Enn dregur úr lánum hjá Íbúðalánasjóði milli ára

Heildarútlán Íbúðalánasjóðs námu tæpum 1,9 milljörðum króna í júní en þar af voru tæpir 1,3 milljarðar króna vegna almennra lána. Til samanburðar námu almenn útlán í júní 2011 um 1,7 milljörðum króna. Meðalútlán almennra lána voru um 10,3 milljónir króna í júní.

Reglurnar þurfa að vera alþjóðlegar

Pétur Blöndal hefur lagt fram svipaðar tillögur á Íslandi og samþykktar voru um helgina á þingi Öryggis- og samvinnustofnunar Evrópu. Tillögurnar miða að því að koma í veg fyrir hringferla peninga með raðeignarhaldi og innistæðulausa eignabólu fyrirtækja. Pétur segir markmið tillagnanna ekki ná fram að ganga nema þær séu samræmdar meðal allra landa.

Nova má ekki auglýsa ódýrustu, vinsælustu og snjöllustu farsímana

Símafyrirtækinu Nova hefur verið bannað að auglýsa að fyrirtækið bjóði ódýrustu, vinsælustu og snjöllustu farsímana. Neytendastofa telur að Nova hafi ekki sannað fyrrgreindar fullyrðingar. Síminn kærði fullyrðingarnar til Neytendastofu eftir að Nova dreifði auglýsingablaði með fyrrgreindum fullyrðingum.

Norðmenn stöðva olíuframleiðslu í vikunni

Olíu- og gasframleiðsla mun stöðvast í Noregi í vikunni. Ástæðan er sú að hart er deilt um eftirlaunamál og virðist lausn á deilunni ekki vera í sjónmáli.

Liborvaxtasvindlið hafði áhrif á Íslandi

Vaxtasvindlið sem komst í hámæli í Bretlandi í síðustu viku hafði bein áhrif á Íslandi á margan hátt. Einna helst skipti það máli fyrir íslenska neytendur með gengistryggð lán.

Vodafone undirbýr skráningu í Kauphöllina

Vodafone á Íslandi hefur ráðið Fyrirtækjaráðgjöf Íslandsbanka til að vinna að undirbúningi skráningar Vodafone í Kauphöllina á Íslandi.

Fasteignamarkaðurinn heldur að róast

Heldur hefur róast um á fasteignamarkaðinum á höfuðborgarsvæðinu í upphafi mánaðarins eins og yfirleitt gerist þegar helsti sumarleyfatíma landsmanna fer í gang.

Frönsk leikfangakeðja vill kaupa Hamley's

Frönsk leikfangakeðja er í samningaviðræðum um að kaupa hinar sögufrægu bresku leikfangaverslanir Hamley's af slitastjórn Landsbankans fyrir 60 milljónir punda, jafnvirði 12 milljarða króna. Hamley's var áður í eigu Baugs Group áður en fyrirtækið fór í þrot.

Vextir á spænskum skuldabréfum aftur yfir 7% markið

Vextir á spænskum ríkisskuldabréfum til 10 ára fóru aftur yfir 7% markið í morgun. Vextir á samsvarandi ítölskum bréfum hækkuðu einnig og standa í 6,1% þessa stundina.

Fleiri bankahneyksli vegna vaxtasvindls í farvatninu

Fleiri bankar en Barclays munu liggja undir grun um vaxtasvindl. Í blaðinu The Guardian segir að hátt í 20 bankar blandist inn í rannsókn málsins sem unnin er af bæði breska og bandaríska fjármálaeftirlitinu.

Farþegum Icelandair fjölgaði um 15% milli ára í júní

Icelandair flutti 246 þúsund farþega í millilandaflugi í júní og voru þeir 15% fleiri en í júní á síðasta ári. Framboðsaukning var 15% á milli ára.

Niðursveifla á mörkuðum

Niðursveifla varð á mörkuðum í Asíu í nótt. Nikkei vísitalan í Tókýó lækkaði um 1,4% og Hang Seng vísitalan í Hong Kong lækkaði um 1,7%.

Gjaldeyrisforðinn minnkaði um 211 milljarða í júní

Gjaldeyrisforði Seðlabankans minnkaði verulega í júní eða um rúmlega 211 milljarða króna miðað við stöðuna í maí.

Roubini telur að Finnar yfirgefi evruna á undan Grikkjum

Hagfræðingurinn Nouriel Roubini telur að Finnland muni yfirgefa evrusamstarfið á undan Grikklandi.

Kreppan búin en of mikið atvinnuleysi og of lítil fjárfesting

Nokkrir mælikvarðar eru notaðir til að meta hvort kreppur eða yfirsveiflur séu yfirstaðnar. Samkvæmt þeim flestum er kreppan búin á Íslandi og eru fræðimenn og hagfræðingar í atvinnulífinu sammála um þetta. Hagfræðingur Viðskiptaráðs Íslands gerir hins vegar fyrirvara við slíkar fullyrðingar og vísar meðal annars í að atvinnuleysi sé enn of hátt hér á landi.

Apple endurbætir nýjasta iPad

Talið er að tæknirisinn Apple undirbúi nú endurbætta útgáfu af þriðju kynslóð iPad spjaldtölvunnar sem nýlega kom á markað. Notendur hafa margir kvartað yfir því að tækið hitni afar mikið og nú leitast Apple við að lækka hitamyndunina.

Amazon þróar snjallsíma

Talið er að vefverslunarrisinn Amazon sé nú að þróa sinn eigin snjallsíma. Fyrirtækið, sem lengst af seldi rafbækur, og það með góðum árangri, hefur á síðustu árum aukið umsvif sín verulega á raftækjamarkaðinum með vörum eins og Kindle lesbrettinu og Kindle Fire spjaldtölvunni.

Einkennilegasti dúett allra tíma? - Warren Buffett og Jon Bon Jovi

Einkennilegasti dúett í tónlistar- og viðskiptasögunni hefur mögulega verið myndaður. Það gerðist á árlegri ráðstefnu Forbes tímaritsins þar sem kastljósinu er beint að líknarstarfsemi og mannúðarmálum. Þá tóku fjárfestirinn Warren Buffett, sem almennt er álitinn meðal virtustu fjárfesta heimsins, og rokksöngvarinn Jon Bon Jovi, sem mörgum finnst skemmtilegur tónlistarmaður, lagið á blaðamannafundi.

Ísland kannski fyrirmynd fyrir Breta

Rannsóknarnefnd Alþingis og viðbrögð Íslendinga við hruninu árið 2008 geta orðið ákveðin fyrirmynd fyrir breska þingmenn sem hafa síðustu daga krafist þess að bankakerfi landsins verði rannsakað af óháðum aðila. Á þetta er bent í frétt The Financial Times.

Bréf Icelandair hækkuðu

Gengi bréfa Icelandair hækkaði um tæpt prósent í dag. Í lok dags er skráningargengi bréfanna 6,83 en velta dagsins var rúmar 56 milljónir með bréfin.

Selja íslenskt hugvit fyrir milljarð

Norðurál á Grundartanga hefur undirritað samning við íslenska verkfræðifyrirtækið Alu1 um heildarlausn á sérhæfðum framleiðslubúnaði fyrir skautsmiðju álversins. Upphæð samningsins er hátt í milljarð króna fyrir utan vsk., samkvæmt tilkynningu frá Norðuráli.

Skuldabréfaútboði CCP lokið - 75 prósent umframeftirspurn

Lokuðu útboði til fjárfesta á breytanlegum skuldabréfum útgefnum af CCP hf. lauk 4. júlí s.l. Í boði voru USD 15 milljónir og bárust áskriftir fyrir USD 26,3 milljónum eða rúmlega 75% umfram þá fjárhæð sem í boði var, að því er segir í tilkynningu frá CCP. Meðal kaupenda voru fagfjárfestar, þar á meðal lífeyrissjóðir. „Með hliðsjón af umframáskrift og mikilli þátttöku innlendra stofnanafjárfesta hefur stjórn CCP hf. ákveðið að nýta að fullu heimild frá hluthafafundi til að hækka útboðsfjárhæðina í USD 20 milljónir,“ að því er segir í tilkynningu frá CCP.

Mikil umsvif á íbúðamarkaði

Samtals var 490 kaupsamningum um íbúðarhúsnæði þinglýst á höfuðborgarsvæðinu í júní og nam veltan 14,9 milljörðum króna samkvæmt nýjum tölum frá Þjóðskrá Íslands og greiningadeild Íslandsbanka greinir frá.

Arion banki hefði átt að skipta Högum upp í fleiri fyrirtæki

Samkeppniseftirlitið telur að bankar hefðu átt að nýta betur tækifærið sem hrunið veitti til þess að skipta upp stórum, mikilvægum fyrirtækjum og fjölga með þeim hætti keppinautum á mörkuðum. Slíkt hefði stuðlað að aukinni samkeppni og þannig leitt til meiri hagsældar til lengri tíma litið og aukins ávinnings fyrir bankana heldur en skammtímaviðhorf um hærra söluandvirði stærri einingar.

Umfang leikmannaviðskipta minna nú en í fyrra

Knattspyrnufélög á heimsvísu hafa dregið mikið úr viðskiptum með leikmenn á undanförnum mánuðum miðað við árið á undan, að því er fram kemur í nýrri skýrslu frá Alþjóðaknattspyrnusambandinu FIFA. Tæplega 10 prósent færri leikmannasamningar vegna kaupa félaga á nýjum leikmönnum voru kláraðir á fyrstu sex mánuðum ársins miðað við í fyrr. Upphæðirnar sem um ræðir féllu hins vegar um ríflega þriðjun, eða 34 prósent. Heildarupphæðin að baki 4.973 leikmannasamninga nam um 571 milljón dala, eða sem nemur ríflega 70 milljörðum króna, að því er segir í umfjöllun breska ríkisútvarpsins BBC. Upplýsingarnar voru teknar saman í gegnum sérstakt kerfi á vegum FIFA, sem heldur utan um alla leikmannasamninga á heimsvísu, TMS (Transfer Matching System).

Harrods hótel í bígerð víða um heiminn

Eigandi hinnar þekktu Harrods stórverslunnar í London hefur í hyggju að opna hótel víða um heiminn undir nafni Harrods.

Forseti Kýpur í pókerspili þar sem mikið er lagt undir

Forseti Kýpur hefur att Evrópusambandinu og Rússlandi gengt hvort öðru í pókerspili þar sem mikið er lagt undir.

Ítalska stjórnin samþykkir mikinn niðurskurð

Ítalska stjórnin samþykkti í nótt umfangsmikinn niðurskurð á ríkisútgjöldum. Alls verður skorið niður um 26 milljarða evra, eða um 4.100 milljarða króna á næstu þremur ár.

Bréf Regins hækkuðu í dag

Gengi bréfa Regins, sem skráð var á markað fyrr í þessari viku, hækkaði um 1.54 prósent í dag. Velta með bréfin nam 24.4 milljónum. Skráningargengi bréfanna í lok dags er 8.59.

Hópur fjárfesta undir forystu lífeyrissjóða að eignast TM

Hópur fjárfesta sem samanstendur meðal annars af Lífeyrissjóði verzlunarmanna og Almenna lífeyrisjsóðnum er langt kominn með að ganga frá kaupum á Tryggingamiðstöðinni af Stoðum, áður FL Group. Á annan tug milljarða króna gætu fengist fyrir félagið, sem er eitt stærsta tryggingafyrirtæki landsins.

Ríkið sker upp herör gegn skattasvindli í ferðaiðnaði

Ríkisskattstjóri mun á næstunni hefja átak í tekjuskráningu í samstarfi við ASÍ og SA þar sem sérstaklega verður horft til ferðamannageirans. Þetta segir Skúli Eggert Þórðarson en með átakinu á að taka á svartri atvinnustarfsemi í ferðaiðnaði.

Ráðuneytið tekur undir athugasemdir ESA

Efnahags- og viðskiptaráðherra, Steingrímur J. Sigfússon, mun leggja fram frumvarp á Alþingi í haust til að bregðast við athugasemdum ESA um að Íslendingar þurfi að efla löggjöf sína sem varðar innherjaviðskipti og markaðsmisnotkun.

Engir innlánsvextir hjá Seðlabanka Evrópu

Seðlabanki Evrópu hefur lækkað stýrivexti úr 1% í 0,75% og hafa stýrivextir aldrei verið lægri. Með þessu er brugðist við þeim mikla slaka sem er á evrusvæðinu. Innlánsvextir hjá seðlabankinn lækkaði líka innlánsvexti úr 0,25% í 0. Þessi stýrivaxtalækkun er í samræmi við aðrar breytingar sem aðrir bankar hafa gert.

Leið sáttar og fyrirgefningar líklegust til árangurs

„Við Íslendingar stöndum frammi fyrir því að velja okkur leið. Leið fyrirgefningar og sáttar er ekki eina leiðin. En hún er sú leið sem er líklegri til að færa okkur nær hamingjunni sem einstaklingar og þjóð.“

Unnur skipuð forstjóri FME

Unnur Gunnarsdóttir, sem verið hefur settur forstjóri Fjármálaeftirlitsins frá 1. mars síðastliðnum, hefur verið ráðin forstjóri Fjármálaeftirlitsins. Unnur er lögfræðingur frá Háskóla Íslands og stundaði framhaldsnám í lögum bæði í Englandi og Kanada. Hún gegndi áður starfi yfirlögfræðings Fjármálaeftirlitsins.

Smærri fjármálafyrirtæki fái aðgang að þjónustu Reiknistofnunnar

Ný og smærri fjármálafyrirtæki skulu eiga fullan aðgang að öllum kerfum og þjónustu Reiknistofunnar á sömu forsendum og eigendur hennar. Þetta kemur fram í ákvörðun Samkeppniseftirlitsins sem birt var í dag. Í ákvörðuninni eru sett ákveðin skilyrði fyrir því að eigendur Reiknistofnunar bankanna geti haldið rekstrinum áfram. Í hópi stærstu eigenda hennar eru viðskiptabankarnir þrír langstærstir. Þetta er tryggt með skilyrðum um aðgangsreglur, verðskrá, bann við ómálefnalegum hindrunum eða mismunun og trúnað í umsóknarferli.

Moody's segir horfurnar neikvæðar fyrir Barclays

Lánshæfismatsfyrirtækið Moody's breytti horfum í mati sínu á stöðu Barclays bankans í neikvæðar vegna áhrifa vaxtasvindlsins bankans á starfsemi hans. Bankinn samþykkti að greiða 290 milljónir punda í sekt, jafnvirði um 57 milljarða króna, vegna lögbrota sem framin voru í október 2008 þegar starfsmenn Barclays fölsuðu vaxtaálag á skuldir bankans með markaðsmisnotkun.

Umfangsmikið svart hagkerfi innan ferðaþjónustunnar

Ætla verður að umfang svartrar starfsemi í ferðaþjónustugeiranum sé um 10-12 milljarðar króna á ársgrundvelli hið minnsta. Þetta kemur fram í frétt Viðskiptablaðsins í dag.

Brent olían rýkur upp eftir verkbannsboðun í Noregi

Tunnan af Brent olíunni hefur hækkað um tæp 2% í morgun og er komin í 101,5 dollara eftir að Landssamtök olíuframleiðenda (OLF) í Noregi boðuðu allsherjar verkbann á öllum olíuborpöllum landsins frá og með næsta mánudegi.

Önnur olíufélög bjóða 15 króna afslátt í dag

Olíuverzlun Íslands og ÓB-Ódýrt bensín bjóða 15 kr. afslátt af eldsneyti í dag það er af bæði bensín og dísilolíu. Atlantsolía mun einnig bjóða sínum viðskiptavinum sama afslátt.

Hagstofan spáir 2,8% hagvexti í ár

Hagstofan spáir því að hagvöxtur á landinu nemi 2,8% á þessu ári og 2,7% á því næsta.

Kreppan lækkar fæðingartíðini í 25 af 30 Vesturlöndum

Efnahagskreppan í heiminum hefur haft þau áhrif að fæðingartíðni hefur lækkað í 25 af 30 vestrænum löndum þar á meðal Íslandi.

N1 lækkar verð á bensíni og dísil um 15 krónur tímabundið

Verðið á bensín- og dísilllítranum lækkar tímabundið í dag hjá N1 um fimmtán krónur í tilefni N1 mótsins á Akureyri um helgina og gildir lækkunin til miðnættis í dag, 5. júlí.

Gistinóttum á hótelum fjölgaði um 15% í maí

Gistinætur á hótelum í maí voru um 139.700 samanborið við 120.500 í maí í fyrra. Þetta er 15% aukning á milli ára.

Fjöldi fasteignakaupa jókst um 32% milli ára í júní

Fjöldi fasteignakaupa á höfuðborgarsvæðinu jókst um tæp 32% milli ára í júní á höfuðborgarsvæðinu. Veltan jókst um tæpt 41% á milli ára.