Aukinn hagnaður hjá Íslandssjóðum

Rekstrarfélag Íslandssjóða skilaði 127 milljón króna hagnaði eftir skatta á fyrstu sex mánuðum ársins. Þetta er nokkuð betri afkoma en á sama tímabili í fyrra þegar 98 milljóna kr. hagnaður varð hjá félaginu.

Þetta kemur fram í tilkynningu til Kauphallarinnar. Þar segir að hreinar rekstrartekjur hafi aukist milli ára en rekstrargjöld hafi minnkað á móti.

Hagnaður verðbréfasjóða Íslandssjóða færður á hlutdeildarskírteini jókst lítillega á fyrstu sex mánuðum ársins. Hann nam 2.136 milljónum kr. samanborið við 2.120 milljóna kr. hagnað fyrstu sex mánuðina í fyrra.

Hrein eign verðbréfasjóða Íslandssjóða nam tæpum 101 milljarði kr. samanborið við 106 milljarða kr. í árslok 2011.