Atvinnulausir eru orðnir yfir 14.000 talsins

Atvinnuleysi heldur áfram að aukast hröðum skrefum og nú eru yfir 14.000 manns atvinnulausir á landinu öllu.

Á vefsíðu Vinnumálastofnunar í dag kemur fram að 14.145 eru atvinnulausir sem er um 8,4% af áætluðu vinnuafli á árinu.

Sem kunnugt er af fréttum var gert ráð fyrir að atvinnulausir yrðu orðnir 10% af vinnuafli í vor en nú eru líkur á að það hlutfall komi fyrr á árinu.

Atvinnulausir karlar eru 8.939 talsins en konurnar eru 5.206 talsins.

Langflestir eða 9.212 manns eru atvinnulausir á höfuðborgarsvæðinu.

Á Suðurnesjum eru 1.609 atvinnulausir, á Norðurland eystra 1.341, á Suðurlandi 918, á Vesturlandi 434, á Austurlandi 375 og Norðurland vestra 167.

Vestfirðir skera sig nokkuð úr en þar eru aðeins 89 atvinnulausir