Viðsnúningur í afkomu OR

Orkuveita Reykjavíkur (OR) hagnaðist um ríflega þrjá milljarða króna á öðrum ársfjórðungi. Til samanburðar tapaði fyrirtækið rúmum sex milljörðum króna á sama tímabili í fyrra. OR skilaði þó samanlagt rúmlega 900 milljóna tapi á fyrri helmingi ársins.

Tap á tímabilinu má rekja til veikingar krónunnar og lækkunar álverðs á fyrri helmingi ársins. Þannig voru reiknuð áhrif þessara og annarra óinnleystra fjármagnsliða á heildarafkomuna neikvæð um 8,5 milljarða á tímabilinu.

„Uppstokkunin í rekstri Orkuveitunnar hefur nú skilað sér í góðri afkomu eins og að var stefnt með Planinu," sagði Bjarni Bjarnason, forstjóri OR, í fréttatilkynningu um árshlutauppgjörið en rekstrarhagnaður á fyrri helmingi ársins jókst verulega.- mþl