Katrín tekur við góðu búi

Ráðherraskipti verða hjá Samfylkingunni í byrjun október þegar Katrín Júlíusdóttir tekur við af Oddný Harðardóttur í nýju fjármála- og efnhagsráðuneyti. Hún segist taka við góðu búi.

Jóhanna Sigurðardóttir forsætisráðherra tilkynnti breytingarnar á ráðherraliði Samfylkingarinnar á flokkstjórnarfundi í dag.

Um næstu helgi verður lokið við að endurskipuleggja og fækka ráðuneytunum í átta. Þá verður Oddný fjármála- og efnahagsráðherra en í dag er hún fjármálaráðherra. Katrín mun svo taka við af henni 1. október þegar Oddný hefur kynnt fjárlögin og þau hafa verið rædd á Alþingi.

Oddný tók við af Katrínu þegar hún fór í fæðingarorlof um síðustu áramót.

„Mér líst gríðarlega vel á þetta. Ég auðvitað tek við mjög góðu búi það hefur verið unnið alveg grettistak í fjármálum ríkisins og líka snúa hér við efnahagnum í landinu á þessu kjörtímabili þannig að ég tek við góðu búi og mun halda því góða starfi árfam. Auk þess eru líka ný verkefni sem við þurfum að setja á stað og ég mun líka kannski sérstaklega fylgja eftir að reyna að ýta hér við fjáfestingum í landinu og það er svona ákveðið framhald af því sem ég var að gera í iðnaðarráðuneytinu," segir Katrín.