Rúmlega 15 milljarða viðskipti með skuldabréf

Skuldabréfavísitalan GAMMA: GBI lækkaði um 0,1% í dag í 15,4 ma. viðskiptum. GAMMAi: Verðtryggt lækkaði um 0,4% í 3,3 ma. viðskiptum og GAMMAxi: Óverðtryggt hækkaði um 0,3% í 11 ma. viðskiptum.

Már tjáir sig um Sjóvá og ásakanir Heiðars

Már Guðmundsson, seðlabankastjóri, segir að þáttur Seðlabankans í söluferli Sjóvár muni standast fína skoðun. Hann hafnar því að hafa beitt valdníðslu og brotið reglur og lög. Heiðar Már Guðjónsson fjárfestir fór fyrir hópi sem átti hæsta tilboðið í Sjóvá en hópurinn hefur nú dregið tilboð sitt til baka vegna tafa við vinnslu málsins hjá Seðlabankanum.

Már útilokar ekki evruna þrátt fyrir vandræði

Már Guðmundsson seðlabankastjóri telur að það geti verið góður valmöguleiki fyrir Ísland að taka upp evru, þrátt fyrir skuldavandann. Már Guðmundsson, segir að skuldavandi evruríkja, sé ekki tilkominn vegna sameiginlegu myndarinnar heldur vegna skorts á eftirliti í bankakerfinu.

Enn óvissa um stöðu fjármálafyrirtækja

Enn er óvissa um eiginfjárstöðu fjármálafyrirtækja og skuldastöðu heimila og fyrirtækja, segir Már Guðmundsson seðlabankastjóri í inngangsorðum í Fjármálastöðugleika, nýju riti Seðlabankans. Hann segir að mikilvægt sé að minnka þessa óvissu til að traust skapist á fjármálafyrirtækjunum og fjárfesting og þjóðarbúskapurinn nái sér á strik.

Már vildi ekki Heiðar Má og tilkynnti það símleiðis

Már Guðmundsson, seðlabankastjóri, tilkynnti Heiðari Má símleiðis að hann vildi ekki að hann yrði meðal þeirra fjárfesta sem keyptu Sjóvá en seðlabankastjóra grunaði Heiðar Má um viðskipti með aflandskrónur í gegnum félag sitt Ursus capital ehf.

Afskriftir fasteignalána heimila nema 22 milljörðum

Bankar og sparisjóðir hafa samtals afskrifað um 22 milljarða króna hjá einstaklingum og fjölskyldum í tengslum við þau úrræði sem skuldugum heimilum standa til boða. Fjármálafyrirtækin hafa kynnt um 20 mismunandi úrræði sem ætlað er að hjálpa almenningi að takast á við greiðsluerfiðleika í kjölfar fjármálahrunsins.

Verðbólgumarkmið Seðlabankans ekki náðst síðan 2004

Ársverðbólgan hefur ekki náð verðbólgumarkmiði Seðlabankans upp á 2,5% síðan í apríl 2004. Verðbólgan mælist nú 2,6% eins og Hagstofan greindi frá í morgun.

Bónus með lægsta verðið

Bónus var oftast með lægsta verðið og Kostur oftast með hæsta verðið í nýrri verðkönnun sem verðlagseftirlit ASÍ gerði í fjórum lágvöruverðsverslunum á höfuðborgarsvæðinu og Akureyri á mánudaginn.

Ársverðbólgan komin niður í markmið Seðlabankans

Ársverðbólgan er komin niður í 2,6% sem er nærri því verðbólgumarkmið Seðlabankans en það er 2,5%. Þetta kemur fram á vefsíðu Hagstofunnar.

Kröfuhafar Kaupþings gætu fengið borgað eftir ár

Kröfuhafar Kaupþings gætu fengið fengið borgað eftir ár. Um yrði að ræða skipti á kröfum fyrir hlutafé eða að viðkomandi fengi borgað kröfu sína í reiðufé.

Innflytjendur óttast um hag sinn

Félag atvinnurekenda geldur varhug við frumvarpi fjármálaráðherra um að heimilt verði að bjóða út innkaup í útlöndum. Í greinargerð þess er vísað til áhuga heilbrigðisráðuneytisins og Landspítala á að kanna möguleika á sameiginlegum lyfjaútboðum með hinum Norðurlöndunum.

Verður á lygnum sjó árið 2015

Orkuveitan (OR) vinnur að undir­búningi skuldabréfaútboðs og stefnir á að selja lífeyrissjóðum bréf til 24 ára fyrir fimm milljarða króna. Þetta er framhald af útboði í árslok 2009 þegar OR sótti sér jafn háa upphæð. Ekki hefur verið tekin ákvörðun um frekari skuldabréfaútgáfur á innlendum markaði hjá OR. Rætt er um að auka hlut innlendra lána í lánasafni OR með því að gefa út skuldabréf með reglubundnum hætti í framtíðinni fyrir tiltölulega lágar upphæðir, hálfan til einn milljarð króna í hvert sinn.

Stefnt er að skráningu á ný

Breski fjárfestingarsjóðurinn 3i greindi frá því í gær að hann hafi keypt hollenska iðnfyrirtækið Stork Material Technologies fyrir 150 milljónir evra, jafnvirði 23 milljarða króna. Fyrirtækið var hluti af hollensku iðnsamsteypunni Stork. Söluandvirði verður nýtt til niðurgreiðslu á skuldum, að sögn breska viðskiptablaðsins Financial Times.

Stórfyrirtækin í tapi

Helmingur stærstu fyrirtækja landsins var rekinn með tapi á síðasta ári. Þriðjungur hefur ekki skilað ársreikningi til ríkisskattstjóra.

iPad til leigu í vélum Iceland Express

Iceland Express býður nú farþegum sínum til leigu iPad á flestum flugleiðum félagsins. Í tilkynningu segir að félagið sé þannig fyrst evrópskra flugfélaga til að bjóða slíka þjónustu um borð.

Skýrr komið í innsta hring hjá Microsoft

Microsoft hefur tekið íslenska upplýsingatæknifyrirtækið Skýrr inn í svokallaðan „Inner Circle"-hóp samstarfsaðila Microsoft. Í tilkynningu frá fyrirtækinu segir að þangað komist einungis þau fyrirtæki sem Microsoft telur hafa sýnt bestan árangur í að nýta Microsoft Dynamics-viðskiptalausnir til að þróa og efla starfsemi viðskiptavina sinna.

Ráðherra vill fresta aðskilnaði dreifiveitna

Iðnaðarráðherra mælir í dag fyrir frumvarpi um að aðskilnaði dreifiveitna frá annarri starfsemi orkufyrirtækja verði frestað til ársins 2012. Orkuveita Reykjavíkur telur að aðskilnaður framleiðslu og dreifingar orku hjá fyrirtækinu hefði leitt til enn frekari verðhækkana á orku til almennings og fyrirtækja.

Heiðar vildi borga 11 milljarða fyrir Sjóvá - kvartar til umboðsmanns

Heiðar Már Guðjónsson fjárfestir, hefur sent kvörtun til umboðsmanns Alþingis vegna vinnubragða Seðlabankans við sölu á Sjóvá,sem ekkert verður af að sinni. Kauptilboðið nam ellefu milljörðum króna sem er sama upphæð og ríkið lagði inn í Sjóvá á sínum tíma.

Enn er lítið selt af atvinnuhúsnæði

Í október síðastliðnum var 101 kaupsamningum og afsölum um atvinnuhúsnæði þinglýst á landinu öllu. Þar af var 45 samningum þinglýst á höfuðborgarsvæðinu og 56 samningum á landsbyggðinni.

Landsbankinn setur fasteignafélagið Reginn A3 í sölu

Reginn ehf. dótturfélag Landsbankans hefur falið Fyrirtækjaráðgjöf Landsbankans að annast sölu á öllu hlutafé í fasteignafélaginu Reginn A3 ehf. Félagið á 7 fasteignir sem eru að meginhluta leigðar undir smásölurekstur á höfuðborgarsvæðinu.

Heiðar Már kvartar til umboðsmanns Alþingis

Heiðar Már Guðjónsson fjárfestir, hefur sent kvörtun til umboðsmanns Alþingis vegna ófaglegra vinnubragða Seðlabankans við sölu á Sjóvá, eins og hann orðar það.

Eignir innlánsstofnana lækkuðu um 27 milljarða í október

Heildareignir innlánsstofnana námu 2.833 milljörðum kr. í lok október og lækkuðu um 27,3 milljarða kr. frá síðasta mánuði. Innlendar eignir lækkuðu um 42,9 milljarða kr en erlendar eignir hækkuðu um 15,6 milljarða kr.

Metan leggur grunn að orkuöryggi

Hópur þingmanna fer fram á að Alþingi beini því til ríkisstjórnarinnar að hún beiti sér fyrir aukinni og markvissri metanframleiðslu og leiti samstarfs um það við sveitarfélög, einstaklinga og lögaðila. Þingmenn allra flokka standa að ályktun um þetta sem lögð hefur verið fram á Alþingi.

Fengu vopn til að verja þrotabúið

Á meðan breskum lögum um eignafrystingu, sem kölluð hafa verið hryðjuverkalög, var beitt gegn þrotabúi Landsbankans var ekki hægt að ganga að þrotabúinu. Þetta segir Árni M. Mathiesen, fyrrverandi fjármálaráðherra, í nýrri bók þar sem fjallað er um bankahrunið.

Hægari endurreisn

Á sama tíma og skuldatryggingarálag á ríkissjóð hefur lækkað mikið eru horfur um bata í efnahagslífinu að versna. Hagstofan spáir þriggja prósenta samdrætti á þessu ári og því að endurreisnin verði hægari en áður var gert ráð fyrir.

Nýr umboðsmaður viðskiptavina hjá Íslandsbanka

Sigríður Jónsdóttir hefur verið ráðin í starf umboðsmanns viðskiptavina hjá Íslandsbanka og tekur við af Þórleifi Jónssyni, sem lætur af störfum 1. mars næstkomandi. Í tilkynningu frá bankanum segir að Sigríður hafi viðtæka og langa reynslu í fjármálamarkaði en hún starfar nú sem útibússtjóri Íslandsbanka í Mosfellsbæ.

Kínverjum heimilt að eiga í Stormi

Nefnd um erlenda fjárfestingu hefur skilað ráðherra áliti vegna kaupa Nautilus Fisheries Ltd. á 43,75% hlut í Stormi Seafood ehf. sem nefndin hefur haft til umfjöllunar. Nautilus er í eigu kínverskra aðila og því voru áhöld um hvort eignarhluturinn samræmdist lögum um erlenda fjárfestingu.

Landflutningar styðja við Jólaaðstoðina 2010

Landflutningar hafa ákveðið að láta allt flutningsgjald þeirra pakka sem fluttir eru fyrir jólahátíðina renna óskipt til Mæðrastyrksnefndar Reykjavíkur og Jólaaðstoðar 2010. Gjaldið er 890 krónur fyrir hvern pakka og vill fyrirtækið með þessu leggja sitt lóð á vogarskálarnar til hjálpar þeim sem minna mega sín, eins og segir í tilkynningu.

Kaupþing komið í formlega slitameðferð

Með úrskurði Héraðsdóms Reykjavíkur sem birtur var í gær hefur Kaupþing banki hf. verið tekinn til formlegrar slitameðferðar. Íslensk lög kveða á um að greiðslustöðvun ljúki sjálfkrafa þegar formleg slitameðferð hefst.

Hagstofan: Húseigendur í vanda eru milli steins og sleggju

Fasteignamarkaður er enn í mikilli lægð eftir að hann hrundi í kjölfar falls bankanna. Uppsett verð í eigna lækkar treglega, en raunverð hefur lækkað mikið. Húseigendur sem eru í fjárhagsvanda eru milli steins og sleggju.

Hagstofan: Horfur á lítilsháttar samdrætti í útflutningi

Horfur eru á lítilsháttar samdrætti í útflutningi á líðandi ári. Það má að hluta til rekja til áhrifa frá árinu 2009 en þá voru fluttar út flugvélar fyrir tæpa 23 milljarða króna.

Hagstofan spáir 3% samdrætti í landsframleiðslunni í ár

Í endurskoðaðri þjóðhagsspá Hagstofunnar segir m.a. að útlit sé fyrir að landsframleiðsla dragist saman um 3% árið 2010, en vaxi um tæp 2% árið 2011. Spáin er talsvert svartsýnni en fyrri spá Hagstofunnar.

Sveitarfélögin skulda ÍLS 44 milljarða, lítið afskrifað

Sveitarfélög landsins skulda Íbúðalánasjóði (ÍLS) um 44 milljarða króna vegna kaupa á tæplega fjögur þúsund eignum til félagslegra nota á undanförnum árum.

Vaxandi tiltrú á að ríkissjóður ráði við erfiða stöðu sína

Margar vísbendingar benda til að markaðurinn hafi vaxandi tiltrú á því að ríkissjóður muni ráða við erfiða stöðu sína.

Sjóvá ekki selt í bráð

Heiðar Már Guðjónsson og fjárfestar sem honum tengjast, einstaklingar og sjóðir, hafa hætt við kaup á 33 prósenta hlut í tryggingafélaginu Sjóvá. Með kaupunum hefði hópurinn getað fengið forkaupsrétt á helmingi félagsins.

Framtakssjóðurinn átti næsthæsta tilboðið í Sjóvá

Framtakssjóður Íslands, sem er í eigu lífeyrissjóða, átti næsthæsta tilboðið í hlut Seðlabankans í Sjóvá. Hópur fjárfesta undir forystu Heiðars Más Guðjónssonar sem hefur hætt við kaupin vegna seinagangs telur sig ekki hafa fengið skýringar frá Seðlabankanum á töfum.

Þessir skiluðu inn tilboðum í Haga

Ljóst er að hart verður barist um smásölurisann Haga. Framtakssjóður Íslands, KEA, Stefnir, Auður Capital, bandarískir eigendur Eimskips og Saga Fjárfestingarbanki eru á meðal þeirra sem gert hafa tilboð í félagið. Fyrri eigendur hvorki neita því né játa að vera í hópi áhugasamra.

Geta ekki tjáð sig um það hvers vegna hópurinn hætti við

Seðlabanki Íslands segist ekki geta tjáð sig opinberlega um ástæðu þess að ekki var hægt að veita fjárfestahópi sem vildi kaupa Sjóvá fyrir 22. október sl. Hópurinn hefur hætt við kaupin.

FME: Orðstír kaupenda tryggingarfélaga þarf að vera í lagi

"Athygli er vakin á því að samkvæmt lögum um vátryggingastarfsemi þurfa virkir eigendur að uppfylla ýmis skilyrði, til að vera metnir hæfir til eiga og fara með virkan eignarhlut í vátryggingafélagi."

Heildarvelta skuldabréfa 2,23 milljarðar

Skuldabréfavísitalan GAMMA: GBI hækkaði um 0,1% í dag í 2,2 milljarða viðskiptum. GAMMAi: Verðtryggt hækkaði um 0,2% í 1,7 milljarða viðskiptum og GAMMAxi: Óverðtryggt lækkaði lítillega í 0,6 milljarða viðskiptum.

Atvinnurekendur gagnrýna frumvarp fjármálaráðherra harðlega

Félag atvinnurekenda lýsir yfir furðu sinni á frumvarpi fjármálaráðherra um að ríkinu verði heimilað að semja beint við innkaupastofnanir erlendis um innkaup á rekstrarvörum. „Þar með ætlar ríkisvaldið að bregða sér í hlutverk heildsala og smásala, í staðinn fyrir að eiga viðskipti við verslunarfyrirtæki hér á landi. Viðbúið er að hundruð manna missi vinnuna ef þessar áætlanir ganga eftir,“ segir í yfirlýsingu frá samtökunum.

Baugur og Birgir áttu skuldsettasta pítsafyrirtæki landsins

Fjárfestirinn Birgir Þór Bieltvedt, sem átti og rak pítsafyrirtækið Dominos á Íslandi stýrir nú Domino´s í Þýskalandi. DV greindi frá því í morgun að eignarhaldsfélagið Pizza-Pizza, sem á Dominos, skuldaði tæpa tvo milljarða eða 1800 milljónir.

Friðlýsa Jan Mayen en setja um leið milljarða í olíuleit

Norsk stjórnvöld hafa ákveðið að friðlýsa Jan Mayen. Á sama tíma hafa þau ákveðið að verja 3,4 milljörðum íslenskra króna næstu tvö árin til að undirbúa olíuboranir á norðurslóðum, þar á meðal á hafsvæðinu umhverfis eyna. Friðlýsingin gæti leitt til þess að þjónusta við olíuleit verði umfangsmeiri hérlendis en annars hefði orðið.

Reiknar með 0,5 prósentustiga vaxtalækkun

Greining Íslandsbanka reiknar með því að peningastefnunefnd Seðlabankans ákveði að lækka vexti bankans um 0,5 prósentur á næsta vaxtaákvörðunarfundi sínum sem er 8. desember næstkomandi.

Seðlabankinn tjáir sig ekki um Sjóvá að sinni

„Þessi staða er nýtilkomin. Á þessari stundu er ekkert hægt að segja um málið,“ segir Stefán Jóhann Stefánsson ritstjóri Seðlabankans aðspurður um söluferli Sjóvá. Sem kunnugt er af fréttum hefur hópur fjárfesta nú dregið sig út úr söluferlinu á Sjóvá.