
Fréttamynd

Arcelor rennur saman við Severstal

Alþjóðlega stálfyrirtækið Arcelor greindi frá því í dag að það ætli að renna saman við rússneska stálfyrirtækið Severstal. Ákvörðunin er sögð viðbrögð fyrirtækisins við óvinveittu yfirtökutilboði breska stálframleiðandans Mittal í Arcelor.

Viðskipti erlent
Fréttamynd

Ópera fjárfestingar kaupa í Gretti

Ópera fjárfestingar ehf, gerði í dag kaupsamning við Sund ehf. um kaup á 15,55 prósentum hlutafjár í Fjárfestingafélaginu Gretti hf, sem er hluthafi í Straumi Burðarási Fjárfestingabanka hf. Ópera fjárfestingar ehf. er í jafnri eigu feðganna Björgólfs Guðmundssonar og Björgólfs Thors Björgólfssonar.

Viðskipti innlent
Fréttamynd

Kannanir um fylgi stjórnmálaflokkanna misvísandi

Kannanir um fylgi stjórnmálaflokkanna í Reykjavík eru misvísandi. Í tveimur af þremur þeim nýjustu nær Sjálfstæðisflokkurinn ekki meirihluta í borginni og í þeirri þriðju er meirihluti flokksins mjög tæpur.

Innlent
Fréttamynd

DV braut gegn siðareglum Blaðamannafélagsins

Siðanefnd Blaðamannafélags Íslands segir ritstjórn DV hafa brotið gegn siðareglum félagsins með umfjöllun sinni um framkvæmdastjóra Heilbrigðiseftirlits Suðurnesja í janúar síðastliðnum.

Innlent
Fréttamynd

Könnun á fylgi flokka á Álftanesi

Félagsvísindastofnun Háskóla Íslands gerði skoðanakönnun fyrir íbúasamtökin Betri Byggð á Álftanesi, um fylgi stjórnmálaflokka á Álftanesi vegna bæjarstjórnakosninga í vor. Könnunin fór fram dagana 17. til 18. maí og stuðst var við 600 manna úrtak íbúa Álftanes 18 ára og eldri. Svarhlutfall í könnuninni var um 60%.

Innlent
Fréttamynd

Frumvarp um ríkisborgararétt ólöglegra innflytjenda samþykkt

Öldungadeild Bandaríkjaþings samþykkti í gær umdeilt frumvarp sem gefur milljónum ólöglegra innflytjenda rétt á að sækja um ríkisborgararétt í Bandaríkjunum. 62 voru fylgjandi frumvarpinu en 36 greiddu atkvæði gegn því. Frumvarpið kveður einnig á um stóraukið landamæraeftirlit á landamærunum við Mexíkó til að stemma stigu við straumi ólöglegra innflytjenda frá Suður-Ameríku.

Erlent
Fréttamynd

Tjón bænda vegna kuldakasts

Kornakrar bænda hafa víða skemmst vegna kuldanna undanfarið, segir Haraldur Benediktsson formaður Bændasamtakanna í viðtali við Morgunblaðið. Mold hefur skafið og fokið úr flögum, þar sem korni og grænfórði hafði verið sáð, og víða er mikið tjón af þeim sökum.

Innlent
Fréttamynd

Bush og Blair óánægðir með árangur í Írak

George W. Bush Bandaríkjaforseti og Tony Blair, forsætisráðherra Bretlands, segja stríðið í Írak ekki hafa gengið eins vel og þeir hefðu vonast til. Bush sagði mörg mistök hafa verið gerð í tengslum við innrásina, þau alvarlegustu hafi verið pyntingarnar í Abu Graib fangelsinu. Blair er nú í opinberri heimsókn í Bandaríkjunum.

Erlent
Fréttamynd

Ólíkar niðurstöður skoðanakannana

Flökt er á milli hinna ýmsu skoðanakannana, sem verið er að gera þessa dagana, á fylgi flokkanna í Reykjavík. Þrátt fyrir að kannanirnar séu ekki mjög misvísandi gæti skipt sköpum hver reynist réttust. Könnun Félagsvísindastofnunar fyrir NFS gefur Sjálfstæðisflokki átta fulltrúa, eða hreinan meirihluta, og Samfylkingunni fjóra. Könnun Gallups fyrir Ríkisútvarpið gefur Framsóknarflokknum einn fulltrúa, á kostnað meirihluta Sjálfstæðsiflokksins. Könnun Fréttablasins bætir fimmta manni við Samfylkinguna á meðan fulltrúi Framsóknar hverfur og sömuleiðis meirihluti Sjálfstæðisflokks, en Vinstri grænir fá tvo fulltrúa.

Innlent
Fréttamynd

Dæmt í Enron-málinu

Forsvarsmenn orkufyrirtækisins Enron, Ken Lay og Jeffrey Skilling, voru í gær fundnir sekir um fjársvik og samsæri auk fleiri ákæruliða, í tengslum við gjaldþrot Enron árið 2001. Skilling getur átt von á allt að 185 ára fangelsi en Lay getur búist við allt að 65 ára fangelsi.

Erlent
Fréttamynd

Bruni á Vesturgötu

Það þykir ganga kraftaverki næst að tvær rosknar konur björguðust úr eldsvoða Í fjögurra hæða íbúðahúsi við Vesturgötu í Reykjavík snemma í morgun. Eldur hafði kraumað lengi í íbúð þeirra og gríðarlegur hiti myndast þegar þær vöknuðu og komust út.

Innlent
Fréttamynd

Ekki móður á lokasprettinum

Vilhjálmur Þ. Vilhjálmsson, oddviti sjálfstæðismanna fyrir borgarstjórnarkosningarnar, segist síður en svo móður á lokasprettinum í kosningabaráttunni, þrátt fyrir að hún hafi í raun staðið hjá honum frá því í haust. Hann ræsti í dag unga sem aldna í árlegu Breiðholtshlaupi, í hverfinu þar sem hann hefur búið í liðlega aldarfjórðung.

Innlent
Fréttamynd

Slasaðist á krossarahjóli

Lögreglan í Reykjavík og sjúkraflutningamenn hjá Slökkviliði höfuðborgarsvæðisins voru kallaðir út á sjötta tímanum í dag vegna unglingsdrengs sem hafði slasast við sandgryfjurnar við Þingvallaveg. Talið er að drengurinn hafi slasast þegar hann var að leik á krossarahjóli sínu í sandgryfjunum en hann reyndist vera handleggsbrotinn.

Innlent
Fréttamynd

Ekki skylt að vera í björgunarvestum

Farþegar um borð í skipum eða bátum þurfa ekki að vera í björgunarvestum á meðan á sjóferð stendur. Í lögum er aðeins gert ráð fyrir því að farþegar viti hvar björgunarbúnað er að finna og hvernig hann skuli notaður.

Innlent
Fréttamynd

Lengsta kosningasjónvarp Íslandssögunnar

NFS verður með lengsta samfellda kosningasjónvarp í Íslandssögunni um helgina þegar sent verður samfleytt út í þrjátíu og fjórar klukkustundir, frá laugardagsmorgni til sunnudagskvölds.

Innlent
Fréttamynd

Drengur fluttur með TF-Líf

Unglingspiltur slasaðist í Esjuhlíðum á fjórða tímanum í dag þegar hópur skólakrakka var á leið niður Esjuna. Slökkvilið höfuðborgarsvæðisins, Björgunarsveitir af höfuðborgarsvæðinu, ásamt björgunarsveitunum Kyndli og Kili voru kallaðar út.

Innlent
Fréttamynd

Endurgreiðsla fasteignagjalda gæti talist kosningaráróður

Endurgreiðsla á hluta fasteignagjalda í Kópavogi og Mosfellsbæ nú rétt fyrir kosningar gæti talist óleyfilegur kosningaáróður eða kosningaspjöll. Því halda Vinstri grænir í Kópavogi í það minnsta fram og í dag kærðu þeir endurgreiðslu bæjarins til yfirkjörstjórnar.

Innlent
Fréttamynd

Sjálfstæðisflokkurinn fær hreinan meirihluta

Sjálfstæðisflokkurinn er með rúmlega 47 prósenta fylgi og fær hreinan meirihluta í borgarstjórn Reykjavíkur samkvæmt nýrri könnun Félagsvísindastofnunar Háskóla Íslands fyrir NFS. Björn Ingi Hrafnsson oddviti Framsóknarflokks nær ekki kjöri samkvæmt könnuninni.

Innlent
Fréttamynd

TF-Líf sækir tvo göngumenn á Esjuna

Tveir göngumenn slösuðust í Esjuhlíðum á fjórða tímanum í dag. Björgunarsveitir af höfuðborgarsvæðinu, ásamt Kyndli og Kili voru kallaðar út. Búið er að kalla út þyrlu Landhelgisgæslunnar, TF-LÍF, og er hún á leiðinni.

Innlent
Fréttamynd

Vilja að yfirkjörstjórn stöðvi kosningaspjöll

Vinstri- grænir í Kópavogi hafa farið fram á það við yfirkjörstjórn bæjarins að skoðað verði hvort útsendar ávísanir frá bæjarsjóði sem sendar voru íbúum fjölbýla sem endrugreiðsla á fasteignagjöldum, brjóti í bága við 92. grein laga um sveitarstjórnakosningar. Krefjast Vinstri grænir þess að yfirkjörstjórn komi þegar saman og stöðvi yfirstandandi kosningaspjöll í Kópavogi að því að segir orðrétt í bréfi þeirra til yfirkjörstjórnar.

Innlent
Fréttamynd

Nálægt því að ná samkomulagi um aðstoð til Írans

Fulltrúar sex stórvelda eru nálægt því að ná samkomulagi um endanlegt tilboð um aðstoð til Íransstjórnar, gegn því að auðgun úrans verði hætt. Ef tilboðinu verður ekki tekið á að grípa til refsiaðgerða. Þjóðirnar sex sem eiga fast sæti í öryggisráði Sameinuðu Þjóðanna hafa hingað til ekki náð að koma sér saman um hvernig eigi að tækla kjarnorkudeiluna við Írana.

Erlent

Mest lesið