Century Aluminum féll um tæp níu prósent

Gengi hlutabréfa í Century Aluminum, móðurfélagi Norðuráls, féll um 8,82 prósent í Kauphöllinni í gær. Á eftir fylgdi Straumur, sem féll um 5,7 prósent, Marel Food Systems, sem fór niður um 5,26 prósent, og gengi bréfa í Færeyjabanka, sem féll um 3,46 prósent. Þá lækkaði gengi bréfa í Bakkavör um 0,48 prósent.

Seðlabankinn styrkir gengið með hóflegri sölu á gjaldeyri

Í yfirlýsingu sem Eiríkur Guðnason bankastjóri Seðlabankans hefur sent til fjölmiðla segir að mikilvægasta viðfangsefnið nú í peningamálum er að ná því að gengi krónunnar verði sæmilega stöðugt. Að þessu er unnið í Seðlabankanum, m.a. með hóflegri sölu gjaldeyris á millibankamarkaði.

Karfaveiðum haldið óbreyttum á Reykjaneshrygg

Í dag lauk í London samráðsfundi um stjórn veiða á karfa á Reykjaneshrygg á árinu 2009. Niðurstaðan var að halda veiðum óbreyttum en afstaða Íslands var að draga úr sókninni.

Atvinnuleysi í janúar það mesta frá árinu1995

Skráð atvinnuleysi í janúar 2009 var 6,6% eða að meðaltali 10.456 manns og eykst atvinnuleysi um 32% að meðaltali frá desember eða um 2.554 manns. Atvinnuleysi hefur ekki verið jafn mikið frá því í janúar árið 1995 en þá var atvinnuleysi 6,8%. Á sama tíma á árinu 2008 var atvinnuleysi 1%, eða 1.545 manns.

Gjaldfallin skuldabréf Glitnis hækka í verði erlendis

Gjaldfallin skuldabréf Glitnis hafa meir en tvöfaldast í verði erlendis þar sem fjárfestar telja nú að skilanefnd bankans takist að endurheimta meira fé úr eignum bankans en áður var talið.

Forsvarsmenn Baugs ánægðir með greiðslustöðvun

Baugur Group hf. fékk greiðslustöðvun í Héraðsdómi Reykjavíkur í dag. Greiðslustöðvunin er veitt til fjórða mars næstkomandi. Stefán H. Hilmarsson, fjármálastjóri Baugs segist mjög ánægður með niðurstöðuna og segir að nú verði farið í að ná fram lausn með kröfuhöfum félagsins.

Seðlabankinn hleypir nýju vefriti af stokkunum

Ásgeir Daníelsson hagfræðingur ríður á vaðið í nýju vefriti Seðlabanka Íslands Efnahagsmálum. Birtingu höfundamerktra greina í Peningamálum hefur verið hætt en þær verða þess í stað birtar í vefritinu Efnahagsmálum jafnóðum og þær eru tilbúnar.

Innlend hlutabréfaeign lífeyrissjóðanna rýrnaði um 88%

Greining Glitnis segir að það veki litla undrun að af einstökum eignum lífeyrissjóðanna er það eign þeirra í innlendum hlutabréfum sem hefur tekið hvað mestum breytingum frá hruni bankanna. Eign þessi stóð í 239 milljörðum kr. í upphafi síðastliðins árs en var komin niður í tæplega 30 milljarða í lok árs. Lækkunin er 209 milljarða kr. eða 88%.

Skuldabréf Atorku færð á Athugunarlista í kauphöllinni

Skuldabréf útgefin af Atorku hafa verið færð á Athugunarlista í kauphöllinni vegna óvissu um fjárhagslega stöðu útgefanda með vísan til tilkynningar frá félaginu, dags. 11. febrúar 2009, um greiðsluerfiðleika félagsins.

Fjöldi eignaskipta innan sömu fjölskyldu hefur þrefaldast

Frá því í byrjun október þegar íslenska bankakerfið hrundi og fram til síðustu mánaðarmóta hafa eignaskipti á eign eða eignahluta innan sömu fjölskyldu þrefaldast.

Tæpur helmingur gjaldeyrisforða SÍ eru skammtímalán

Tæplega helmingur af gjaldeyrisforða Seðlabanka Íslands eru skammtímalán sem munu gjaldfalla á næstu 30 dögum. Þetta kemur fram í yfirliti sem bankinn hefur birt um stöðu gjaldeyrisforðans.

Straumur fellur um tæp átta prósent

Gengi hlutabréfa í Straumi féll um 7,89 prósent við upphaf viðskiptadagsins á hlutabréfamarkaði í Kauphöllinni í dag. Þetta er mesta fall dagsins á annars rólegum degi.Gengi hlutabréfa í félaginu hafði hækkað um 45 prósent síðastliðna viku en um rúm hundrað prósent undangenginn mánuð.

FME og Kauphöllin endurnýja yfirlýsingu um eftirlit

Forstjórar Fjármálaeftirlitsins (FME) og Kauphallar Íslands hafa endurnýjað yfirlýsingu um eftirlitsverkefni sem Kauphöllin annast fyrir FME.

Rúmlega þriðjungur lána ÍLS fór til leiguíbúða í janúar

Alls námu heildarútlán Íbúðalánasjóðs (ÍLS) tæplega 3,6 milljörðum króna í janúar. Þar af voru um 2,2 milljarðar kr. vegna almennra lána og 1,4 milljarðar kr. vegna leiguíbúðalána.

Hagnaður Alfesca drógst saman um tæp 20%

Nettóhagnaður Alfesca á fjórða ársfjórðung síðasta árs nam 17,8 milljónum evra eða rúmlega 2,6 milljörðum kr. sem er 19,8% samdráttur m.v. sama ársfjórðung 2007.

Ríkið ber ábyrgð á lágmarksvernd innstæðna

Evrópuþjóðir munu seint taka undir að vafi kunni að leika á gildi tilskipunar Evrópusambandsins (ESB) um innstæðutryggingar. Yfirlýst meginmarkmið hennar er að allar innstæður einstaklinga í viðskiptabönkum á evrópska efnahagssvæðinu öllu skuli tryggðar upp að skilgreindu lágmarki, 20.887 evrum, eða sem svarar um þremur milljónum króna.

Gera hlutina sjálf

„Við ákváðum að taka uppgjör og greiðslumiðlun inn til okkar sjálf. Það er hagkvæmara og því réðum við til okkar fleira starfsfólk,“ segir Þorvaldur Lúðvík Sigurjónsson, forstjóri Saga Capital. Fyrirtækið hefur ráðið til sín sex nýja starfsmenn á sama tíma og vinnumarkaðurinn er svo til botnfrosinn.

Jón Ólafsson verði stjórnarformaður Senu

Nái Jón Ólafsson og ein umsvifamesta umboðsskrifstofa heims ekki að kaupa Senu á samt að hefja hér starfsemi.

Landsbankinn varð af 48 milljörðum

Bankakreppur hægðu í tvígang á samþættingu fjármálafyrirtækja Landsbankans í Evrópu. Bankinn greip of seint til varúðarráðstafana áður en skellurinn dundi yfir.

Magnús krafinn um milljarð fyrir ógreiddan skatt

Skattayfirvöld krefja Magnúsi Þorsteinssyon um tæpan milljarð fyrir ógreiddan skatt af hagnaði við sölu á hlut hans í Samson eignarhaldsfélagi árið 2005. Félag á bresku Jómfrúareyjunum í eigu Magnúsar var skráð fyrir hlutnum. Magnús hyggst kæra málið til yfirskattanefndar.

Langtímahorfur Marels góðar

„Próforma rekstrarhagnaður (EBIT) af kjarnastarfsemi félagsins var 8,5% af veltu á árinu 2008 en áætlanir höfðu gert ráð fyrir að hann yrði 9%. Frávikið myndaðist allt á fjórða ársfjórðungi og má rekja til áhrifa alþjóðlegu fjármálakreppunnar á sölustarfsemi félagsins. Til að bregðast við breyttum aðstæðum á mörkuðum hefur þegar verið gripið til umfangsmikilla aðgerða til að lækka rekstrarkostnað félagsins. Starfsfólki hjá fyrirtækjum okkar erlendis var m.a. fækkað um 300 í lok árs og er kostnaður vegna þess gjaldfærður á fjórða ársfjórðungi,“ segir Hörður Arnarsson, forstjóri Marel Food Systems hf, í tilkynningu. Langtímahorfur fyrirtækisins eru góðar.

Baugur í greiðslustöðvun: Úrskurðar vænst á morgun

Dómari hefur ekki tekið afstöðu til óska Baugs Group Hf. um að félaginu verði veitt greiðslustöðvun. Dómþingi lauk í morgun og er beðið eftir úrskurði dómarans. Heimildir fréttastofu herma að von sé á úrskurði dómarans á morgun.

Skólabróðir Geirs Haarde verður fulltrúi AGS á Íslandi

Fréttastofa hefur fengið það staðfest að fulltrúi Alþjóðagjaldeyrissjóðsins(AGS) á Íslandi verður Franek Rozwadowski. Hann mun vera skólabróðir Geirs Haarde fyrrum forsætisráðherra frá því er báðir stunduðu nám við Brandeis háskólann.

Athugun FME á eigin viðskiptum Straums 2007 er lokið

Fjármálaeftirlitið (FME) hefur lokið athugun sinni á eigin viðskiptum með rúmlega 5% hlut í Straumi‐ Burðarás Fjárfestingarbanka hf., sem átti sér stað 17. ágúst 2007. Fyrirliggjandi upplýsingar gefi ekki tilefni til frekari afskipta af hálfu eftirlitsins sem lítur svo á að málinu sé lokið.

Óbreytt afstaða til Icesave og Edge

Áréttar að Þjóðverjar sem áttu inni í Kaupþingi fái greitt

Vegna ummæla Ólafs Ragnars Grímssonar forseta Íslands í þýsku útgáfunni af Financial Times hefur skilanefnd Kaupþings sent frá sér tilkynningu þar sem það er áréttað að þeir Þjóðverjar sem áttu fé inni á Edge-reikningum Kaupþings muni fá fé sitt endurgreitt.

Kaupþing tekur yfir Heklu

Kaupþing hefur tekið yfir bílaumboðið Heklu með nauðasamningum við fyrrverandi eigendur, sem fá að halda eftir hluta af fyrirtækjasamsteypunni.

Lækka þarf stýrivexti hratt og fljótt

Það þarf að lækka stýrivexti hratt og fljótt, segja hagfræðingarnir Jón Daníelsson og Gylfi Zoega í ritgerð um hrun íslenska hagkerfisins. Þeir segja ástæður þess að fjármálakerfið hrundi vera afnám hafta, einkavæðingu bankanna og slakt fjármálaeftirlit.

Segir birgðastöðu HB Granda að ná eðlilegu jafnvægi

Eggert B. Guðmundsson forstjóri HB Granda hefur sent starfsfólki fyrirtækisins bréf þar sem hann fer yfir stöðu fyrirtækisins. Þar kemur m.a. fram að birgðastaðan fari batnandi og sé að færast nær eðlilegu jafnvægi.

Einar verður forstjóri Mjólkursamsölunnar

Einar Sigurðsson forstjóri Árvakurs mun láta af því starfi og taka við sem forstjóri Mjólkursamsölunnar. Þetta staðfesti Egill Sigurðsson stjórnarformaður MS í samtali við Vísi. Einar tekur við starfi forstjóra þann 1.apríl og mun starfa við hlið núverandi forstjóra til 1.maí og tekur þá alfarið við.

Misskilningur hjá forseta

Ólafur Ragnar Grímsson forseti Íslands komst í fréttirnar í Þýskalandi í morgun þegar hann sagði að Ísland ætti ekki greiða þeim sem töpuðu á innlánum Kaupþings í Þýskalandi. Þetta sagði hann við þýsku útgáfuna af Financial Times. Steinar Þór Guðgeirsson formaður skilanefndar Kaupþings segir þýska fréttamenn hafa sýnt málinu mikinn áhuga í morgun en einhver misskilningur sé í þessum orðum forsetans. Það hafi alltaf staðið til að greiða þessum innlánseigendum.

Vísbendingar um að gjaldeyrir skili sér ekki samkvæmt reglum

Greining Glitnis segir að vísbendingar séu um að gjaldeyrir hafi hingað til ekki skilað sér með þeim hætti sem reglur kveða á um. Veltan á millibankamarkaðinum með gjaldeyri hefur þannig verið afar lítil.

Atvinnulausir eru orðnir yfir 14.000 talsins

Atvinnuleysi heldur áfram að aukast hröðum skrefum og nú eru yfir 14.000 manns atvinnulausir á landinu öllu.

Straumur hækkar mest í Kauphöllinni

Gengi hlutabréfa í Straumi hefur hækkað um 3,15 prósent í Kauphöllinni í dag en félagið er þar eitt á uppleið. Á sama tíma hefur gengi bréfa í Marel Food Systems lækkað um 1,14 prósent og í Össuri um 1,36 prósent.

Greiðslustöðvun Baugs: Ákvörðun dómara kynnt síðar í dag

Arngrímur Ísberg héraðsdómari mun tilkynna síðar í dag hvort hann fallist á beiðni Baugs Group hf. um greiðslustöðvun. Málinu var frestað í síðustu viku en tekið fyrir að nýju í Héraðsdómi Reykjavíkur í dag. Upphaflega var farið fram á greiðslustöðvun í Baugi Group og nokkrum tengdum félögum en í morgun féllu Baugsmenn frá beiðni um greiðslustöðvun tengdra félaga þannig að beiðnin um greiðslustöðvun hjá Baugi Group stóð ein eftir.

Forsetinn vill ekki að Ísland greiði fyrir Kaupþing í Þýskalandi

Ólafur Ragnar Grímsson forseti Íslands segir að Ísland eigi ekki að greiða þeim sem töpuðu á innlánum Kaupþings í Þýskalandi. Þetta kemur fram í þýsku útgáfunni af Financial Times (FTD) í dag og hefur vakið töluverða athygli í Þýskalandi.

SI veitir umtalsverðu fé til mennta- og nýsköpunar

Á morgun 11. febrúar á Menntadegi iðnaðarins 2009 verður kynnt ákvörðun stjórnar Samtaka iðnaðarins (SI) um að verja umtalsverðum fjármunum til ákveðinna verkefna á sviði menntamála og nýsköpunar á næstu þremur árum. Veittir verða nokkrir styrkir til stofnana og verkefna.

Einkavæðing og slakt eftirlit orsökuðu bankahrunið

Hrun íslenska hagkerfisins er vitnisburður um afleiðingar afnáms hafta, einkavæðingar viðskiptabanka og slaks fjármálaeftirlits í heimi ódýrs fjármagns, að mati hagfræðinganna Jóns Daníelssonar og Gylfa Zoega.

Höfuðstöðvum B&L lokað - óvíst með uppsagnir

Höfuðstöðvum Bifreiða og landbúnaðarvéla á Grjóthálsi í Reykjavík verður lokað um þarnæstu mánaðamót og starfsemin flutt í húsakynni Ingvars Helgasonar við Sævarhöfða.

Straumur hækkar um 14,43 prósent

Gengi hlutabréfa í Straumi rauk upp um 14,43 prósent í Kauphöllinni í dag. Þetta er langmesta hækkun dagsins. Á sama tíma hækkaði gengi bréfa í Century Aluminum, móðurfélagi Norðuráls, um 4,29 prósent og í Bakkavör um 1,49 prósent.

Segir fjármálaráðherra hafa vitað af ráðningu Ásmundar

Haukur Halldórsson varaformaður bankaráðs Landsbankans segir að ráðning Ásmundar Stefánssonar í stól bankastjóra hafi verið gerð í samráði við fjármálaráðherra. Hann segir ákvörðunina hafa verið bankaráðs og Ásmundur hafi ekki sóst eftir embættinu. Ljóst sé að staða bankastjóra verði auglýst þegar efnahagsreikningur bankans liggi fyrir og vonast Haukur til að svo geti orðið seint í apríl. Hann segir bankaráð hafa talið meira gagnrýnisvert að ráða einn af framkvæmdarstjórum bankans frekar en formann bankaráðsins.

Veitir 100 milljón kr. styrk til ferðaþjónustunnar

Iðnaðarráðuneytið hefur ákveðið að veita 100 milljónum króna af byggðaáætlun 2006-2009 til að styrkja uppbyggingu í ferðaþjónustu.

Viðskiptaráðherra leiðréttir Davíð Oddsson

Vegna ummæla formanns bankastjórnar Seðlabanka Íslands um stjórn Fjármálaeftirlitsins, í bréfi sínu til forsætisráðherra 8. febrúar 2009, vill viðskiptaráðuneytið taka eftirfarandi fram:

Segja 80% fyrirtækja á Íslandi tæknilega gjaldþrota

ESBA, Samtök smærri fyrirtækja innan ESB/EES, segja að 80% fyrirtækja á Íslandi vera tæknilega gjaldþrota.

Fréttaskýring: Davíð Oddsson skaðar hagsmuni þjóðarinnar

Svo virðist sem Davíð Oddsson seðlabankastjóri skilji ekki nauðsyn þess að endurvekja traust og trúnað á íslenska fjármálakerfinu meðal erlendra ríkisstjórna, bankastofnanna og fjárfesta. Ef hann skildi það myndi hann láta verki sínu lokið nú þegar í stað þess að efna til deilu um afsögn sína á versta mögulega tíma fyrir íslenskan þjóðarhag.