Fleiri fréttir

Aukinn hagnaður hjá Íslandssjóðum

Rekstrarfélag Íslandssjóða skilaði 127 milljón króna hagnaði eftir skatta á fyrstu sex mánuðum ársins. Þetta er nokkuð betri afkoma en á sama tímabili í fyrra þegar 98 milljóna kr. hagnaður varð hjá félaginu.

Nýsköpun í blóði Pólverja

Allan Greenberg, sendiherra Bandaríkjanna í Póllandi, segir Pólverja vera öflugt fólk sem þori að taka áhættu. Ekki sé tilviljun að efnahagur landsins hafi tekið vel við sér eftir hrunið þar sem nýsköpun standi Pólverjum nærri.

Creditinfo krefur ríkið um 400 milljónir

Upplýsingamiðlunin Creditinfo hefur höfðað mál á hendur fjármálaráðuneytinu og Þjóðskrá Íslands til að láta reyna á lögmæti þess að innheimt sé gjald fyrir upplýsingar úr Þjóðskrá, til dæmis veðbönd og fasteignamatsupplýsingar. Fyrirtækið gerir um 400 milljóna króna bótakröfu vegna ofgreiddra gjalda undanfarin ár.

Viðsnúningur í afkomu OR

Orkuveita Reykjavíkur (OR) hagnaðist um ríflega þrjá milljarða króna á öðrum ársfjórðungi. Til samanburðar tapaði fyrirtækið rúmum sex milljörðum króna á sama tímabili í fyrra. OR skilaði þó samanlagt rúmlega 900 milljóna tapi á fyrri helmingi ársins.

Viðunandi hagnaður

Landsvirkjun hagnaðist um 8,5 milljónir Bandaríkjadala, sem jafngildir ríflega 1 milljarði íslenskra króna, á fyrri helmingi ársins. Hagnaður fyrir óinnleysta fjármagnsliði var hins vegar 46,9 milljónir dala, eða sem nemur 5,7 milljörðum króna. Til samanburðar var hagnaður fyrir óinnleysta fjármagnsliði 50,5 milljónir dala á sama tímabili í fyrra.

Meiri hagnaður hjá RARIK

Töluvert meiri hagnaður varð af rekstri RARIK á fyrstu sex mánuðum ársins miðað við sama tímabil í fyrra.

Sérfræðingar reikna með minni verðbólgu

Nokkuð hefur dregið úr verðbólguvæntingum sérfræðinga á íslenska fjármálamarkaðinum. Þeir reikna nú með því að verðbólgan verði 4,6% á þriðja ársfjórðungi ársins og verði 4,8% eftir eitt ár.

Vodafone hagnast um 206 milljónir

Vodafone hagnaðist um 206 milljónir króna á fyrstu sex mánuðum ársins. Hagnaðurinn jókst um 150 milljónir króna á milli ára. Hagnaður félagsins fyrir skatta, fjármagnsliði og afskriftir (EBITDA) var tæplega 1,4 milljarðar króna sem er um fimmtungi meira en Vodafone hagnaðist um á sama tímabili í fyrra.

Hlutafé í IP Studium aukið

Hlutafé í IP Studium Reykjavík ehf., félagi í eigu Ingibjargar S. Pálmadóttur, var aukið um 138,5 milljónir króna þann 13. júlí síðastliðinn. Þá var hlutaféð aukið úr 321,5 milljónum króna í 460 milljónir króna, eða um rúmlega 40 prósent.

Gengi bréfa Marels hækkuð mest í 2,3 milljóna króna viðskiptum

Gengi hlutabréfa Marels hækkuðu um 1,44 prósent í dag í viðskiptum upp á ríflega 2,3 milljónir króna. Gengi bréfa félagsins stendur nú í 141. Heildarveltan á íslenska hlutabréfamarkaðnum nam ríflega 228 milljónum króna. Mest var veltan með bréf Icelandair Group, tæplega 170 milljónir króna. Gengi bréfa Icelandair er nú 7,1. Gengi bréfa Haga stóð í stað í 18,15 en heildarvelta með bréf félagsins nam ríflega 66 milljónum króna.

Um 200 milljóna hagnaður hjá MP - útlán vaxa um 56 prósent

Um 200 milljóna króna hagnaður varð af rekstri MP banka fyrstu 6 mánuði ársins fyrir skatta, samanborið við 681 milljóna króna tap árið 2011. Þetta kemur fram í fréttatilkynningu frá MP banka. Hagnaður eftir tekjuskatt og bankaskatt nam 119 milljónum króna. Öll svið starfseminnar hafa vaxið umtalsvert á árinu, að því er segir í tilkynningu frá bankanum.

Íslendingar ekki bjartsýnni í fjögur ár

Íslendingar hafa ekki verið bjartsýnni á stöðu efnahags- og atvinnumála í fjögur ár, eða frá því í apríl 2008, ef marka má væntingavísitölu Capacent Gallup sem birt var í morgun. Vísitalan fyrir ágústmánuð er 85,5 stig og hækkar um 1,1 stig frá fyrri mánuði, en hún hækkaði jafnframt talsvert í júlí, eða um 4,5 stig.

Már: Nauðsynlegt að innleiða varúðarreglur fljótt og örugglega

Már Guðmundsson seðlabankastjóri segir að varúðarreglur í tengslum við afnám gjaldeyrishafta séu nauðsynlegar til þess að verja efnahag landsins og takmarka áhættu. Hann segir innleiðingu á þeim reglum sem bankinn leggur til þurfi að vera lokið áður en höftum verður aflétt.

Fagnar því að „leiða sé leitað“ við að afnema höft

Formaður stjórnar Landssamtaka lífeyrissjóða fagnar því að Seðlabanki Íslands skuli "leita leiða til þess að afnema höft“. Hann segist skilja vel að bankinn vilji setja varrúðarreglur um fjárfestingar lífeyrissjóðanna erlendis, þar sem það fari saman við hagsmuni almennings.

Skuldatryggingaálag Íslands lækkar nokkuð

Skuldatryggingaálag á evruskuldir Ríkissjóðs Íslands hefur lækkað nokkuð að undanförnu. Þannig stóð skuldatryggingaálagið í lok dags í gær í 249 punktum (2,49%) samkvæmt gögnum úr Bloomberg-gagnaveitunni en fyrir um viku síðan var það að sveiflast í kringum 280 punkta.

Veruleg aukning á hagnaði Vodafone milli ára

Hagnaður af rekstri Vodafone eftir skatta var 206 milljónir króna á fyrstu sex mánuðum ársins. samanborið við 56 milljónir króna á sama tímabili árið áður. Niðurstaðan er því umtalsvert betri en á sama tíma í fyrra.

Reykjanesbær selur Magma bréfið á 6,3 milljarða

Reykjanesbær hefur selt skuldabréf sem bæjarfélagið eignaðist við sölu á HS orku til Geysis Green Energy og síðar Magma Energy. Kaupandi bréfsins er Fagfjárfestasjóðurinn ORK sem rekinn er af Rekstrarfélagi Virðingar hf og er fjármagnaður af lífeyrissjóðum og fagfjárfestum. Kaupverðið nemur tæpum 6,3 milljörðum króna.

Álverðslækkun verður tvöfalt meiri en búist var við

Útlit er fyrir að verð á helstu útflutningsafurðum Íslendinga verði nokkru lakara en búist var við í vor. Skýringuna má einkum rekja til þess að álverð er töluvert lægra en þá var gengið út frá auk þess sem hægt hefur á verðhækkunum helstu sjávarafurða. Gert er ráð fyrir að álverð lækki um 15% á þessu ári í stað 7½% í maíspánni og að sjávarafurðaverð hækki heldur minna eða um 2½% í stað 3½%. Horfur um verð sjávarafurða fyrir næsta ár hafa einnig versnað.

Daði Már: Inntökupróf í hagfræðideild vel heppnað

Um fjörutíu nemendur náðu inntökuprófi í hagfræðideild Háskóla Íslands af 45 sem tóku prófið. Daði Már Kristófersson kennari við hagfræðideild segir að vel hafi tekist til með inntökuprófið.

Ráðinn framkvæmdastjóri Advania í Noregi

Ole Morten Settevik hefur verið ráðinn framkvæmdastjóri Advania í Noregi. Undanfarin ár hefur Ole Morten starfað sem forstjóri norska hugbúnaðarfyrirtækisins Bluegarden, sem sérhæfir sig á sviði mannauðslausna. Hann gegndi áður meðal annars stjórnunarstöðum hjá IBM og IDC í Noregi og var um árabil forstjóri Microsoft í Noregi. Ole Morten hefur enn fremur setið í stjórn Advania í Noregi undanfarin misseri. Samhliða þessum verkefnum hefur hann í liðlega tvo áratugi sinnt stjórnarstörfum hjá fjölmörgum fyrirtækjum í norskum þekkingariðnaði. Ole Morten er hagfræðingur frá Kaupmannahafnarháskóla.

Skuldarar í gengislánamálunum geta fengið aðstoð

Svanborg Sigmarsdóttir, upplýsingafulltrúi hjá Umboðsmanni skuldara, segir að skuldararnir í prófmálunum 11 sem eiga að varpa ljósi á gengislánamálin megi hafa ákveðið samráð. Til þess þurfi þeir að hafa samband við embætti Umboðsmanns skuldara sem veiti þá alla aðstoð sem mögulegt er.

Lögmál að eftir niðursveiflu kemur uppgangur

"Eftir mikla niðursveiflu kemur uppgangur. Ég held að það sé svona nánast lögmál. Og það er það sem er að gerast," sagði Guðmundur Steingrímsson í útvarpsþættinum Á Sprengisandi um batnandi afkomu ríkissjóðs, en í Fréttablaðinu í gær var fjallað um auknar tekjur og minnkandi gjöld ríkissjóðs.

Katrín tekur við góðu búi

Ráðherraskipti verða hjá Samfylkingunni í byrjun október þegar Katrín Júlíusdóttir tekur við af Oddný Harðardóttur í nýju fjármála- og efnhagsráðuneyti. Hún segist taka við góðu búi.

Kvóti á svissneska osta

Svisslendingar ætla að setja á kvótakerfi í ostaframleiðslu nú í byrjun vetrar. Um þetta er fjallað á vef Landssambands kúabænda.

MS styrkir útflutningsmöguleikana

Ný staða verkefnisstjóra vöruþróunar hefur verið sköpuð hjá Mjólkursamsölunni. Breytingarnar eru m.a. þáttur í að styrkja framleiðslu á skyri með aukinn útflutning í huga.

Alvarlegt að skuldarar fái ekki að hafa samráð

Á meðan fjármálafyrirtæki fá að hafa víðtækt samráð um hvernig rétt sé að beita sér í gengislánamálunum fá skuldarar ekki að ráðfæra sig hver við annan. Þetta er áhyggjuefni að mati Samtaka lánþega og getur skilað sér í að málin séu illa unnin og niðurstöðurnar rangar.

Reykjavík stóð sig í atvinnuátaki

Reykjavíkurborg hefur ráðið 221 starfsmann til starfa síðan í vor í verkefninu Vinnandi vegur. Töluvert hefur dregið úr atvinnuleysi síðan verkefnið hófst, en í Reykjavík voru 500 manns boðaðir í viðtal. Af þeim þáðu 221 starfið en 215 afþökkuðu og afskráðu sig af atvinnuleysisskrá. Verkefninu er nú lokið en það var samstarfsverkefni stjórnvalda, sveitarfélaga, aðila vinnumarkaðarins og stéttarfélaga til að ráða bót á atvinnuleysi. Reykjavík mun þó áfram bjóða atvinnulausum borgarbúum störf sem ekki fylltust í verkefninu.

Framlegð Landsvirkjunar 110 milljónir króna á dag

Framlegð Landsvirkjunar, það er hagnaður fyrir afskriftir, fjármagnsliði og skatta, svokölluð EBITDA, nam 80,4% prósentum af tekjum á fyrri helmingi ársins, samkvæmt sex mánaða uppgjöri sem birt var í dag. EBITDA nam 163,2 milljónum bandaríkjadala, eða 19,9 milljörðum íslenskra króna þetta hálfa ár. Afgangur Landsvirkjunar eftir venjulega rekstrarliði er þannig um 3,3 milljarðar króna á mánuði eða um 110 milljónir króna að jafnaði hvern einasta dag.

Áfrýjunarnefnd staðfestir 390 milljón króna sekt Símans

Áfrýjunarnefnd samkeppnismála hefur staðfest úrskurð Samkeppniseftirlitsins um að sekta Símann um alls 440 milljónir króna fyrir brot á samkeppnislögum. 390 milljónir eru vegna misnotkunar á markaðsráðandi stöðu og brot gegn ákvæðum EES-samningsins.

Sigurður Rúnar ráðinn verkefnastjóri í vöruþróun

Sigurður Rúnar Friðjónsson hefur verið ráðinn í nýja stöðu verkefnisstjóra í vöruþróun Mjólkursamsölunnar í höfuðstöðvum fyrirtækisins í Reykjavík. Frá árinu 2007 hefur Sigurður stýrt vinnslustöð félagsins á Akureyri.

Vill að FME rannsaki meint brot gegn neyðarlögunum

Víglundur Þorsteinsson, fyrrverandi eigandi BM Vallár, hvetur Fjármálaeftirlitið til þess að hefja rannsókn á starfsháttum Arionbanka og skilanefnd Kaupþings en hann vill meina að bankarnir hafi hugsanlega brotið gegn úrskurðum byggða á neyðarlögunum. Þetta kemur fram í bréfi sem hann sendi FME í dag.

Gengi krónunnar veikist töluvert

Töluverð veiking hefur orðið á gengi krónunnar á síðustu dögum samkvæmt morgunkorni Íslandsbanka. Nú þegar þetta er ritað (kl. 10:10) stendur gengisvísitala krónunnar í rúmum 211 stigum en var rúm 207 stigu fyrir viku síðan.

Gróði af verklokum réttlætti áhættu

Ríkisendurskoðun réð ekki annað í upplýsingar og forsendur byggingar Hörpu, í mars 2009, en að rekstur hússins ætti að standa vel undir öllum kostnaði við byggingu þess og rekstri. Þetta kemur fram í minnisblaði stofnunarinnar til fjárlaganefndar Alþingis, sem Fréttablaðið hefur undir höndum.

Tommi lætur sig dreyma um fleiri staði

"Maður lætur sig dreyma um að opna fleiri staði, en fyrst verður maður nú að halda utan um þennan og festa rætur," sagði Tommi á Hamborgarabúllunni, sem nýverið opnaði Hamborgarasölustað í London, í viðtali í útvarpsþættinum Reykjavík síðdegis.

Vildu ekki vera í sporum þeirra sem fá stefnuna eftir réttarhlé

Aðilar að einu af þeim tveimur prófmálum vegna gengislánanna sem búið er að þingfesta þakka fyrir að hafa fengið stefnuna í hendur fyrir réttarhléð. Þeir vildu ekki vera í sporum þeirra sem fá stefnuna í hendur eftir réttarhlé og hafa 2-3 vikur til að undirbúa sig fyrir fyrirtökuna.

Líklegt að gengislánamál rati til EFTA dómstólsins

Hæstarétttarlögmaður telur líklegt að prófmáli vegna gengislána verði vísað til Efta dómstólsins, sem gæti frestað því um tólf mánuði að botninn verði sleginn í langri sögu þeirra um dómskerfið.

Rekstur Orkuveitunnar batnar

Rekstrarhagnaður (EBIT) Orkuveitu Reykjavíkur nam 8,1 milljarði króna samkvæmt árshlutauppgjöri orkuveitunnar á fyrri hluta ársins 2012 samkvæmt tilkynningu frá félaginu.

Sjá næstu 50 fréttir

Mest lesið