Íslensk verðbréf reikna með 0,25 til 0,5% vaxtalækkun

Þeta kemur fram í vikulegum markaðsfréttum Íslenskra verðbréfa. Þar segir að óvissa um Icesave og há verðbólga gefi ekki tilefni til meiri lækkunar núna.

Í markaðsfréttunum er fjallað um þróunina á gengi krónunnar en frá áramótum hefur gengisvísitalan lækkað um 2,26% og hefur krónan styrkst sem því nemur. „Þetta hefur gerst þrátt fyrir pattstöðu í Icesave málinu og neikvæð skilaboð frá mörgum aðilum um að ef málið leysist ekki hratt þá hafi það mjög slæm áhrif á hagkerfið og aukin söluþrýsting á krónuna," segir í markaðsfréttunum.

„Málið er hins vegar það að hrakspár um að allt færi á versta veg ef lausn Icesave tefðist hafa ekki gengið eftir. Þvert á móti hefur umræðan snúist okkur í vil og aukins skilnings gætt á því að lausn málsins þurfi að vera sanngjörn fyrir íslendinga.

Það er líka ljóst að gjaldeyrishöftin virka betur en áður og því skilar jákvæður vöruskipta- og þjónustujöfnuður sér í styrkingu krónunnar."